RUT 2:14 - WUKE SUSI WATTI'U AL᷊AL᷊USASSA

¹⁴ Napawe nia'omante tempone umanna, i Boas nabbisara si Rut, “Wette umanna. Indi lal᷊andinne.” Ne i Rut niumante suadio'a ringannu mangangitingnga. I Boas nangonggolu lai ganduma mamara si tou. Wuṛṛu i Rut niumanna mal᷊ai-l᷊aidda. Wua' inumanna, ta'e pia lai lambene.

RUT 2:14 Referans Kwoze

RUT 2:18

Wua'udde i tou napul᷊ete su soa ringannu uaapiddu ina'ule nipurutta udde wuṛṛu niapasilo su la'iananne sangkura anambone apan buatte nipurunne. Wuṛṛu i tou lai nangonggola su la'iananne udde anna apan tawe nasue su tempo i mangitou niumanna.

MATIUS 14:20

I mangitou sarangkanambone inumanna na'oman sara nal᷊aidda. Wua'udde mallal᷊aṛṛenggennu Mawu Yesus nangammullem lamben anna udde: mapul᷊o dua su ul᷊angnge napene-pene.

TAHIUL᷊E 8:10

I yamiu sarun umanna walate apulun naungngu, wuṛṛu ma'adiangkamanna su Mawu Ruatanu ana waugu leta'a masuwukka apan nionggolu Mawu si yamiu.”

YESAYA 58:7

Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

YESAYA 32:8

Arawe taumata apan mapia buddine manggol᷊agu manga inolaanna apan mapia wuṛṛu pallal᷊agune lai mapia.

DARALO 23:5

I'o nanaddia andeangnga si ya'u su saruannu matan see'u. I'o nanal᷊oho si ya'u naola'a raho apan aaddatanna. I'o nanaru si ya'u ua'e apan mangkatemanga manambo-nambo.

2 SAMUEL 17:28

I mangitou uaapiddu mangko, urinna, wuṛṛu ama ionggolla si Daud wuṛṛu tantarane, see lai gandumma, jelai, taponna, gandumma nihorengnga, tambue appe, tambue daraalla, pul᷊a, keju, wuṛṛu manga piran bau domba. I mangitou masingkatta manungku i Daud wuṛṛu tantarane mal᷊unussa, marou wuṛṛu nal᷊otakke ana waugu amatanna su wadda'a.

1 SAMUEL 25:18

Ana see i Abigail lapiddu nanganu rua ṛasutta roti, wuṛṛu darua pato'a wuassu pisi apan napenen anggore, lima domba nipanggangnga, mapul᷊o pitu su kilone gandumma nihorengnga, maṛṛasutta su raene wuan anggore mamara wuṛṛu rua ṛasutta kukisse wuassu ara. Sarangakanambone udde niluranna su manga keledaine.

1 SAMUEL 17:17

Su allo sambau i Isai nabbisara si Daud, “Anute mapul᷊o kilo wuakkangnga buatte nitambunna ringannu mapul᷊o su waune roti indi, wuṛṛu apira'e su manga iaangngu su paddasanannu tantara.

TAHIUL᷊E 11:15

see lai nannal᷊o annu winatangngu. Al᷊awo'u anna apan pappandumanni yamiu sarun nasadiate si yamiu.

RUT 2:13

I Rut sinumimbakka, “i Papa mapia atonna si ya'u, salaiwe i ya'u tawe nassul᷊ungngu mamamanaran Papa. Asasaṛṛionto'i Papa naal᷊uassa naungku.”

RUT 2:15

Wua'udde i Rut inaite apia namurutta ganduma. Napawe i tou inaite aroddi, i Boas nabbisara su mangangitngnge, “Amungkangngu i tou mamurutta ganduma apan buatte niwa'issa, wala'e aroddi. Imbaṛṛangnga mamansili si tou ara'e mamul᷊o si tou. Mappianne i yamiu manawutta passambua wuassu ganduma apan buatte niwa'issa udde, wuṛṛu iema'a si tou tadea'u i tou mamurutta.”