RUT 2:13 - WUKE SUSI WATTI'U AL᷊AL᷊USASSA

¹³ I Rut sinumimbakka, “i Papa mapia atonna si ya'u, salaiwe i ya'u tawe nassul᷊ungngu mamamanaran Papa. Asasaṛṛionto'i Papa naal᷊uassa naungku.”

RUT 2:13 Referans Kwoze

1 SAMUEL 1:18

I Hana sinumimbakka, “Antimanna ya'u maasomba al᷊amatta wuassi Papa.” Wua'udde i tou napul᷊ete, ana see niumanna; wuṛṛu tate lai massusa.

PANDARIADDI 34:3

Arawe i tou tumanite ninumemman i Dina, na'oman sara piate naungnga si Dina wuṛṛu maddea'a tadea'u maṛṛuala udde lai pia naungnga si tou.

PANDARIADDI 33:8

I Esau naiwal᷊o, “Apa pandumannu ringannu taumata aroddi anambone apan nassomba'u tanginna?” I Yakub sinumimbakka, “Tadea'u ipalluassa naungngu Iaangnga.”

FILIPI 2:3

Arie ma'ola'a sambau inolaanna hunane su watangannu sassane, ara'e ipamarabunga. Arawe ṛinone i yamiu sangkatou-sangkatou ringannu masaṛṛionto'a ma'ellega taumata waine mappianne wuassu watangannu sassane.

2 SAMUEL 16:4

Ana see ratu nabbisarate si Ziba, “Manattakka orassa indi al᷊awo'u pussa'a Mefiboset maola'a pussaanu.” “A'adiangkamanna Tuangnga,” sasimbakki Ziba. “Doronganna i Tuangnga sidutu mal᷊uassa su allangngu!”

1 SAMUEL 25:41

I Abigail lapiddu dirumarisikka wuṛṛu nassubba see lai nabbisara, “I ya'u indi allangngi Daud, ya'u uasaddia mangukkassa leddan manga allangnge.”

PANDARIADDI 43:14

Antimanna Mawu Ruata Apan Lembontaṛṛino ma'ola'a gubernure udde umakkanni yamiu, na'oman sara i tou mapaawelengngi Benyamin wuṛṛu i Simeon si yamiu. Su ola'u i ya'u indi, amungkangngu i ya'u ṛinone awul᷊ianten manga ana'u, apa sarun iwisara.”

PANDARIADDI 33:15

Unni Esau, “Amungkangngu aroddi, mappianne i ya'u manantangngu manga pira taumata'u si'o.” Arawe i Yakub sinumimbakka, “Ariete mattinsahadda, i ya'u tumbau maapulu malluassa naungngu Iaangnga.”

PANDARIADDI 33:10

Unni Yakub, “Arie! Amungkangu i ya'u buatte nalluassa naungngu Iaangnga, sengkampe sasamba'u indi. Si ya'u, naasilo hatin Iaangnga ere lai naasilo hatin Duata, ana waugu Iaangnga aroddi masaṛṛionto'a si ya'u.

AMSAL 15:33

Matta'uttu Mawu eteudde rapappakku pangangehetta apan mapia; awawantuga liuṛṛoroannu asasaṛionto'u naungnga.

MAL᷊AṚṚUUNGNGA 19:3

taumatan Lewi udde inaite nattuṛutta si tou wuṛṛu nassal᷊o'a tadea'u mabelengnga apia ringanni tou. I tou inaite ringannu nangapiddu sangkatou allangnga wuṛṛu darua keledai. Napawe na'omate poiaroddi, wawine udde nangapiddi tou ringannu iamange. Sutempo iamangu wawine udde naasilo si tou, i tou nanal᷊oho ringannu lulluassa,

RUT 2:12

Antimanna Mawu mabbal᷊issa al᷊awo'u apapianu. Antimanna i'o manengkamma al᷊awo'a apan ṛinone ionggolu Mawu, Ruatan Israel si'o, ana waugu i'o nirumantate mangimanna wuṛṛu uasirungnga si Tou!”

RUT 2:14

Napawe nia'omante tempone umanna, i Boas nabbisara si Rut, “Wette umanna. Indi lal᷊andinne.” Ne i Rut niumante suadio'a ringannu mangangitingnga. I Boas nangonggolu lai ganduma mamara si tou. Wuṛṛu i Rut niumanna mal᷊ai-l᷊aidda. Wua' inumanna, ta'e pia lai lambene.

PANDARIADDI 32:6

Su tempo manga daroloṛṛanna nabelengke apia ringanni Yakub, i mangitou nabbisara, “I yami buatte wua dinganni Esau, iaangngi Tuangnga wuṛṛu orassa indi i tou sulal᷊ummu amatanna inawarea maisasomban Tuangnga. I tou rumanta ringannu uaapiddu appatu ṛasutta su atoune.”

HOSEA 2:16

Ana see i tou managgo-U awingnge, wuṛṛu wal᷊ine Baal apan sassubbanni tou.