RUT 1:11 - WUKE SUSI WATTI'U AL᷊AL᷊USASSA

¹¹ “Arie, ana'a!” sasimbakki Naomi, “iraddua mappianne apul᷊ete. Ma'ura iraddua tumantalongnga si ya'u? Wal᷊inewe i ya'u tate lai mapangunsiwen ana'a maola'a awingngu?

RUT 1:11 Referans Kwoze

TAHIUL᷊E 25:5

“Amungkangngu manga taumata sangkatuṛṛanganna uatana'a su sambau, ana see sangkatou suwallati mangitou nate wuṛṛu tawe ana'a esakka, ne inawal᷊uanne udde tawe wotongnge ma'awingngu taumata waine su liuddu tuṛṛangngu awingnge. Tuṛṛangngu taumata nate udde ṛinone ma'awingngu wawine udde.

PANDARIADDI 38:11

Wua'udde i Yehuda nabbisarate si Tamar mananambone udde, “Pabbelengke su wal᷊en hagurangngu wuṛṛu atana'e isudde ere sangkatou inawal᷊uanna maddatingngu ana'u i Syela mahewalla.” I tou nabisara aroddi ana waugu matta'utta aṛṛengenne i Syela sarun pateannu Mawu lai, ere iaangnge ruan katou. Ne i Tamar napul᷊ete watukku wal᷊en hagurangnge.

RUT 1:10

wuṛṛu nabbisara si Naomi, “Tawe, Mama! Iambua lai tumantalongnga si mama mai ringannu walahanni Mama.”

RUT 1:12

Apul᷊ete, ana'a, ana waugu i ya'u timmadete tate mapa'awingnga apia. Wuṛṛu unnu wisara i ya'u ta'e pia antimma maawingnga ṛabbi indi lai wuṛṛu maasomba ana'a esakka,

PANDARIADDI 38:9

Arawe i Onan masingkatta manungku manga anangnge sarun tawe maola'a pussaane. Nariaddi, suapan i tou matatamban inawal᷊uannu iaangnge udde, sal᷊ingnge niwalan tou maramme su liudde tadea'u iaangnge tawe maasomba pallaṛṛite.