ROMA 9:3 - WUKE SUSI WATTI'U AL᷊AL᷊USASSA

³ ana waugu manga tuṛṛangnga sambalahangku. Ana waugu ete si mangitou, i ya'u sassane mal᷊uassa wontohannu Ruata wuṛṛu iapaatal᷊ei wuassi Kristus.

ROMA 9:3 Referans Kwoze

SASABANGNGA 32:32

Doronganna Mawu mangampungnga rosa mangitou; amungkangngu tawe, pappasse arangku wuassu wuken manga taumata wiakka.”

ESTER 8:6

Ereapa wotongnge allangnga ma'ellega walahanna wuṛṛu manga tuṛṛangngu allangnga masue ṛatanna?”

ROMA 11:14

I Ya'u mangngantimma, i ya'u wotongnge mapaal᷊apputu naungnga lal᷊eo su walahannu sassane, tadea'u ringannu lal᷊anne udde i ya'u wotongnge manal᷊amatta sambageanganna wuassi mangitou.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

1 KORINTUS 16:22

Taumata apan tawe mandangngu Mawu, wala'e i tou awontohanna! Maranatha – Mawun kami, rantate!

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

GALATIA 1:8

Taumata apan mabatti'u “watti'u al᷊al᷊uassa” apan uapapaṛṛala wuassu Watti'u Al᷊al᷊uassa apan buatte niapaasingkati ami, wala'e i tou iṛṛuumannu Ruata – salaiwe taumata udde, i yami sassane ara'e mala'ekatta wuassu surga!

1 KORINTUS 12:3

I yamiu ṛinone maasingkata, manungku taumata apan aehetannu Ghaṛṛahon Duata tawe maapabbisara, “Niawontohante Mawu Yesus!” Aroddi lai tawe saran sangkatou wotongnge mabbisara, “Tumba'u Mawu Yesus udde Mawu!” amungkangngu taumata udde tawe aehetannu Ghaṛṛahon Duata.

ROMA 11:1

I ya'u maiwal᷊o: Apa Ruata suete nandammen walahan-Ne sassane? Atonna tawe! I ya'u sassane sangkatou taumatan Israel papapulunni Abraham, wuṛṛu wuassu ṛuanganni Benyamin.

WATTI'U MANGA RASUL 13:26

Manga tuṛṛangnga papapulunni Abraham, wuṛṛu manga tuṛṛangnga waine apan isindi apan tuttuṛṛutta Ruata! Ruata suete nangonggolu Watti'u Asasal᷊amatta udde si ite;

1 SAMUEL 14:44

Unni Saul si tou, “Antimanna ya'u iṛṛuumannu Ruata amungkangu i ya'u tawe pateanna, Yonatan!”

1 SAMUEL 14:24

Su allo udde manga taumatan Israel nallomete ana waugu mal᷊unussa, ana waugu i Saul buatte nassalu arendi, “Niawontohante taumata apan niumanna manga anna su allo indi, tantal᷊anna ya'u taambe naawal᷊issa taddu'u naungku su saruannu seetta.” Ana waugu udde tawe saran sangkatou apan niumanna su allo massallo udde.

TAHIUL᷊E 21:23

winal᷊unanna udde tawe wotongnge iwala isudde su al᷊o'engngu ṛabbi, arawe ṛinone ilabbingnga allo udde lai. Winalunanna apan ua'ele udde, mandantan bontogu Mawu Ruata su wanua udde. Nariaddi, labbinga'e winal᷊unanna udde tadea'u i yamiu tawe mandal᷊eo wanua apan nionggolu Mawu Ruatanu si yamiu.

PANDARIADDI 29:14

i Laban nabbisara, “Mangke atonna, i'o ta'e tuṛṛangku repessa.” I Yakub uatana'a su wal᷊en udde natipussa sambul᷊anna.

2 SAMUEL 18:33

Naaringikka udde ratu mangke nasusa, ana see niumawitte su wabbo'a al᷊iurosone su ngaran passallanganna lapiddu lulluai, “Oh ana'u! Ana'u Absalom! Absalom ana'u! Mappianne i ya'u nate mallol᷊ossa si'o, ana'u! Absalom ana'u!”

WATTI'U MANGA RASUL 22:5

Imam bahewa sassane wuṛṛu anambo Mallaṛṛuungngu Agama wotongnge mattiala manungku i ya'u tawe mangawusu. Ana waugu ete i mangitou udde suete nangonggolu suratta wawal᷊o su manga taumatan Yahudi su Damsyik. Ringannu suratta udde i ya'u wotongnge manametta poiaroddi manga taumata apan mangngimanna al᷊aṛṛa'a udde wuṛṛu mangapiddi mangitou su Yerusalem iṛṛuumanna.”

WATTI'U MANGA RASUL 28:21

See i mangitou nabbisara si tou, “Yami taambe naasengkamma saran paassa suratta wuassu Yudea su ola'u tuṛṛangnga. Wuṛṛu tawe sangkatou tuṛṛangnga wua poiaroddi apan nangapiddu watti'a su ola'u tuṛṛangnga ara'e nabatti'u al᷊al᷊eon tuṛṛangnga.

ROMA 1:3

Watti'u Al᷊al᷊uassa udde mabbatti'u Ana'u Ruata, eteudde Mawun kite Yesus Kristus. Su ola'u saṛṛene ere taumata, i Tou walahanni Daud,

ROMA 9:2

I ya'u tumanite massusa wuṛṛu naungku uatataṛṛanga sansara

ROMA 16:7

Wal᷊oa'a lai tabea'u si Andronikus wuṛṛu si Yunias. Itarua wuṛṛu i ya'u papapulunnu sangkatou wuṛṛu buatte niṛṛuumanna su sampunna. Tantal᷊anna i ya'u taambe nangimanna si Kristus, i mangitou doronete nangimanna. I mangitou tinumelengnga su wallattu manga rasul.

ROMA 16:11

wuṛṛu si Herodion. Iambua walahanna sambau. Aroddi lai tabea'u su manga tuṛṛangnga pangangimanna sambau su wal᷊en Narkisus.

ROMA 16:21

Timotius, hawe'u nabbal᷊on tabeane si yamiu. Aroddi lai Lukius, Yason wuṛṛu Sosipater, i yami indi walahanna sambau.

2 KORINTUS 12:15

Ana waugu udde ringannu naungnga mal᷊uassa i ya'u manantillu al᷊awo'u darotongku si yamiu, ewe'e wadangku sassane lai. Amungkangngu i ya'u aroddi arangngune si yamiu apa i yamiu tawe mandangngu si ya'u?

GALATIA 1:9

I yami buatte nabbisara paarorone, orassa indi ya'u mabbisara paassa lai: Taumata apan mammasingkata si yamiu “watti'u al᷊al᷊uassa” apan uapapaṛṛalan Watti'u Al᷊al᷊uassa apan suete niaringiṛṛani yamiu wuassi yami, taumata udde ṛinone iṛṛuumannu Ruata!

EFESUS 6:5

Manga tuṛṛangnga apan naola'a allangnga! Paatuṛṛuta parenta mawunu su runia indi. Olaawe udde ringannu apendamma maaddata wuṛṛu matuṛṛuta ringannu atonna-tonna naal᷊ihida ere a'olaanni yamiu si Kristus sassane.