ROMA 9:18 - WUKE SUSI WATTI'U AL᷊AL᷊USASSA

¹⁸ Nariaddi Ruata mandangngu sangkatou, amungkangngu Ruata maapulu aroddi. Ruata mammalan sangkatou taumata mal᷊awangnga, amungkangngu Ruata maapulu aroddi lai.

ROMA 9:18 Referans Kwoze

YOSUA 11:20

Mawu napaattiku naungngi mangitou ana see sidutu mapapangalon taumatan Israel, tadea'u i mangitou insueanna, wuṛṛu pateanna abbi ringannu tawe ampunge ere buatte nirolokku Mawu si Musa.

SASABANGNGA 4:21

Mawu nabbisara si Musa, “I Ya'u buatte nangonggolu taṛṛino si'o ipa'ola'a manga al᷊aṛṛindu'a. Nariaddi amungkangngu i'o nabelengke su Mesir, ola'e manga al᷊aṛṛindu'a udde su saruannu ratu Mesir. Arawe i Ya'u sarun ma'ola'a si tou maatikka puane, na'oman sara i tou maddiri mamalan balahanna udde mangingkatta.

TAHIUL᷊E 2:30

Arawe i Ratu Sihon tawe namalan kite sumabbi wanuane udde. Mawu Ruatanu napa'aattiku naungnge wuṛṛu mappandumma tadea'u i ite wotongnge mamaddon i tou. Wageangngu letangnge ta'e datanaanni ite naddatingngu orassa indi.

YESAYA 63:17

Oh Mawu, anio i yami niwala-Nu niumal᷊iwu? Anio I'o napaattikku naungngi yami na'oman sara i yami tate mata'uttu Mawu? Pabbelengke ana waugu manga allang-Ngu, wuṛṛu uman-Nu, pussa'a-Nu.

SASABANGNGA 7:13

Salaiwe aroddi, ratu naungnge sidutu maatikka wuṛṛu maddiri maddaringikka wisara Musa wuṛṛu i Harun, ere buatte niwisara Mawu.

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

SASABANGNGA 7:3

Arawe i Ya'u sarun mapaattikku naungngu ratu. I tou sarun tawe maddaringikka si'o, salaiwe i Ya'u mapaarantan manambo silaka su Mesir.

SASABANGNGA 9:12

Arawe Mawu na'ola'a ratu naungnge maattikka, wuṛṛu ere buatte niwal᷊o Mawu, ratu maddiri maddaringikka wisara i Musa ruan i Harun.

SASABANGNGA 10:1

Mawu nabbisara si Musa, “Roote sumaruanna ratu. I Ya'u buatte na'ola'a si tou wuṛṛu manga mammamanaran araratuanne naungnge maattikka, tadea'u i Ya'u wotongnge ma'ola'a manga al᷊aṛṛindu'a su pattangnganni mangitou,

SASABANGNGA 10:20

Arawe Mawu na'ola'a naungngu ratu maattikka, wuṛṛu i tou maddiri mamalan taumatan Israel inai mapul᷊e.

SASABANGNGA 10:27

Mawu na'ola'a ratu naungnge maattikka na'oman sara i tou maddiri mamalan balahannu Israel inai mapul᷊e.

SASABANGNGA 11:10

I Musa wuṛṛu i Harun na'ola'a anambon al᷊aṛṛindu'a udde su saruannu ratu, arawe Mawu na'ola'a si tou naungnge maattikka, na'oman sara i tou maddiri mamalan taumatan Israel manantangngu wanuane.

SASABANGNGA 14:4

I Ya'u sarun mapaatikku naungngi tou, na'oman sara i tou mangenggenna si yamiu. Arawe I Ya'u sarun mapal᷊iatta'u taṛṛino-U su ratu Mesir wuṛṛu tantarane, wuṛṛu i mangitou sarun maasingkatta manungku ete i Ya'u Mawu.” Ana see taumatan Israel na'ola'a ere buatte nirolokku Mawu si mangitou.

SASABANGNGA 14:17

Taumata Mesir sarun Ta'u olaanna naungnge maatikka na'oman sara i mangitou sidutu mangenggenna taumatan Israel, wuṛṛu i Ya'u sarun mapal᷊iatta'u taṛṛino-U su ratu Mesir, tantarane, manga kereta wuṛṛu manga sumasa'ene.

YOHANES 12:40

‘I Ya'u mapaawuta mata mangitou, maola'a naungngi mangitou maatikka; tadea'u i mangitou tawe maasilo, ṛingiṛṛanni mangitou tawe maasunna. Tadea'u i mangitou tawe mabelengnga ringang-Ku, see I Ya'u mapaapia mangitou.’ ”

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

SASABANGNGA 9:7

Ratu naiwal᷊o apa apan buatte nariaddi, ana see niwatti'a si tou manungku winatangngu taumatan Israel tawe saran sambau nate. Arawe ratu sidutu naungnge maattikka wuṛṛu maddiri mamallossu walahanna udde mapul᷊e.