ROMA 9:1 - WUKE SUSI WATTI'U AL᷊AL᷊USASSA

¹ Apa apan sarun iwisara'u indi atonna ana waugu i ya'u tatahuananni Kristus. I ya'u tawe mamahia. Naungku apan aehetannu Ghaṛṛahon Duata mannohassa si ya'u lai manungku wisara'u indi atonna.

ROMA 9:1 Referans Kwoze

1 TIMOTIUS 2:7

Wuṛṛu ana waugu eteudde i ya'u nirolokka inai ringannu manga taumata wal᷊ine Yahudi iapapasingkata si mangitou watti'a su ola'u pangangimanna apan atonna. Apan ta'u iwabbatti'a indi udde atonna, i ya'u tawe mamahia.

ROMA 1:9

I ya'u sidutu uanaungnga si yamiu amungkangngu i ya'u umal᷊iomanna. Ruata matatialane manungku apa apan iwabbatti'u udde atonna. Tumba'u i Tou Ruata apan sassubbangku ringannu ahewallu naungku ringannu namasingkattu Watti'u Al᷊al᷊uassa su ola'u Anang-Nge.

GALATIA 1:20

Apa apan ta'u niwoṛṛeta indi atonna. Ruata masingkata manungku i ya'u tawe mangawusu!

FILIPI 1:8

Ruata masingkatta manungku i ya'u atonna-tonna luṛṛintulun kamiu ringannu apendamu darangngu wuassi Kristus Yesus sassane.

2 KORINTUS 11:10

Alal᷊ua'u indi tawe iapappassa suapan tampa su leta'u Akhaya, ana waugu al᷊ara'i Kristus apan naṛṛino udde si ya'u.

ROMA 8:16

Ghaṛṛahon Duata suadio'a ringannu ghaṛṛahon kite napaal᷊iatta'a ete i ite udde al᷊aṛṛana'u Ruata.

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

1 TESALONIKA 2:5

I yamiu sassane masingkata manungku tawe saran paassa i yami nassal᷊o'a ara'e nangawusu si yamiu ipamunin pandumma apan lal᷊eo udde. Ruata mattatialane!

2 KORINTUS 12:19

Wotongnge mariaddi yamiu massunna, al᷊annunete indi yami tantal᷊anna mangngambangnga watanganni yami su saruanni yamiu? I yamiu nial᷊iwune atonna! Ruata masingkata manungku al᷊awo'u wisaran kami udde tumuṛṛuttu apulun Kristus. Wuṛṛu al᷊awo'u inolaanni yami udde niola'a ipannohassa pangangimanni yamiu.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

1 TIMOTIUS 5:21

Su saruannu Ruata, Kristus Yesus wuṛṛu manga mala'ekatta apan napile, i ya'u sumal᷊ande tadea'u i'o tumuṛṛutta manga tatantiro indi ringannu tawe massunna lal᷊eo su saruanni sai-sai ringannu tawe masasamba'a.

2 KORINTUS 11:31

Ruata, Iamangngu Mawu Yesus masingkata manungku i ya'u tawe mangawusu. Aranne raloanna saran mal᷊annu-l᷊annu.

2 KORINTUS 1:23

Ruata maola'a tiala'u – ana waugu i Tou masingkatu lal᷊oṛṛo naungku – manungku i ya'u tawe nariaddi watukku Korintus, ana waugu i ya'u maddiri ma'ola'a naungngi yamiu masusa.

ROMA 2:15

Pallal᷊agu mangitou napaal᷊iatta'a manungku apa apan buatte nirolokku tita udde uawoṛṛetta su naungngi mangitou. Lal᷊ummu naungngi mangitou lai mapaal᷊iatta'u olangnge udde, ana waugu i mangitou sassane taṛṛa assa iapaasal᷊a wuṛṛu iapaaṛṛinon ṛingiddi mangitou.

ROMA 9:2

I ya'u tumanite massusa wuṛṛu naungku uatataṛṛanga sansara