ROMA 8:39 - WUKE SUSI WATTI'U AL᷊AL᷊USASSA

³⁹ mawae ete manga inolaanna su langitta, ara'e su wowon runia ara'e saranapa lai waine, sarangkanambone udde tawe wotongnge maasingaddu aakkannu Ruata si ite, ere buatte niapaasingkati Tou su pabbiaṛṛani Kristus Yesus Mawun kite.

ROMA 8:39 Referans Kwoze

ROMA 8:35

Apa pia taumata apan wotongnge maningaddi Kristus umakkanni ite? Wotongngewe asasusa maasingaddi Tou, ara'e asasahadda, ara'e pananansara, ara'e araṛṛutumma, ara'e paa'asiangnga, ara'e asasilaka, ara'e papate?

ROMA 5:8

Arawe Ruata napaal᷊iatta'u darangngu-Ne si ite su tempo Mawu Yesus nate ana waugu i ite, su tempo i ite ta'e sulal᷊ummu rosa.

1 YOHANES 4:19

I ite mandangngu, ana waugu Ruata doronete nandangngu si ite.

YOHANES 3:16

Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

1 YOHANES 4:16

I ite sassane masingkata wuṛṛu mangngimanna darangngun Duata si ite. Ruata udde marangngu. Taumata apan wiakke paparentannu darangngu, taumata udde uaaukka ringannu Ruata, wuṛṛu Ruata uaaukka ringanni tou.

YOHANES 17:26

I Ya'u suete napaal᷊iatta'u arannu Iamangnga si mangitou; wuṛṛu i Ya'u sidutu sarun ma'ola'a aroddi, tadea'u darangngun Iamangnga si Ya'u sidutu sulal᷊ummu naungngi mangitou, wuṛṛu i Ya'u mangke sambau ringanni mangitou.”

YOHANES 16:27

ana waugu Iamangnga sassane marangngu si yamiu. I Tou marangngu si yamiu ana waugu i yamiu marangngu si Ya'u, wuṛṛu mangngimanna manungku i Ya'u nirumanta wuassu Ruata.

YESAYA 24:21

Sutempo udde Mawu sarun makkuumannu manga tembonannu winalanganna wuṛṛu manga ratu su runia.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

DARALO 64:6

I mangitou sidutu uaagassa matohassa pandumanne apan lal᷊eo, wuṛṛu ma'ire mantaingngu sasedda; i mangitou massunna naudde taweddu maasilo.

2 KORINTUS 11:3

Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

2 KORINTUS 2:11

I ya'u na'ola'a udde tadea'u Setanna tawe maapanganu tempone ipamarenta si ite, ana waugu i ite masingkatu manga pandumanne.

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

DANIEL 4:11

Aaluanna udde lembon matanggakka; alune masallakka wuṛṛu matohassa. Puidde naddatingngu langitta, naoman sara wotongnge ellehannu anambon taumata su runia.

YESAYA 10:33

Mawu Apan Lembontaṛṛino sarun mapaaṛṛaa mangitou naal᷊ihidda rannu nitonto wuassu alune. Apan aṛṛamahanne wuṛṛu atanggaṛṛanne suwallatti mangitou sarun pototanna wuṛṛu iṛṛa'a.

AMSAL 20:5

Lal᷊oṛṛon naungngu taumata sasummandinge ere paṛṛihi apan mal᷊al᷊umma; tawe asiannu taumata apan tawe pasasunna.

SONDAPPA 20:7

Napawe nasuete tempon saṛṛiwu su tonnane udde, Setanna sarun ipallosa wuassu tattupanne,

SONDAPPA 20:3

Wua'udde mala'ekatta udde nandammen naga udde watukku rampisu papate, see nangunsin rampisa udde, wuṛṛu nisegele tadea'u naga udde tate lai maapangawusu manga walahanna tantal᷊anna tempo saṛṛiwu su tonnane udde taambe nasue. Wua'udde i tou ṛinone ipallosa sulal᷊ummu tempo apan mal᷊ihakka.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

SONDAPPA 13:14

Wuṛṛu anambon taumata apan mabbiakka su runia niawusuanne ringannu manga al᷊aṛṛindu'a apan botongnge olaanne su saruannu winatangnga apan paarorone udde. Wuṛṛu i mangitou sarangkanambone nirolokka mandarisikku sambau paal᷊uanna wuassu winatangnga apan suete nilessan hal᷊ele, arawe ta'e wiakka.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

SONDAPPA 2:24

Arawe i yamiu waine su Tiatira apan maddiri tumuṛṛutta al᷊aṛṛa'a lal᷊eo udde, wuṛṛu maddiri mangurumma al᷊aṛṛa'u Setanna. I Ya'u mabbisara manungku i Ya'u tawe manamba winabbawanu apan mawakkata.

2 TESALONIKA 2:4

Ringannu mawunga i tou sarun lumawangnga wuṛṛu mananggaku watangan-Ne su anambon inolaanna apan sassubbannu taumata, ara'e anambon paal᷊uanna apan sassunnannu taumata udde Ruata. Ewe'e lai i tou sarun uma'ianna sulal᷊ummu Wal᷊e Duata wuṛṛu mamasingkata manungku eteudde i tou Ruata.

ANTARI MAWANTUGA 3:4

Wakkute ta'u nitantangnga i mangitou, i ya'u massomba tatuno naungku. Aagasangku i tou, wuṛṛu tawe ta'u ipallossa na'oman sara ta'u niapidda su wal᷊en mama'u, su wabbo'an taumata apan nanungkangku.

ROMA 1:7

Ana waugu udde i ya'u namoṛṛettu suratta indi si yamiu. Antimanna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu al᷊al᷊uassa si yamiu.

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

FILIPI 3:12

I ya'u tawe mabbisara manungku i ya'u naasombate auntunganna, ara'e nasuungke. Arawe i ya'u sidutu maddea'a maapangaṛṛo aonggola apan suete nissaddian Kristus Yesus. Ana waugu udde i Tou suete nangaṛṛo si ya'u, wuṛṛu niola'a pussa'a-Ne.