ROMA 8:34 - WUKE SUSI WATTI'U AL᷊AL᷊USASSA

³⁴ Apa pia taumata apan mapaasal᷊an kite? Kristus Yesus sarun manamba'a si ite. Ete i Tou apan buatte nate, ara'e ete i Tou apan buatte nabbiakka apia wuassu papate wuṛṛu tampane ringannu Ruata, isudde i Tou mammarenta.

ROMA 8:34 Referans Kwoze

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

ROMA 8:27

Ne Ruata, apan masingkatu lal᷊oṛṛo naungngu taumata, maasunna apulun Ghaṛṛaho udde; ana waugu Ghaṛṛaho udde sussal᷊ande Ruata hunan al᷊aṛṛana'u Ruata wuṛṛu nassul᷊ungngu apulun Duata.

1 PETRUS 3:22

wuṛṛu suete nasengkenga su surga. Orassa indi i Tou uataṛṛino suaddio'a ringannu Ruata wuṛṛu uaparenta anambon malaekatta, anambon tembonanne see lai anambon atatohassa.

IBRANI 9:24

Ana waugu i Kristus tawe sinumutta su Wabbo'a Susi inolaannu taumata, apan tumba'u hambarannu Wabbo'a Susi apan ṛinone. Mawu Yesus sinumutta sassane su surga; poiaroddi orassa indi i Tou uasaruanna Ruata hunane si ite.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

MARKUS 16:19

Napawe Mawu Yesus suete nagahatto mangitou, i Tou nasengkengke watukku surga. Poiaroddi i Tou uaparenta su sampunna ringannu Ruata.

KOLOSE 3:1

I yamiu suete niapaawiakka apia su sambau ringanni Kristus. Ana waugu udde ṛinone i yamiu mammanara tadea'u maasomba apapia wuassu surga, suapa Kristus uaparenta ringannu Ruata.

YESAYA 53:12

Ringannu naungnga mal᷊uassa i tou nanantillu wiakke wuṛṛu nasutta su reengannu taumata lal᷊eo. I tou namasanna rosa taumata nambo wuṛṛu niumal᷊iomana tadea'u i mangitou ampunganna. Ne i tou Ta'u nionggol᷊annu taumata manambo maola'a hadiane, wuṛṛu i tou naasomba wageangnge suadio'a ringannu manga taumata apan matul᷊idda.”

DARALO 109:31

Ana waugu i Tou nangambanga wuṛṛu nanal᷊amatta taumata asiangnga wuassi mangitou apan nangema'u ṛuumanna mate si tou.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

ROMA 14:9

Kristus natete wuṛṛu nabbiakke apia. Ana waugu udde i Tou naola'a Mawu manga taumata wiakka wuṛṛu lai manga taumata apan natete.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

YEREMIA 50:20

Sutempo udde Israel wuṛṛu Yehuda sarun mawaresi wuassu rosa, ana waugu i Ya'u sarun mangampungnga manga taumata apan buatte i Ya'u niapaasal᷊amatta. I Ya'u, Mawu, buatte nabbisara.”

DARALO 37:33

Arawe Mawu tawe mamalan tou manawo su liman seetta, ara'e iṛuumanna sutempo parikisanna.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

ROMA 14:13

Ana waugu udde arie i ite mapaasal᷊an sangkatou ringannu sangkatou. Arawe padea'e tadea'u i yamiu tawe ma'ola'a inolaanna apan ma'aola'a tuṛṛangngu su pangangimanna sambau awono'anna wuṛṛu marosa.

YOHANES 16:23

Su allo udde, i yamiu tate maiwal᷊o manga apa si Ya'u. Pangimante: Al᷊awo'u apa apan raddoronganni yamiu su Iamangnga sulal᷊ummu arang-Ku, udde sarun ionggolu Iamangnga si yamiu.

YOHANES 14:19

Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

AYUB 33:24

Ringannu u'akkanna mala'ekatta udde sarun mabbisara, ‘Pallosa'e i tou, tawe wotongnge i tou sumossokka su runian taumata nate. Indite roitta tatubbunne, tadea'u i tou mapallossa apia.’

AYUB 34:29

Napawe Ruata makkawessa mangke mal᷊annabba, taweddu saran sangkatou apan waṛṛani mapasal᷊a-Ne. Amungkangngu i Tou namunin hati-Ne, tawe saran sangkatou apan maasangkalla si Tou.

YESAYA 50:8

Ana waugu Ruata marani, i Tou namasingkatta i ya'u tawe sal᷊ane. Isaite apan maapulu matatiakka ringangku? Wette i ite rumante suadio'a. Isaite apan lumawangnga si ya'u? Doloṛṛa'e i tou mangundani'u.

WATTI'U MANGA RASUL 2:24

Arawe Ruata napaawiakki Tou apia wuassu wallattu manga taumata nate. I Tou niallupu papate, arawe Ruata napaal᷊iun Tou, ana waugu tawe ṛinone i Tou sidutu aagasannu papate.