ROMA 8:30 - WUKE SUSI WATTI'U AL᷊AL᷊USASSA

³⁰ Ete aroddi Ruata namaggo si mangitou apan buatte nipile paarorone; wuṛṛu i mangitou apan niwagoanne udde, niwala maaukka apia ringanni Tou. Wuṛṛu i mangitou apan niwala apia maaukka ringannu Ruata, nanganu wageangnge sulal᷊ummu awawantugu Ruata sassane.

ROMA 8:30 Referans Kwoze

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

EFESUS 1:5

ne, i Tou buatte nanantuna paarorone manungku sulal᷊ummi Yesus Kristus, i Tou sarun manga'u si ite maola'a manga al᷊aṛṛanang-Nge sassane. Wuṛṛu atonna eteudde apan tipusanni Tou.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

YOHANES 17:22

I Ya'u suete nangonggolu awawantuga si mangitou apan nionggolu Iamangnga si Ya'u, tadea'u i mangitou maola'a sambau ere i Ite lai sambau;

2 PETRUS 1:10

Ana waugu udde, manga tuṛṛangnga, pattinsahade lembon maṛṛimadda tadea'u bawago Duata wuṛṛu pamamile-Ne su ririnu udde maola'a lembon matohassa. Amungkangu i yamiu ma'ola'a udde, i yamiu tawe sumoṛṛotta wuassu pangangimannu.

1 KORINTUS 1:9

Ruata mangke apangimananna atonna-tonna. Ete i Tou Ruata apan namaggo si yamiu maola'a sambau ringannu Anang-Nge, eteudde Yesus Kristus Mawun kite.

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

2 TIMOTIUS 2:11

Mangke atonna wisara'u indi, “Amungkangu i ite suete nate suadio'a ringanni Tou, i ite sarun mabbiakka lai suadio'a ringanni Tou.

SONDAPPA 19:9

See mala'ekatta udde nabbisara si ya'u, “Woṛṛetta'a indi: ‘Lal᷊umanna'a su taumata apan niwagoanna su andeangngu awingngu Ana'u Domba udde.’ ” See mala'ekatta udde nanamba apia, “Ete indi watti'a atonna wuassu Ruata.”

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

YESAYA 41:9

I'o buatte Ta'u nial᷊appa wuassu manga pentakku runia, Ta'u niwaggoanna wuassu manga tampa apan arauanne. Wisara-Nu, ‘I'o allang-Ku; i Ya'u tawe manol᷊a'u taumata nipile-U.’

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

KOLOSE 3:4

Ne, punnu wiakku apan tutune eteudde Kristus wuṛṛu napawe i Tou asiloanna, ne i yamiu lai sarun rumanta suadio'a ringanni Tou sulal᷊ummu atatulide!

EFESUS 4:4

Tumba'u pia badangnga sambau, wuṛṛu Ghaṛṛaho sambau. Aroddi lai yamiu suete niwagoanna su pangangantimma sambau apan uasul᷊ungnga.

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

EFESUS 2:6

Ana waugu i ite uaaukka ringanni Kristus Yesus, Ruata napaawiakki ite apia su sambau ringanni Tou, tadea'u i ite mamarenta lai suadio'a ringanni Tou sulal᷊ummu surga.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

ROMA 1:6

Pandumannu wisara al᷊awo'u walahanna eteudde i yamiu lai apan uatana'a su Roma; i yamiu lai buatte niwagoanna maola'a taumatan Mawu Yesus Kristus.

ROMA 8:21

manungku su sambau tempo pati'uppu runia sarun iapaal᷊iu wuassu taṛṛino apan maawinasa wuṛṛu sarun mawal᷊i sumutta su al᷊al᷊uassa wuṛṛu wantuhanna su sambau ringannu al᷊aṛṛana'u Ruata.

ROMA 11:29

Ana waugu amungkangngu Ruata mamile taumata wuṛṛu mangal᷊amatta taumata udde, Ruata tawe mangul᷊e apia apa apan buatte niolang-Nge.

1 KORINTUS 2:7

Apapande apan ta'u iwal᷊o udde eteudde apapande wuassu Ruata. Apapande udde awaganannu runia, arawe Ruata suete nanaddia lal᷊umanna'i ite ro'en runia indi taambe niriaddi.

GALATIA 1:6

I ya'u tinumiangnga su ola'u manga tuṛṛangnga! I yamiu niwagoannu Ruata ana waugu darangngun Kristus, arawe orassa indi yamiu aroddi al᷊ihakke tinumal᷊iudda Ruata wuṛṛu mangngimanna “watti'u al᷊al᷊uassa” apan uapapaṛṛalan Watti'u Al᷊al᷊uassa wuassu Ruata.

GALATIA 1:15

Arawe ana waugu apapian naungngu Ruata, i Tou namile si ya'u tantal᷊anna i ya'u taambe niasungkanga wuṛṛu namago si ya'u iapa'imbe si Tou.

GALATIA 5:8

Natantuna iapa ma'ola'a udde wal᷊inewe Ruata apan suete namaggo si yamiu!

EFESUS 3:11

Ruata na'ola'a udde wuassu manara-Ne apan tawe panginsueanne, apan niolang-Nge sulal᷊ummi Kristus Yesus Mawun kite.