ROMA 8:27 - WUKE SUSI WATTI'U AL᷊AL᷊USASSA

²⁷ Ne Ruata, apan masingkatu lal᷊oṛṛo naungngu taumata, maasunna apulun Ghaṛṛaho udde; ana waugu Ghaṛṛaho udde sussal᷊ande Ruata hunan al᷊aṛṛana'u Ruata wuṛṛu nassul᷊ungngu apulun Duata.

ROMA 8:27 Referans Kwoze

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

EFESUS 2:18

Sulal᷊ummi Kristus, i ite sarangkanambone – mawae taumatan Yahudi ara'e taumata wal᷊ine Yahudi – wuassu Ghaṛṛahon Duata man sambau, wotongnge mangundanin Iamangnga.

ROMA 8:34

Apa pia taumata apan mapaasal᷊an kite? Kristus Yesus sarun manamba'a si ite. Ete i Tou apan buatte nate, ara'e ete i Tou apan buatte nabbiakka apia wuassu papate wuṛṛu tampane ringannu Ruata, isudde i Tou mammarenta.

WATTI'U MANGA RASUL 1:24

See i mangitou inumal᷊iomanna. I mangitou nabbisara, “Mawu, I'o masingkattu naungngu awadaalla. Yudas suete niaddo wuassu manarane sangkatou rasul wuṛṛu see natete. Nariaddi pantingira'a si yami isai wuassu wallattu ruang katou indi apan pileannu Mawu onggol᷊annu manara ipallol᷊ossa si Yudas.”

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

AMSAL 17:3

Wul᷊awanna wuṛṛu sal᷊a'a iannamma su auntupanna, arawe naungngu taumata iannammu Mawu.

WATTI'U MANGA RASUL 15:8

Wuṛṛu Ruata apan masingkattu naungngu taumata suete napaal᷊iatta'a manungku i Tou manengkamma si mangitou; i Tou napaal᷊iatta'u olangnge udde ringannu nangonggolu Ghaṛṛahon Ruata si mangitou ere lai suete nionggolla si ite.

DARALO 44:21

Unnu wisara i yami tate lai massubba Ruata, ewe'e u'al᷊iomante su mawu waine,

1 TESALONIKA 2:4

Tawe! I yami tawe nabbisara see ipalluassa naungngu taumata, ewe'e ipalluassa naungngu Ruata, apan mannal᷊u'atta naungngi yami. Ana waugu i yami aellehannu Ruata wotongnge manal᷊iawukku Watti'u Al᷊al᷊uassa udde.

MATIUS 6:8

Imbaṛṛangnga ere i mangitou udde. Iamangngu masingkatte apa apan ipaapulung kamiu, salaiwe i yamiu taambe naddorongnga.

YEREMIA 20:12

Arawe, oh Mawu Apan Lembontaṛṛino, ringannu atatul᷊idda I'o nanal᷊u'atta taumata; I'o masingkattu naungnga wuṛṛu ṛingiranni mangitou. Ana waugu udde walaawe i ya'u ma'ellega Si'o mabbal᷊issa al᷊al᷊eon seetta ana waugu tumba'u Si'o ta'u itantilla hatto'u.

YEREMIA 11:20

Ana see i ya'u inumal᷊iomanna, “Oh Mawu Apan Lembontaṛṛino, I'o mallaṛṛuungnga apan matul᷊idda; ete I'o apan masingkattu ṛingidda wuṛṛu naungngu taumata. Hatto'u indi ta'u itantilla Si'o. Doronganna i ya'u wotongnge maasilo Si'o mabbal᷊issa inolaannu manga taumata udde.”

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

YOHANES 14:13

Wuṛṛu al᷊awo'u apa apan raddoronganni yamiu sulal᷊ummu arang-Ku, udde sarun olaang-Ku lai si yamiu, tadea'u Iamangnga wantuhanna sulal᷊ummu Ana'a.

LUKAS 16:15

Arawe Mawu Yesus nabbisara si mangitou, “Ete i yamiu taumata apan su saruannu taumata waine ellehanna mapia, arawe Ruata masingkattu lal᷊oṛṛo naungngu. Ana waugu apa apan sassunnannu taumata matanggakka, su aellegu Ruata udde mawawo.

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

ROMA 8:6

Amungkangngu ṛingirannu paparentannu pallal᷊agun taumata, ne sombangnge udde papate. Arawe amungkangngu ṛingirannu paparentannu Ghaṛṛahon Duata, ne sombangnge eteudde mabbiakka su paddarame ringannu Ruata.

DARALO 38:9

I ya'u naṛimunsa'a wuṛṛu niasueannu ikkata, i ya'u ma'uare ana waugu naungku sussinggawanga.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

YOHANES 21:17

Su atallune Mawu Yesus naiwal᷊o si tou, “Simon ana'i Yona, atonna i'o marangngu si Ya'u?” I Petrus nasusa naungnge ana waugu Mawu Yesus naiwal᷊o si tou na'oman sara atallune. Ne i Petrus sinumimbakka apia, “Mawu, Mawu masingkattu sarangkanambone. Mawu masingkatta manungku i ya'u marangngu Mawu!” See Mawu Yesus nabbisara si tou, “Padul᷊ianete manga domba-U.

DARALO 139:1

Su piaṛṛa'u mangangantari. Daralon Daud. Oh Mawu, I'o maasunna si ya'u wuṛṛu masingka'u.