ROMA 8:24 - WUKE SUSI WATTI'U AL᷊AL᷊USASSA

²⁴ Ana waugu ringannu mangngantimma, i ite sarun masal᷊amatta. Arawe amungkangngu apa apan aantimanni ite suete niasiloanni ite, ne udde wal᷊ine lai antimma. Ana waugu isai lai mangantimma apa apan buatte niasiloanne?

ROMA 8:24 Referans Kwoze

IBRANI 11:1

Pangangimanna eteudde mangngimanna atonna-tonna su manga apa apan a'antimanna, atappasanne pia pangangantima su apa apan tawe asiloanna.

2 KORINTUS 5:7

Ana waugu i yami mabbiakka pinangiananne wuassu mangngimanna si Kristus, wal᷊ine pinangiananne wuassu apa apan aasiloanna,

2 KORINTUS 4:18

Ana waugu i yami tawe ma'innunu manga inolaanna apan aasiloanna, arawe apa apan tawe aasiloanna. Apan aasiloanna tumba'u tal᷊an kadio'a, arawe apa apan tawe aasiloanna udde mal᷊annu-l᷊annu sarangkal᷊o'engnge.

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

1 TESALONIKA 5:8

Arawe i ite indi manga taumata apan nasutta su allo apan masemakka; ana waugu ṛingiṛṛanni ite ṛinone masemakka. I ite ṛinone sidutu mangngimanna Mawu wuṛṛu mandangngu manga taumata waine wuṛṛu mangngantimma ringannu atonna manungku Ruata sarun manal᷊amatta si ite. Eteudde ahidda apan ual᷊indumma si ite sulal᷊ummu manara lumawangnga araranduma.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

ROMA 12:12

Ṛinone i yamiu mangngantimma Mawu ringannu mal᷊uassa, paasabare sulal᷊ummu asasusa, wuṛṛu paaṛṛimadda umal᷊iomanna.

ROMA 5:2

Ana waugu i ite mangngimanna Mawu Yesus, ne namalang kite mamendamma darangngun Duata, wuṛṛu ringannu darangngu udde, i ite lulluassa ana waugu i ite pia antimma manungku i ite sarun maapendamma al᷊al᷊uassa apan ionggolu Ruata!

ROMA 15:13

Ete Ruata apan pangngantimanni yamiu. Sal᷊andeanna i Tou malloṛṛo naungngu ringannu al᷊al᷊uassa wuṛṛu paddarame ana waugu i yamiu mangngimanna, tadea'u ringannu taṛṛinon Ghaṛṛahon Duata i yamiu lembo mangngantimma Ruata.

KOLOSE 1:27

Su al᷊aṛṛanang-Nge udde Ruata maapulu mapaal᷊iatta'a aroddi apiane wuṛṛu awantuge addapinge udde su anambon walahannu taumata. Addapinge eteudde: Kristus udde sulal᷊ummu wadangu, atappasanne i yamiu lai sarun maapendamma awawantugu Ruata.

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

GALATIA 5:5

Arawe si yami indi, yami mangngantima manungku ringannu tul᷊ungannu Ghaṛṛahon Duata wuṛṛu sulal᷊ummu pangangimanni ami si Kristus, Ruata namalan kami masasangkapia apia ringanni Tou.

DARALO 146:5

Lal᷊umanna'a su taumata apan mangngasakku Mawu Ruatane, wuṛṛu uatahuanna Ruatan Yakub matatul᷊ungnge.

1 YOHANES 3:3

Anambon taumata apan pia antimma indi su saruanni Kristus, mandiagga ririne tadea'u atonna-tonna susi, waresi wuassu rosa ere lai Kristus udde lai susi.

2 TESALONIKA 2:16

Doronganna Mawun kite Yesus Kristus sassane, wuṛṛu Ruata Iamangngi ite malluassa wuṛṛu manohassa naungngu, tadea'u i yamiu wotonge maamanara wuṛṛu mamasingkatu apapia. Ana waugu Ruata marangngu si ite, wuṛṛu ana waugu apapia naung-Nge i Tou napaatammuda wuṛṛu mangngantimma apapia.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

KOLOSE 1:5

I yamiu mangngimanna wuṛṛu i yamiu marangngu, ana waugu mangngantimma apa apan suete nissaddian Duata su surga hunan kamiu. I yamiu suete naaringikka su olangnge udde, su tempo Watti'u Al᷊al᷊uassa udde niapaasingkata si yamiu.

1 KORINTUS 13:13

Nariaddi, su orassa indi pia tatallu inolaanna apan sidutu a'olaanni ite: pangangimanna, pangangantimma wuṛṛu uararangngu. Ahunanne wuassu tatallu udde eteudde mandangngu taumata waine.

ZAKARIA 9:12

Pabbelengke ei manga taumata apan niwuangnga, orassa indi i yamiu uatahuanna antimma. Pabbelengke watukku tampa passirungannu, i Ya'u sidutu mangal᷊amatta si yamiu. Paddaringikke: Paarua lipanne i Ya'u mangal᷊amatta si yamiu ana waugu al᷊awo'u asasusa apan buatte niapendamanni yamiu.

YEREMIA 17:7

Ara'e taumata apan uaantimma si Ya'u sidutu Ta'u al᷊amatanna.

DARALO 33:18

Mawu ual᷊u'adda manga taumata apan mangngimanna apan uaantimma darangngu-Ne.

DARALO 33:22

Antimanna i yami sidutu arangnguan-Nu, oh Mawu, ana waugu i yami mangngantimma Si'o.

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

ROMA 4:18

Abraham sidutu mangngantimma wuṛṛu mangngimanna salaiwe tate antimma lai. Ana waugu udde i tou naola'a iamangngu al᷊awo'u walahanna. Ere uawoṛṛetta sulal᷊ummu Wuke Susi, “Walahannu sarun mariaddi manambo atonna.”

ROMA 8:20

Ana waugu pati'uppu runia niwalate mawinasa, wal᷊ine ana waugu apulune sassane, arawe ana waugu Ruata namalaten tou aroddi. Salaiwe aroddi pia lai antimma arendi:

TITUS 3:7

tadea'u wuassu darangngu Mawu Yesus, i ite wotongnge maaukka apia ringannu Ruata wuṛṛu i ite maasomba wiakka tutune wuṛṛu saran mal᷊annu-l᷊annu apan aantimanni ite.