Biblia Todo Logo
Bib sou entènèt

- Piblisite -




ROMA 8:16 - WUKE SUSI WATTI'U AL᷊AL᷊USASSA

16 Ghaṛṛahon Duata suadio'a ringannu ghaṛṛahon kite napaal᷊iatta'a ete i ite udde al᷊aṛṛana'u Ruata.

Gade chapit la Kopi




ROMA 8:16
27 Referans Kwoze  

Ana waugu Ruata suete nangonggolu Ghaṛṛaho-Ne si ite, ne i ite masingkatte manungku i ite suete nabbiakka uaaukka ringannu Ruata, wuṛṛu Ruata mabbiakka uaaukka ringanni ite.


Ana waugu udde Ruata suete nanga'u si ite maola'a pussa'a-Ne wuṛṛu mangonggolu Ghaṛṛaho-Ne sulal᷊ummu naungngi ite, apan maola'a sambau wataṛṛu manungku i Tou sarun mangonggolu si ite sarangkanambone apan suete pina'iren Tou.


Apan mannaddia si ite su olangnge udde, eteudde Ruata sassane, wuṛṛu i Tou nangonggolu Ghaṛṛaho-Ne si ite maola'a sambau wataṛṛu.


I yamiu lai buatte naola'a al᷊aṛṛana'u Ruata su tempo i yamiu naaringikka tanatan Duata, eteudde Watti'u Al᷊al᷊uassa apan nangonggolu asasal᷊amatta si yamiu. I yamiu mangngimanna Mawu Yesus Kristus, ana waugu udde Ruata nangonggolu tatiala pussa'a-Ne si yamiu, eteudde Ghaṛṛaho-Ne apan buatte pina'ire-Ne.


Aroddi lai Ghaṛṛahon Duata nirumanta mantul᷊ungngi ite amungkangngu i ite lome. Ana waugu i ite wagga ereapa ṛinone i ite umal᷊iomanna; Ghaṛṛaho udde sassane sumaruanna Ruata sumal᷊ande hunan kite ringannu ahewallu ṛintulu, na'oman sara tawe iawisara.


Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.


I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.


Wuṛṛu wal᷊ine tumba'u pati'uppu runia sassane sussal᷊ande; i ite sassane lai sussal᷊ande sulal᷊ummu naungngi ite. I ite buatte nanengkamma Ghaṛṛahon Duata, aonggolu Ruata apan paarorone, arawe i ite lai ta'e uaraṛṛado Ruata mapaal᷊iun kite wuassu sarangkanambone, wuṛṛu manga'u si ite maola'a al᷊aṛṛanang-Nge.


Ana waugu udde, taumata apan mangngimanna su Ana'u Ruata, suete nanengkamma tatiala udde sulal᷊ummu naungnge; arawe taumata apan tawe mangngimanna Ruata, nassunnate manungku Ruata taṛṛa wahia, ana waugu i tou tawe mangngimanna apa apan iwabal᷊on Duata su ola'u Anang-Nge.


“Ete i yamiu al᷊aṛṛana'u Mawu Ruatanu. Nariaddi su tempo i yamiu lullal᷊on taumata nate, imbaṛṛangnga mallessa watangannu ara'e mangiṛṛi saruannu puanu ere apan buatte niola'u manga walahanna waine.


Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”


Lal᷊umanna'a su taumata apan mangapiddu paddarame su wallattu taumata; Ruata sarun manga'u si mangitou maola'a manga al᷊aṛṛanang-Nge!


Ola'i mangitou ere mala'ekatta wuṛṛu tate mate. Ete i mangitou udde al᷊aṛṛana'u Ruata, ana waugu i mangitou suete niapawangunna apia wuassu papate.


Arawe pia lai taumata apan manarimmatti Tou wuṛṛu mangngimanna si Tou; i mangitou nionggol᷊annu taṛṛino maola'a ana'u Ruata,


Ete i yami manga mattatialane su ola'u sarangkanambone udde – yami wuṛṛu lai Ghaṛṛahon Ruata apan nionggolu Ruata su manga taumata apan matuṛṛutta si Tou.”


Manga taumata apan aehetannu Ghaṛṛahon Duata, i mangitou udde al᷊aṛṛana'u Duata.


Ahewallu pati'uppu runia uaraṛṛado ringannu ṛintulu tempone Ruata mapaal᷊iatta'u al᷊aṛṛanang-Nge.


Udde atappasanne manungku papapulunni Abraham apan maola'a al᷊aṛṛana'u Ruata, tumba'u papapulunne apan niasungkangnga ana waugu paaire Ruata; wuṛṛu wal᷊ine anambon papapulunne.


Wuṛṛu su tampa udde iapaasingkata su taumata ‘I yamiu wal᷊ine al᷊aṛṛana-U,’ isudde manga taumata sarun isaggo al᷊aṛṛana'u Ruata apan wiakka.”


I Ya'u sarun maola'a Iamangngu, wuṛṛu i yamiu sarun maola'a al᷊aṛṛana-U ete aroddi wisaran Mawu Apan Lembon Mataṛṛino.”


Ana waugu i yamiu mangngimanna si Kristus Yesus, ne i yamiu uaaukka ringanni Tou; wuṛṛu ana waugu udde i yamiu maola'a al᷊aṛṛana'u Ruata.


Ana waugu ete i yamiu udde al᷊aṛṛana'u Ruata, Ruata nandolokku Ghaṛṛahon Anang-Nge sinumutta sulal᷊ummu naungngu wuṛṛu naungku, eteudde Ghaṛṛaho apan mabbisara, “Iamangnga, oh Iamangku.”


Pa'ellege, Ruata aroddi arangngune si ite, na'oman sara i ite nia'u al᷊aṛṛanang-Nge. Wuṛṛu atonna ete i ite udde al᷊aṛṛana'u Ruata. Ana waugu udde runia apan lal᷊eo indi tawe maaillal᷊a si ite, ana waugu runia tawe maaillal᷊a Ruata.


Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.


Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.


Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.


Swiv nou:

Piblisite


Piblisite