ROMA 8:13 - WUKE SUSI WATTI'U AL᷊AL᷊USASSA

¹³ Amungkangngu i yamiu mabbiakka tuttuṛṛutta apulun taumata, i yamiu sarun mate; arawe amungkangngu ringannu taṛṛinon Ghaṛṛahon Duata, i yamiu lapiddu mamallossu manga pallal᷊agunu apan marosa, ne i yamiu sarun mabbiakka.

ROMA 8:13 Referans Kwoze

GALATIA 6:8

Amungkangu taumata massuanna tumuṛṛuttu pallal᷊agun taumata, i tou sarun mangitingnga apapate wuassu pallal᷊agune udde. Arawe amungkangu i tou massuanna tumuṛṛuttu piaṛṛa'u Ghaṛṛahon Duata, i tou sarun mangitingnga wiakka tutune wuṛṛu mal᷊annu-l᷊annu wuassu Ghaṛṛahon Duata.

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

1 KORINTUS 9:27

I ya'u namalan wadangku aṛṛaanna ringannu matohassa ma'oman sara i ya'u wotongnge maasingkatta atonna. I ya'u ma'ola'a aroddi, ana waugu i ya'u maddiri ma'oman sara mariaddi manungku napawe i ya'u mangahe taumata waine mattandinganna i ya'u sassane tawe niwal᷊i ara'e nito'e.

TITUS 2:12

Darangngun Duata udde mangngaṛṛa'a si ite tadea'u tate lai mabbiakka uapapaṛṛalan apulun Duata wuṛṛu tate tumuṛṛutta apulun runia. I ite niaṛṛaanna mabbiakka sulal᷊ummu runia indi ringannu masingkata manabare, matul᷊ida wuṛṛu matuṛṛuta Ruata.

GALATIA 5:24

Manga taumata apan naola'e pussa'an Kristus Yesus, manga taumata udde buatte nanantangngu pallal᷊agun taumata ringannu al᷊awo'u apulu naungnge wuṛṛu pallal᷊agune.

EFESUS 4:22

Ana waugu udde tantanga'e pallal᷊agun taumata tabbe ringannu ola'u pabbiaṛṛana tabbe apan tantal᷊anna ihagohakku manga apulun runia apan mangngal᷊iwu.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

ROMA 7:5

Ana waugu dorone, i ite mabbiakka tuttuṛṛutta pallal᷊agun taumata. Su tempo udde manga apulu apan ma'aola'a rosa, apan nilumapputa ana waugu titan agama, uataṛṛino su wadangngi ite. Ana waugu udde i ite ma'ola'a inolaanna apan maapate.

EFESUS 5:18

Imbaṛṛangnga i yamiu iwu'annu anggore, ana waugu udde maal᷊al᷊eo si yamiu. Arawe ṛinone i yamiu intaṛṛoannu Ghaṛṛahon Duata.

ROMA 6:21

Su tempo udde auntunganna apa apan nisengkammi yamiu wuassu manga inolaanna apan orassa indi maasili si yamiu amungkangngu olaanna? Manga inolaanna udde tumba'u mangapidda su papate!

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

ROMA 8:12

Ana waugu udde, manga tuṛṛangnga, i ite pia manara mandiaga; arawe wal᷊ine manara su paa'apulun pallal᷊agun taumata; i ite tawe wotongnge mabbiakka tumuṛṛuttu apulune.