ROMA 7:24 - WUKE SUSI WATTI'U AL᷊AL᷊USASSA

^24-26 Ne, aroddite ola'u riri'u: i ya'u tuttuṛṛutta tita Duata ringannu ṛingiṛṛangku, arawe ringannu pallal᷊agu'u ere sangkatou taumata, i ya'u uasuṛṛubawa su rosa. Tumanite nal᷊ongonna i ya'u indi! Isai maapulu manal᷊amatta si ya'u wuassu wadangnga indi apan mangngapi'u su papate? Adiangkamanna su Ruata! I Tou maapulu manal᷊amatta si ya'u sulal᷊ummu Mawu Yesus Kristus.

ROMA 7:24 Referans Kwoze

ROMA 6:6

I ite masingkata manungku pallal᷊agun kite apan tabbe suete nipate su adio'a ringanni Kristus su alu arussa tadea'u taṛṛinon pallal᷊agun kite apan marosa udde niramme; ringannu aroddi i ite tate lai allangngu rosa.

2 TIMOTIUS 4:18

Wuṛṛu i ya'u napallose wuassu papate. Atonna Ruata sarun mamallosa wuassu al᷊awo'u pandumma apan lal᷊eo su riri'u. I Tou sarun mangapi'u ringannu sal᷊amatta sulal᷊ummu araratuan-Ne su surga. Ṛinone i Tou wantuhanna saran mal᷊annu-l᷊annu! Amin.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

DARALO 102:20

Mawu ual᷊ellega wuassu tampa-Ne apan matanggakka, wuassu surga i Tou nangintanno runia

SONDAPPA 21:4

I tou sarun mamappasa alawo'u allo mata wuassu mata mangitou. Papate sarun tate lai, asasusa, lal᷊uai, ara'e al᷊aṛṛusa'itta tate lai. Manga inolaanna tabbe nawul᷊ite!”

IBRANI 2:15

Ringannu olange aroddi i Tou namallosu manga taumata apan su al᷊o'engngu pabbiaṛṛane naola'a allangnga ana waugu matta'uttu papate.

ROMA 8:26

Aroddi lai Ghaṛṛahon Duata nirumanta mantul᷊ungngi ite amungkangngu i ite lome. Ana waugu i ite wagga ereapa ṛinone i ite umal᷊iomanna; Ghaṛṛaho udde sassane sumaruanna Ruata sumal᷊ande hunan kite ringannu ahewallu ṛintulu, na'oman sara tawe iawisara.

ROMA 8:13

Amungkangngu i yamiu mabbiakka tuttuṛṛutta apulun taumata, i yamiu sarun mate; arawe amungkangngu ringannu taṛṛinon Ghaṛṛahon Duata, i yamiu lapiddu mamallossu manga pallal᷊agunu apan marosa, ne i yamiu sarun mabbiakka.

LUKAS 4:18

“Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga

DARALO 72:12

Ana waugu i tou namallossu taumata niallangnga apan tawe maal᷊ore, wuṛṛu taumata asiangnga apan sussal᷊ande si tou.

KOLOSE 2:11

Ana waugu uaaukka ringanni Kristus, i yamiu suete nisunatta, wal᷊ine ringannu sunatta apan niola'u taumata, ewe'e sunatta apan niola'i Kristus, apan namallosi yamiu wuassu taṛṛinon pallal᷊agu apan marosa.

MATIUS 5:6

Lal᷊umanna'a su taumata apan sidutu ma'ola'a apulun Ruata; Ruata sarun manuungngu apulu mangitou!

MIKHA 7:19

I'o sarun umakkanni yami apia wuṛṛu mangampungnga si yami. Manga rosan kami sarun ṛussaan-Nu wuṛṛu iwareta-Nu su wantan tahal᷊oangnga!

DARALO 119:20

Naungku maradda'a maṛṛadannu apulu, i ya'u maapulu maasingkatta tita-Nu suapan tempo.

DARALO 71:11

Unni mangitou, “I Tou nitantangngu Ruata; wette i ite mangenggenna wuṛṛu manametta si tou, ana waugu tateddu manal᷊amatta si tou.”

DARALO 6:6

Ana waugu su runian papate I'o tate naunganna lai; taweddu maddalo Si'o su runian taumata nate.

1 MARARATU 8:38

antimanna I'o maddaringikka aal᷊iomanni mangitou. Amungkangngu wuassu wallattu uman-Nu Israel piaddu apan ringannu naungnga massusa umal᷊iomanna Si'o lapiddu uawatte limane watukku wal᷊en patataṛṛamawuanna indi,

MATIUS 5:4

Lal᷊umanna'a su taumata apan massusa naungnge; Ruata sarun malluassa naungngi mangitou!

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

DARALO 119:176

I ya'u nial᷊iwune ere domba apan nawul᷊i, ne rantate wuṛṛu rea'ete allang-Ngu indi, ana waugu i ya'u tawe manantangngu manga parenta-Nu.

DARALO 119:143

I ya'u niaṛṛiaannu sansara wuṛṛu asasusa, arawe raṛṛawen-Nu maal᷊uassa naungku.

DARALO 119:131

Sasangngo'u uasal᷊arenga, ana waugu maapulun parenta-Nu.

DARALO 88:5

I ya'u naal᷊ihidda taumata apan sumossokke su loṛṛangngu labbinga, taumata apan niasueannu ikkatta.

DARALO 38:2

Mawu, ariewe i ya'u iṛṛuumanna sulal᷊ummu asasa'u-Nu, ariewe panansara si ya'u sulal᷊ummu pandarona-Nu.

ROMA 8:23

Wuṛṛu wal᷊ine tumba'u pati'uppu runia sassane sussal᷊ande; i ite sassane lai sussal᷊ande sulal᷊ummu naungngi ite. I ite buatte nanengkamma Ghaṛṛahon Duata, aonggolu Ruata apan paarorone, arawe i ite lai ta'e uaraṛṛado Ruata mapaal᷊iun kite wuassu sarangkanambone, wuṛṛu manga'u si ite maola'a al᷊aṛṛanang-Nge.