ROMA 7:2 - WUKE SUSI WATTI'U AL᷊AL᷊USASSA

² Sangkatou wawine apan piate awingnge, tul᷊addane, tuttuṛṛutta titan awingnge amungkangngu awingnge ta'e wiakka. Amungkangngu awingnge natete, i tou nal᷊iute wuassu titan awingnge udde.

ROMA 7:2 Referans Kwoze

1 KORINTUS 7:39

Sangkatou wawine apan buatte naawingnga tatahuanannu awingnge esakka tumba'u tantal᷊anna awingnge udde wiakka. Arawe amungkangngu awingnge natete, wawine udde wotongngete maawingnga apia ringannu sangkatou esakka apan ipaapulune; sambal᷊iate paa'awingnga udde paa'awingngu taumatan Saṛṛani.

1 KORINTUS 7:4

Awingnge wawine tawe maatahuanna wadangnge sassane; apan uatahuanna si tou eteudde awingnge esakka. Aroddi lai awingnge esakka tawe maatahuanna wadangnge sassane; apan maatahuanna si tou eteudde awingnge wawine.

ROMA 7:3

Amungkangngu wawine udde mabbiakka ringannu sangkatou esakka waine su tempo awingnge ta'e wiakka, ne wawine udde isassago sinumandaga. Arawe amungkangngu awingnge natete, ne sulal᷊ummu tita, wawine udde nal᷊iute. Wuṛṛu amungkangngu i tou naawingnga apia ringannu sangkatou esakka waine, ne i tou tawe sinumandaga.

ROMA 7:6

Arawe orassa indi i ite tate lai aiitannu titan agama Yahudi. I ite natete wuassu tita apan dorone uaparenta si ite. I ite tate lai tumuṛṛutta ere tatuṛṛuta apan dorone, tuttuṛṛutta tita apan uawoṛṛetta. Orasa indi i ite tumuṛṛutte ringannu ta tuṛṛutta wakku apan nipantingiddu Ghaṛṛahon Duata si ite.