ROMA 7:18 - WUKE SUSI WATTI'U AL᷊AL᷊USASSA

¹⁸ I ya'u masingkata manungku tawe saran sambau apan mapia sulal᷊ummu riri'u, eteudde su pallal᷊agu'u ere sangkatou taumata. Ana waugu i ya'u lai pia apulu ma'ola'a apapia, arawe i ya'u tawe maatuṛṛutta.

ROMA 7:18 Referans Kwoze

YOHANES 3:6

Taumata su ola'u wadangnge niasungkangngu hagurangnga, arawe su pangangimanna niasungkangngu Ghaṛṛahon Ruata.

DARALO 51:5

Ana waugu i ya'u mangnga'u manga pasasal᷊a'u, rosa'u sidutu nanaungangku.

GALATIA 5:17

Ana waugu apulun taumata uatataaen apulun Ghaṛṛahon Ruata, wuṛṛu apulun Ghaṛṛahon Ruata uatataaen apulun taumata. Itarua mangke tawe massomba, na'oman sara i yamiu tawe maaola'a apa apan ipaapulun kamiu.

AYUB 14:4

Wotongngewe taumata apan marosa mandantan inolaanna apan nasuungnga?

GALATIA 5:24

Manga taumata apan naola'e pussa'an Kristus Yesus, manga taumata udde buatte nanantangngu pallal᷊agun taumata ringannu al᷊awo'u apulu naungnge wuṛṛu pallal᷊agune.

FILIPI 2:13

ana waugu Ruata sassane apan mammanara sulal᷊ummu ririnu ipa'ola'a si yamiu mawala wuṛṛu wotongnge maal᷊uassa naungngu Ruata.

PANDARIADDI 6:5

Mawu na'ellega tumaniten dal᷊eo manga taumata su runia; anambon ṛingiranni mangitou sidutu lal᷊eo.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

ROMA 7:19

I ya'u tawe ma'ola'a apapia apan ipaapulu'u; arawe i ya'u ma'ola'a inolaanna apan lal᷊eo, apan ipaaddiri'u.

ROMA 7:15

Ana waugu i ya'u sassane tawe maasunna pallal᷊agu'u. Manga inolaanna apan ipaapulu'u, tawe ta'u olaanna, arawe manga inolaanna ipaadiri'u, udde a'olaangku.

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

1 PETRUS 4:2

Ana waugu udde, ṛinone i yamiu sidutu mabbiakka su runia indi tuttuṛṛuta apulun Duata, wuṛṛu wal᷊ine tuttuṛṛuta apulun taumata.

FILIPI 3:12

I ya'u tawe mabbisara manungku i ya'u naasombate auntunganna, ara'e nasuungke. Arawe i ya'u sidutu maddea'a maapangaṛṛo aonggola apan suete nissaddian Kristus Yesus. Ana waugu udde i Tou suete nangaṛṛo si ya'u, wuṛṛu niola'a pussa'a-Ne.

LUKAS 11:13

Salaiwe i yamiu lal᷊eo, i yamiu masingkatta lai mangagillu sarannapa mapia su ana'i yamiu. Lembonete Iamangnga su surga. I tou sarun mangagillu Ghaṛṛaho-Ne si mangitou apan madorongnga si Tou!”

DARALO 119:176

I ya'u nial᷊iwune ere domba apan nawul᷊i, ne rantate wuṛṛu rea'ete allang-Ngu indi, ana waugu i ya'u tawe manantangngu manga parenta-Nu.

DARALO 119:40

I ya'u onggol᷊ewen wiakka wakku, ana waugu I'o matul᷊idda, i ya'u pia apulu tumuṛutta manga parenta-Nu.

AYUB 25:4

Wotongngewe taumata na'ukkassa su matan Duata? Wotongngewe i tou waresi su aellegu Mawu?

ROMA 13:14

Wala'e Mawu Yesus Kristus mangatokku apa apan sarun olaanna. Wuṛṛu imbaṛṛangnga tumuṛṛutta pallal᷊agun taumata marosa ipamatu'a apulun naungnga.

ROMA 7:5

Ana waugu dorone, i ite mabbiakka tuttuṛṛutta pallal᷊agun taumata. Su tempo udde manga apulu apan ma'aola'a rosa, apan nilumapputa ana waugu titan agama, uataṛṛino su wadangngi ite. Ana waugu udde i ite ma'ola'a inolaanna apan maapate.

DARALO 119:173

Antimanna I'o sidutu umontola si ya'u, ana waugu i ya'u namile tumuṛṛutta parenta-Nu.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

DARALO 119:5

Antimanna i ya'u ringannu matohassa tuttuṛṛutta manga parenta-Nu.

DARALO 119:32

Ringannu mal᷊uassa i ya'u sarun maddaringikka parenta-Nu, ana waugu I'o na'ola'a si ya'u lembon maasunna.