ROMA 7:12 - WUKE SUSI WATTI'U AL᷊AL᷊USASSA

¹² Titan agama udde wuassu Ruata, wuṛṛu al᷊awo'u parenta sulal᷊ummu tita udde nirumanta wuassu Ruata, aroddi atul᷊ide wuṛṛu apiane.

ROMA 7:12 Referans Kwoze

1 TIMOTIUS 1:8

I ite masingkata manungku titan agama udde mapia, amungkangu ipaatta ringannu mapia.

DARALO 119:137

I'o matul᷊idda, oh Mawu, anambon tita-Nu naṛṛino.

ROMA 7:14

I ite masingkata manungku titan agama Yahudi inasaputanne wuassu Ghaṛṛahon Duata; arawe i ya'u indi taumata lome. I ya'u suete niwal᷊u'a naola'a allangngu rosa.

DARALO 119:172

I ya'u maapulu mangantari su ola'u paaire-Nu, ana waugu al᷊awo'u parenta-Nu matul᷊idda.

ROMA 3:31

Apa indi atappasanne manungku amungkangngu i ite mangngimanna Mawu Yesus, i ite tumal᷊iudde titan agama Yahudi? Atonna-tonna tawe! Ewe'e ringannu pangangimanni ite udde, i ite mangngaregan tita udde.

NEHEMIA 9:13

Wuassu langitta I'o sinumossokka su puiddu Wowon Sinai, ana see I'o naggahatton uman-Nu sassane. I'o nangonggollu tita, atoranna wuṛṛu parenta apan matul᷊idda, naṛṛino wuṛṛu pia gunane.

TAHIUL᷊E 10:12

“Orassa indi manga tuṛṛangnga, paddaringikke apa darorongngu Mawu Ruatanu wuassi yamiu: Pangaddate Mawu Ruatanu wuṛṛu paatuṛṛutte su al᷊awo'u parenta-Ne. Pandangngute si Tou wuṛṛu pattaṛṛamawute si Tou ringannu ahewallu lal᷊ummu naungngu.

TAHIUL᷊E 4:8

Wuṛṛu walahanna wahewalla suapa apan pia manga tita apan aroddi atul᷊idde ere manga tita apan ta'u niaṛṛa'a si yamiu allo indi?

DARALO 119:140

Paaire-Nu matohassa wuṛṛu apangimananna, i ya'u tumaniten marangngu.

DARALO 119:127

Manga tita-Nu arangnguangku nangillembo wuassu wul᷊awanna, nangillembo wuassu wul᷊awanna tutune.

DARALO 119:38

Tohassawe su allang-Ngu indi paaire-Nu, apan nionggolu Mawu su taumata apan tuttuṛutta Si'o.

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

ROMA 7:16

Ne, amungkangngu i ya'u ma'ola'a manga inolaanna apan tawe ipaapulu'u udde, atappasanne manungku titan agama Yahudi udde mapia.

DARALO 119:86

Anambon tita-Nu wotongnge ipangasakka, ontol᷊ewe i ya'u, ana waugu i ya'u a'enggenanna taweddu pangiananne.