ROMA 7:1 - WUKE SUSI WATTI'U AL᷊AL᷊USASSA

¹ Manga tuṛṛangku! Tuṛṛangnga sarangkanambone naasingkatte tita udde. Nariaddi yamiu masingkata manungku taṛṛinon tita su sangkatou taumata tumba'u mariaddi amungkangngu taumata udde ta'e wiakka.

ROMA 7:1 Referans Kwoze

ROMA 6:14

Rosa tate wotongnge mamarenta si yamiu, ana waugu yamiu tate mabbiakka su parenta titan agama Yahudi arawe su al᷊ungngu al᷊amattu Ruata.

ROMA 7:6

Arawe orassa indi i ite tate lai aiitannu titan agama Yahudi. I ite natete wuassu tita apan dorone uaparenta si ite. I ite tate lai tumuṛṛutta ere tatuṛṛuta apan dorone, tuttuṛṛutta tita apan uawoṛṛetta. Orasa indi i ite tumuṛṛutte ringannu ta tuṛṛutta wakku apan nipantingiddu Ghaṛṛahon Duata si ite.

ROMA 6:3

Manga tuṛṛangnga masingkata manungku su tempo i ite nissaṛṛani, i ite ni'aukka ringannu Mawu Yesus Kristus? Indi pandumanne i ite iapaaukka ringannu papate-Ne.

ROMA 10:1

Manga tuṛṛangnga! I ya'u maapulu atonna tadea'u walahangku masal᷊amatta. Wuṛṛu i ya'u atonna-tonna u'al᷊iomanna su Ruata huna mangitou.

AMSAL 6:23

Manga tatantiron hagurangngu naal᷊ihidda sol᷊o apan masemakka; tataghun mangitou mannantiro si'o su lal᷊annu pabbiaṛṛanna apan mapia.

GALATIA 4:21

Manga tuṛṛangnga apan maapulu mabbiakka su al᷊ungngu parenta manga titan agama, paddaringikka si ya'u! I ya'u sarun mamasingkata si yamiu apa apan su ṛinone uawoṛṛetta sulal᷊ummu Wuke Titan Musa.

ROMA 9:3

ana waugu manga tuṛṛangnga sambalahangku. Ana waugu ete si mangitou, i ya'u sassane mal᷊uassa wontohannu Ruata wuṛṛu iapaatal᷊ei wuassi Kristus.

1 KORINTUS 9:8

I ya'u namasingkatu olangnge udde wal᷊ine tumba'u pinangiananne apan inanaramanna su pabbiaṛṛanna miallo-miallo, arawe ana waugu Wuke Susi namasingkata lai su olangnge udde.

ROMA 1:13

Manga tuṛṛangnga! I ya'u maapulu tadea'u i yamiu maasingkata manungku masokkate i ya'u pia pandumma mattembo si yamiu arawe sidutu mangke pia hal᷊ahene. I ya'u maapulu tadea'u su wallatti yamiu lai, manara'u pia gessine ere lai manara'u apan buatte nabbua su wallattu manga taumata apan wal᷊ine Yahudi su manga tampa waine.

EZRA 7:25

Tuṛṛangnga Ezra, paata'e asingkatta apan buatte nionggollu Ruata su Tuṛṛangnga, wuṛṛu pamilete manga piaṛṛa'a wuṛṛu manga mallaṛṛuungnga tadea'u mamarenta anambon taumata su propinsi Efrat Waṛṛatta apan mabbiakka tumuṛṛuttu Titan Duatan Tuṛṛangnga. Ṛinone Tuṛṛangnga mangaṛṛa'u Tita udde su anambon taumata apan taambe naasingkatta.

ROMA 10:4

Titan agama buatte nitipussi Kristus. Nariaddi suapan taumata apan mangngimanna si Kristus, paa'aukki mangitou ringannu Ruata maola'a apia.