ROMA 6:2 - WUKE SUSI WATTI'U AL᷊AL᷊USASSA

² Tawe! Rosa tate lai uataṛṛino si ite, nariaddi, ṛatadde i ite sidutu mabbiakka ringannu ma'ola'a rosa?

ROMA 6:2 Referans Kwoze

1 YOHANES 3:9

Taumata apan naola'e Ana'u Ruata, tawe sidutu ma'ola'a rosa, ana waugu pallal᷊agun Duata sassane tatahuananni tou. Wuṛṛu ana waugu Ruata udde Iamangnge, ne i tou tawe siddutu ma'ola'a rosa.

KOLOSE 3:3

Ana waugu i yamiu natete, wuṛṛu wiakku uawuni su sambau ringanni Kristus sulal᷊ummu Ruata.

ROMA 7:4

Aroddi lai yamiu, manga tuṛṛangku. Su titan agama Yahudi yamiu natete, ana waugu i yamiu buatte niapaaukka ringannu wadangngi Kristus wuṛṛu naola'a pussa'a-Ne apan suete niapaawiakka apia wuassu papate. I Tou niapaawiakka wuassu papate tadea'u i ite maola'a pia gunane su lantakku hatin Duata su al᷊o'engngu pabbiaṛṛani ite.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

GALATIA 2:19

Arawe i ya'u natete su saruannu titan agama – nipaten tita udde sassane – tadea'u i ya'u wotongnge mabbiakka hunane su Ruata. I ya'u buatte niarussa su sambau ringanni Kristus.

ROMA 7:6

Arawe orassa indi i ite tate lai aiitannu titan agama Yahudi. I ite natete wuassu tita apan dorone uaparenta si ite. I ite tate lai tumuṛṛutta ere tatuṛṛuta apan dorone, tuttuṛṛutta tita apan uawoṛṛetta. Orasa indi i ite tumuṛṛutte ringannu ta tuṛṛutta wakku apan nipantingiddu Ghaṛṛahon Duata si ite.

1 PETRUS 1:14

Paatuṛṛute Ruata wuṛṛu arie mabbiakka tumuṛṛutta apulunu dorone, su tempo i yamiu taambe naaillal᷊a Ruata.

KOLOSE 2:20

I yamiu natete su sambau ringanni Kristus, wuṛṛu suete nipallosa wuassu manga ghaṛṛaho apan uataṛṛino runia indi. Ne anio i yamiu mabbiakka ere taumata apan ta'e paparentannu runia indi? Anio i yamiu ta'e tuttuṛṛuta manga atoranna ereindi,

GALATIA 6:14

Arawe i ya'u atonna-tonna maddiri lumuassu al᷊awo'u apa, tumba'u su Mawun kite Yesus Kristus apan nate niarussa. Wuṛṛu ana waugu i Tou suete nate niarussa, ne runia tate mangal᷊ene lai si ya'u, wuṛṛu ana waugu runia indi, pendamangku i ya'u lai ere natete.

DARALO 119:104

Manga tita-Nu nangonggolu pasasunna si ya'u, na'oman sara i ya'u maddantinnu pallal᷊aghu lal᷊eo.

ROMA 5:11

Wuṛṛu nangillembo wua isudde, i ite lai lullala'a ana waugu apapian Duata sulal᷊ummu Mawun kite Yesus Kristus. Ana waugu sulal᷊ummu Mawu Yesus, i ite orassa indi naapendampe paa'aukki ite apan mapia udde ringannu Ruata.

PANDARIADDI 39:9

Isindi taṛṛino'u uasul᷊ungngu taṛṛinone. Tawe saran sambau apan tawe niapangimanna si ya'u tumba'u i Mama tawe. Ereapa wotongnge i ya'u ma'ola'a al᷊al᷊eo udde wuṛṛu marosa su saruannu Ruata?”

LUKAS 20:16

I tou sarun dumanta wuṛṛu mamate manga mammamanara udde, see manantillu wailla udde su mammamanara waine.” Naaringikka aroddi, nabbisarate manga taumata su Mawu Yesus, “Atonna-tonna tawe!”

ROMA 6:15

Orassa indi apa panginsueanne? Wotongnge i ite ma'ola'a rosa ana waugu i ite tate su parenta titan agama Yahudi, ewe'e su al᷊ungngu taṛṛinon al᷊amattu Ruata? Atonna-tonna tawe!