ROMA 6:17 - WUKE SUSI WATTI'U AL᷊AL᷊USASSA

¹⁷ Arawe adiangkamanna su Ruata! Ana waugu paarorone yamiu naola'a allangngu rosa, arawe orassa indi yamiu ringannu ahewallu naungngu tuttuṛṛutta al᷊aṛṛa'a naṛṛino apan buatte nionggola si yamiu.

ROMA 6:17 Referans Kwoze

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

2 TIMOTIUS 1:13

Tantuṛṛute ringannu atonna-tonna al᷊aṛṛa'a mapia indi apan suete ta'u nionggolla si yamiu. Wuṛṛu ṛinone i'o sidutu uaagasa pangangimanna wuṛṛu darangngu apan naola'a tatahuananni ite ana waugu uaaukka ringanni Kristus Yesus.

2 KORINTUS 2:14

Arawe aadiangkamanna su Ruata! I Tou sidutu mangngehetta si yami tumantalongnga su amatanni Kristus ana waugu i yami mabbiakka su sambau ringanni Tou. Ruata nappaatti yami tadea'u watti'a su ola'i Kristus massal᷊iawukka naal᷊ihida hal᷊uru mawangngi su al᷊awo'u tampa.

ROMA 16:26

Arawe orassa indi, wuassu darolokku Ruata sassane, pandumanne udde buatte niapaal᷊iatta'a wuṛṛu niapasingkata su anambon walahanna ere suete niwoṛṛettu manga nabi, tadea'u i mangitou sarangkanambone mangngimanna wuṛṛu tumuṛṛutta Ruata.

ROMA 1:8

Paarorone sulal᷊ummi Yesus Kristus, i ya'u maadiangkamanna su Ruata ana waugu manga tuṛṛangnga sarangkanambone; ana waugu ahewallu runia naaringikke manungku i yamiu mangngimanna atonna su Mawu Yesus Kristus.

3 YOHANES 1:3

I ya'u lulluassa tassul᷊ungnge, su tempo manga pira tuṛṛangnga Saṛṛani na'oma wuṛṛu nabbatti'a si ya'u manungku aroddi atuṛṛune tuṛṛanga su Ruata apan su ṛinone udde, ana waugu atonna tuṛṛangnga wotongnge sidutu mabbiakka tuttuṛṛuta al᷊aṛṛa'u Ruata.

ROMA 15:18

I ya'u waṛṛani mabbisara aroddi tumba'u su ola'u apa apan buatte niola'i Kristus si Ya'u ipa'ola'a manga taumata wal᷊ine Yahudi tuttuṛṛutta Ruata. I ya'u mammanara udde ringannu manga wisara ara'e lai ringannu manga inolaanna see lai pallal᷊agu,

WATTI'U MANGA RASUL 11:18

Napawe naaringikke udde, i mangitou tate nanompola apia. See i mangitou nadalote Ruata. I mangitou mabbisara, “Amungkangngu aroddi, manga taumata apan bal᷊ine Yahudi lai inonggol᷊annu Ruata tempone mawal᷊u wuassu manga rosane wuṛṛu maapussa'a wiakka apan tutune!”

2 YOHANES 1:4

I ya'u lembon lulluassa napawe naasingkatta manungku pia al᷊aṛṛana'u Inangnga apan mabbiakka tuttuṛṛuta al᷊aṛṛa'u Ruata, ere lai suete nirolokku Ruata Iamangnga si ite.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

FILEMON 1:4

Suapan i ya'u umal᷊iomanna, i ya'u mannaggon arannu tuṛṛanga wuṛṛu maadiangkamanna su Ruata.

2 TESALONIKA 1:3

Manga tuṛṛangnga, i yami siddutu ma'adiangkamanna su Ruata ana waugu i yamiu. Wuṛṛu mangngimanna si Kristus, wuṛṛu i yamiu lembon uararangngu sangkatou ringannu waine.

1 PETRUS 4:17

Nia'omante tempone Ruata mamarikissa runia. Wuṛṛu ete walahannu Ruata sassane apan sarun parikisanna paarorone. Ne, amungkangu Ruata manattakke mamarikissa si ite, ereapate manga taumata apan tawe mangngimanna Watti'u Al᷊al᷊uassa wuassu Ruata udde?

1 PETRUS 3:1

Aroddi lai yamiu, manga awingnga wawine, ṛinone tumuṛṛutta su awingngu tadea'u amungkangu su wallatti mangitou apan piaddu tawe mangngimanna watti'u Ruata, ete pallal᷊agunu wotongnge ma'ola'a si mangitou mangngimanna. Wuṛṛu tawe wotonge i yamiu mabbisaran apa-apa si mangitou,

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

IBRANI 11:8

Ana waugu mangngimanna, ne i Abraham tinumuṛṛuta Ruata su tempo Ruata namago si tou, wuṛṛu nandolokki tou inai watukku wanua apan suete pina'iren Ruata si tou. See i Abraham inaite ringannu awa'gananna suapa sarun patuddanni tou.

1 TESALONIKA 3:9

Aroddi ahewalle apendammu aadiangkamanni yami su Ruata su al᷊awo'u al᷊al᷊uassa apan niapendamanni ami su saruan-Ne ana waugu yamiu.

EFESUS 1:16

i ya'u tawe illol᷊one maadiangkamanna su Ruata su ola'i yamiu. Sidutu i ya'u mannaggon karannu su tempo i ya'u u'al᷊iomanna.

1 KORINTUS 1:4

I ya'u sidutu maadiangkamanna su Ruata su ola'i yamiu, ana waugu yamiu buatte nanengkamma al᷊amattu Ruata sulal᷊ummi Kristus Yesus.

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.

DARALO 18:44

I'o nalliu'u wuassu ṛuanganna apan mal᷊awangnga, wuṛṛu na'ola'a si ya'u tembonannu manga walahanna; walahanna apan awaganangku maola'a allangku.

EZRA 7:27

Ana see Ezra nabbisara, “Paddalote Mawu, Ruata apan sassubbannu iupungngu al᷊amonan kite! I Tou buatte nangal᷊oren naungngu ratu na'oman sara i tou nangonggollu sasumbala pina'ola'a Wal᷊en Mawu su Yerusalem.

ROMA 2:8

Arawe manga taumata apan tumba'u maṛṛingiddu ririne sassane wuṛṛu maddiri tumuṛṛutta Ruata, ewe'e tuttuṛṛutta al᷊al᷊eo, manga taumata udde lembon aasa'uannu Ruata.

WATTI'U MANGA RASUL 28:15

Manga tuṛṛangnga su Roma apan mangngimanna Mawu Yesus naaringikka watti'a su ola'i yami, na'oman sara i mangitou nirumanta sara Pasakku Apius wuṛṛu Pangangillol᷊oanna Tatallu see nanal᷊oho si yami. Napawe i Paulus nassomba mangitou, i tou namantugga Ruata wuṛṛu naungnge nabal᷊i matohassa.

1 KORINTUS 14:6

Amungkangngu unnu wisara i ya'u rumanta ringanni yamiu wuṛṛu i ya'u mabbisara sulal᷊ummu sasinaukka apan maaṛṛindu'a, apa hunane udde si yamiu? Tawe gunane saran kadio'a! Waine lai olangnge amungkangu i ya'u mamassingkatu sambau pandumannu Ruata, ara'e i ya'u mannal᷊a'a su ola'u ereapa Ruata, ara'e i ya'u mapaasingkatu watti'a wuassu Ruata, ara'e i ya'u mangngaṛṛa'a.