ROMA 6:14 - WUKE SUSI WATTI'U AL᷊AL᷊USASSA

¹⁴ Rosa tate wotongnge mamarenta si yamiu, ana waugu yamiu tate mabbiakka su parenta titan agama Yahudi arawe su al᷊ungngu al᷊amattu Ruata.

ROMA 6:14 Referans Kwoze

GALATIA 5:18

Arawe amungkangu Ghaṛṛahon Duata mangngehetta si yamiu, ne i yamiu tawe paparentannu titan agama.

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.

ROMA 6:12

Ariete lai mapaawalan rosa mamarenta pabbiaṛṛanna su runia tadea'u i'o tate tumuṛṛutta apulu apan lal᷊eo.

YOHANES 8:36

Ana waugu udde, amungkangngu ana'a mamallossi yamiu, i yamiu atonna-tonna mapallossa.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

GALATIA 3:23

Tantal᷊anna taambe nia'omanna tempone i ite mangngimanna Mawu Yesus Kristus, i ite lal᷊u'arannu titan agama ringannu mapia; i ite naal᷊ihida niṛṛimputa ma'oman sara pangangimanni ite udde lumiatta'a.

ROMA 8:12

Ana waugu udde, manga tuṛṛangnga, i ite pia manara mandiaga; arawe wal᷊ine manara su paa'apulun pallal᷊agun taumata; i ite tawe wotongnge mabbiakka tumuṛṛuttu apulune.

MATIUS 1:21

I Maria sarun mangunsiwen sangkatou ana'a esakka. I'o sarun managgon arannu ana'a udde Yesus, ana waugu I tou sarun manal᷊amatta al᷊aṛṛanang-Nge wuassu rosa mangitou.”

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

GALATIA 4:21

Manga tuṛṛangnga apan maapulu mabbiakka su al᷊ungngu parenta manga titan agama, paddaringikka si ya'u! I ya'u sarun mamasingkata si yamiu apa apan su ṛinone uawoṛṛetta sulal᷊ummu Wuke Titan Musa.

ROMA 11:6

I Tou namile si mangitou ana waugu pinangianannu al᷊aman-Ne wuṛṛu wal᷊ine ana waugu pinangiananne pallal᷊agun mangitou. Ana waugu amungkangngu pamamilen Ruata udde pinangiananne wuassu pallal᷊agun taumata, ne al᷊amattu Ruata udde wal᷊inewe al᷊amatta apan tutune.

ROMA 4:16

Nariaddi paairen Duata udde pinangaiananne wuassu pangangimannu taumata su Ruata. Udde maola'a sambau paaire su anambon walahanni Abraham manungku paaire udde nionggola si mangitou maola'a sambau aonggola apan tawe bawal᷊inne wuassu Ruata; wal᷊ine tumba'u si mangitou apan matuṛṛutta titan agama Yahudi, arawe si mangitou lai apan mangngimanna Ruata ere Abraham mangngimanna si tou. Ana waugu ete Abraham udde iamangngi ite sarangkanambone, su ola'u pangangimanna.

ROMA 6:15

Orassa indi apa panginsueanne? Wotongnge i ite ma'ola'a rosa ana waugu i ite tate su parenta titan agama Yahudi, ewe'e su al᷊ungngu taṛṛinon al᷊amattu Ruata? Atonna-tonna tawe!

MIKHA 7:19

I'o sarun umakkanni yami apia wuṛṛu mangampungnga si yami. Manga rosan kami sarun ṛussaan-Nu wuṛṛu iwareta-Nu su wantan tahal᷊oangnga!

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

ROMA 5:17

Ana waugu pasasal᷊an sangkatou, papate nangeṛṛon taumata nambo wuassu taumata sangkatou udde. Lembon ahewal᷊anne lai wawal᷊issu apa apan niola'u sangkatou taumata waine lai, eteudde Yesus Kristus. Sulal᷊ummu Mawu Yesus Kristus, Ruata buatte nangal᷊amatta anambon taumata, wuṛṛu ringannu tawe bawal᷊inne madea'a i mangitou masasangkapia apia ringannu Ruata; i mangitou sarun mamarenta su runia indi sulal᷊ummi Kristus.

ROMA 5:18

Nariaddi, su ereapa lal᷊awangngu sangkatou taumata nangeṛṛon anambon taumata iṛṛuumanna, aroddi lai inolaannu sangkatou taumata apan tuttuṛṛutta apulun Duata, na'ola'a anambon taumata nal᷊iu wuassu pasasal᷊a wuṛṛu nionggol᷊annu wiakka.

IMAMATTA 25:41

Su tempo udde i tou wuṛṛu manga anangnge wotongnge manantangngu wal᷊enu wuṛṛu mabelengnga ringannu amonanne wuṛṛu watukku leta'u iupungngu al᷊amonane.