ROMA 5:19 - WUKE SUSI WATTI'U AL᷊AL᷊USASSA

¹⁹ Wuṛṛu su ereapa anambon taumata naola'a taumata marosa ana waugu sangkatou taumata apan mal᷊awangnga, aroddi lai manambo taumata iwala masasangkapia apia ringannu Ruata ana waugu pia sangkatou apan matuṛṛutta Ruata.

ROMA 5:19 Referans Kwoze

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

ROMA 5:18

Nariaddi, su ereapa lal᷊awangngu sangkatou taumata nangeṛṛon anambon taumata iṛṛuumanna, aroddi lai inolaannu sangkatou taumata apan tuttuṛṛutta apulun Duata, na'ola'a anambon taumata nal᷊iu wuassu pasasal᷊a wuṛṛu nionggol᷊annu wiakka.

FILIPI 2:8

I Tou napaawawon watangan-Ne, wuṛṛu mabbiakka ringannu matuṛṛuta su Ruata na'oman sara nate – eteudde nate niarussa.

ROMA 5:12

Rosa sinumutta sulal᷊ummu runia wuassu sangkatou taumata, wuṛṛu wuassu rosa udde nilumappute papate. Sombangnge, papate udde nangeṛṛoten anambon taumata, ana waugu sarangkanambone marosate.

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

ROMA 5:15

Arawe itarua udde uapapaṛṛala; ana waugu aonggolu Ruata mannamboanna marau amungkangngu isul᷊ungngu pasasal᷊a apan niola'i Adam. Pasasal᷊an sangkatou naaola'a taumata nambo nate. Lembon ahewal᷊anne lai bawal᷊issu darangngun Duata wuṛṛu asasal᷊amatta apan nionggola su anambon taumata, sulal᷊ummu apapia naungngu sangkatou taumata, eteudde Mawu Yesus Kristus.

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

ROMA 11:32

Ana waugu Ruata suete namalan taumata paparentannu lal᷊awangnga, tadea'u i Tou wotongnge mapaal᷊iatta'u darangngu-Ne si mangitou sarangkanambone.