ROMA 5:16 - WUKE SUSI WATTI'U AL᷊AL᷊USASSA

¹⁶ Aonggolu Ruata lai lembon anamboanne wuassu rosan taumata sangkatou udde. Ana waugu napawe sangkatou taumata na'ola'a pasasal᷊a, sinumabbangke wisara laṛṛawessa, “Nassal᷊a”. Arawe napawe manambote taumata na'ola'a rosa, dirumantate aonggolu Ruata apan namasingkata manungku, “Tawe nassal᷊a”.

ROMA 5:16 Referans Kwoze

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

YAKOBUS 2:10

Taumata apan nilumawanga sambau wuassu wallatu manga tita Ruata, udde atappasanne nilumawangnga sarangkanambone.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

1 KORINTUS 11:32

Arawe amungkangngu i ite iṛṛuumannu Ruata, i Tou sarun mamuulla si ite, tadea'u tawe maṛṛuumanna suadio'a ringannu runia indi.

MATIUS 6:14

Amungkangngu i yamiu mangampunga taumata apan nassal᷊a si yamiu, Iamangngu su surga lai sarun mangampunga pasasal᷊ang kamiu.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.