ROMA 5:15 - WUKE SUSI WATTI'U AL᷊AL᷊USASSA

¹⁵ Arawe itarua udde uapapaṛṛala; ana waugu aonggolu Ruata mannamboanna marau amungkangngu isul᷊ungngu pasasal᷊a apan niola'i Adam. Pasasal᷊an sangkatou naaola'a taumata nambo nate. Lembon ahewal᷊anne lai bawal᷊issu darangngun Duata wuṛṛu asasal᷊amatta apan nionggola su anambon taumata, sulal᷊ummu apapia naungngu sangkatou taumata, eteudde Mawu Yesus Kristus.

ROMA 5:15 Referans Kwoze

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

EFESUS 2:8

Ruata niumakkani yamiu, ana waugu udde i Tou nanal᷊amatta si yamiu, ana waugu i yamiu mangngimanna Mawu Yesus. Asasal᷊amatti yamiu udde wal᷊inewe asombangu asasahaddu sassane. Sarangkanambone udde aonggolu Ruata. Nariaddi, tawe saran sangkatou apan wotongnge mamungan watanganne su olangnge udde.

ROMA 5:12

Rosa sinumutta sulal᷊ummu runia wuassu sangkatou taumata, wuṛṛu wuassu rosa udde nilumappute papate. Sombangnge, papate udde nangeṛṛoten anambon taumata, ana waugu sarangkanambone marosate.

1 YOHANES 5:11

Ete indi tatialane udde: Ruata suete nangonggolu wiakka tutune wuṛṛu mal᷊annu-l᷊annu si ite, wuṛṛu Anang-Nge uddewe punnu wiakka udde.

2 KORINTUS 9:15

Ṛinone i ite maadiangkamanna su Ruata ana waugu aonggole apan wahewalla udde!

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

1 YOHANES 2:2

Ringannu pamamanaran Yesus Kristus uddewe manga rosan kite niampunganna. Wuṛṛu wal᷊ine tumba'u manga rosan kite sassane, ewe'e rosan anambon taumata lai.

IBRANI 2:9

Arawe i ite suete naasilo Mawu Yesus uataṛṛino! I Tou niwawo adio'a wuassu mala'ekatta tumba'u tal᷊ang kadio'a, tadea'u su apapia naungngu Ruata i Tou wotonge mate ana waugu anambon taumata. I ite ma'ellega i Tou orassa indi nionggol᷊annu aiananna apan mawantuga wuṛṛu lembon aaddatanna, ana waugu i Tou suete natataṛṛanga na'oman sara nate.

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

YOHANES 3:16

Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

DANIEL 12:2

Manambo suwallatti mangitou apan natete sarun tate mabbiakka apia; sambageanganna lai sarun aṛṛiaannu asasusa wuṛṛu atata'utta saran mal᷊annu-l᷊annu lai.

WATTI'U MANGA RASUL 15:11

Arawe, i ite mangngimanna wuṛṛu i ite naasomba asasal᷊amatta ana waugu darangngu Mawu Yesus; aroddi lai i mangitou.”

2 KORINTUS 5:14

Ete darangngun Kristus apan uataṛṛino si yami; wuṛṛu i yami naatutukke manungku amungkangngu sangkatou buatte nate hunan taumata nambo, ne atappasanne manungku taumata sarangkanambone buatte nate.