ROMA 4:20 - WUKE SUSI WATTI'U AL᷊AL᷊USASSA

²⁰ I tou sidutu mangngimanna wuṛṛu tawe mappapadua su paairen Duata. Ewe'e naatohassa lai pangangimanni tou, na'oman sara sidutu i tou mangke maddalo Ruata.

ROMA 4:20 Referans Kwoze

LUKAS 1:45

Lal᷊umanna'a si'o, ana waugu mangngimanna manungku apa apan niwal᷊o Mawu si'o udde sarun mariaddi!”

2 KORINTUS 12:10

Nariaddi ya'u lulluassa ringannu al᷊allome'u. I ya'u lai lulluassa amungkangngu ana waugu Kristus i ya'u nial᷊uandahanna, i ya'u naasomba asasusa, a'enggenanna, wuṛṛu i ya'u naapendama sahadda. Ana waugu amungkangngu i ya'u lome, su tempo udde i ya'u naola'a matohassa.

1 KORINTUS 16:13

Ṛinone i yamiu paatehamma wuṛṛu matohassa sulal᷊ummu pabbiaṛṛannu ere taumatan Saṛṛani. Pammanarate ringannu waṛṛani wuṛṛu paatohassa.

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

2 TIMOTIUS 2:1

Timotius, ana'u! Ṛinone i'o mabbal᷊i matohassa ana waugu al᷊amatta apan nionggolla si ite, ana waugu i ite uaaukka ringanni Kristus Yesus.

YESAYA 35:4

Wal᷊oa'e sisai apan addio'a naungnge, “Tohasse naungngu, arie pa'ata'utta, Ruata rumanta makkuumannu seetta, i Tou rumanta manal᷊amatta si yamiu.”

YESAYA 7:9

Israel tawe mattohasanna wuassu Samaria, inangngu soane, wuṛṛu Samaria tawe mattohassanna wuassi Ratu Pekah. Amungkangngu i yamiu tawe atonna-tonna mangngimanna si Ya'u, i yamiu sarun tawe maaro'appa.”

ZAKARIA 8:13

Ei tumana'u Yehuda wuṛṛu Israel! Sutempo nanangkal᷊iu, amungkangngu manga taumata raho uawawontoga, i mangitou mabbisara, ‘Antimanna asasilaka apan naṛṛia'a su Yehuda wuṛṛu Israel maṛṛia'a si'o lai!’ Arawe i Ya'u sarun manal᷊amatta si yamiu, ma'oman sara manga taumata raho udde sarun mabbisara rundussa i mangitou, ‘Antimanna al᷊amatta apan nonto'a su Yehuda wuṛṛu Israel, umonto'a lai su watangannu!’ Ana waugu udde paatohasse naungu wuṛṛu arie paata'utta!”

ZAKARIA 8:9

Mawu nabbisara su uman-Ne, “Paatohasse naungngu! Orassa indi i yamiu ma'aringikka manga wisara apan buatte niwisara lai manga nabi sutempo rapappakke niaddo, ipabbangunna apia Wal᷊e-U.

HAGAI 2:4

Arawe, arie maadio'a naungngu, ei i yamiu sarangkanambone! Sassute manara udde, ana waugu i Ya'u sidutu massumbala si yamiu.

LUKAS 1:18

“Ereapa i ya'u maasingkatta manungku olangnge udde sarun mariaddi?” aiwal᷊on Zakharia su mala'ekatta udde. “I ya'u timmaddete, wuṛṛu awingku lai timmaddete.”

MATIUS 9:8

Su tempo manga taumata naasilo olangnge udde, i mangitou nata'utta wuṛṛu naddalote Ruata, ana waugu Ruata suete napal᷊iatta'u taṛṛino-Ne apan aroddi ahewalle su taumata.

DANIEL 11:32

Ne ringannu aallu ratu udde sarun massal᷊o'u manga taumata apan buatte nanantangngu agaman mangitou tadea'u mappulu massumbala si tou. Arawe manga taumata apan matuṛṛutta Ruata sarun waṛṛani lumawangnga si tou.

2 MARARATU 7:19

Wuṛṛu sutempo udde mandariaga ratu buatte nabbisara, “Tawe mariaddi! Udde awusu, salaiwe su orassa indi Mawu manossokku uranna apan bahewalla wuassu langitta!” Ana see sinimbaṛṛanni Elisa, “Paṛṛaddote i'o sarun maasilo olangnge udde mariaddi, arawe i'o tawe maal᷊ewa anna udde sarangkadio'a.”

2 MARARATU 7:2

Mandariaga ratu nabbal᷊issa, “Tawe mariaddi! Udde awusu, salaiwe su orassa indi lai Mawu manossokku uranna wahewalla wuassu langitta!” “I'o sarun maasilo olange udde mariaddi, arawe i'o tawe maal᷊ewa anna udde sarangkadio'a,” sasimbakki Elisa.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

PANDARIADDI 15:6

I Abram nangimante Mawu, wuṛṛu ana waugu udde Mawu nanengkamma lai si tou maola'a taumata apan ma'al᷊uassa naung-Nge.

1 SAMUEL 30:6

Tantaran Daud lembon nasusa ana waugu niawul᷊ianten ana'a wuṛṛu awingngi mangitou. Ana waugu udde i mangitou nanuntungngu watu si Daud. Nariaddi i Daud sulal᷊umme asasusa apan bahewalla, arawe naungnge nitohassu Mawu Ruatane.