ROMA 3:9 - WUKE SUSI WATTI'U AL᷊AL᷊USASSA

⁹ Ei, apa i ite taumatan Yahudi mappianne wuassu taumatan walahanna waine? Mangke tawe! Ere suete ta'u niwisara manungku mawae taumatan Yahudi ara'e walahanna waine, sarangkanambone udde tatahuanannu rosa.

ROMA 3:9 Referans Kwoze

GALATIA 3:22

Arawe sulal᷊ummu Wuke Susi uawoṛṛetta manungku anambon walahannu taumata mangke uatana'a su al᷊ungngu taṛṛinon dosa. Ana waugu udde, aonggola apan pina'ire pinangiananne wuassu mangngimanna Mawu Yesus Kristus nionggolla si mangitou apan mangngimanna.

ROMA 6:15

Orassa indi apa panginsueanne? Wotongnge i ite ma'ola'a rosa ana waugu i ite tate su parenta titan agama Yahudi, ewe'e su al᷊ungngu taṛṛinon al᷊amattu Ruata? Atonna-tonna tawe!

YESAYA 65:5

I mangitou mabbisara ‘Roote paarau, arie pangeṛṛetta si yami ana waugu i yami na'ukkassa wuṛṛu uaṛṛae wuassi yamiu!’ I Ya'u tawe maaṛṛaddanna maasilo pallal᷊aghu mangitou! Asasa'u-U si mangitou naal᷊ihidda putungnga apan tawe mappaddumma.

ROMA 11:32

Ana waugu Ruata suete namalan taumata paparentannu lal᷊awangnga, tadea'u i Tou wotongnge mapaal᷊iatta'u darangngu-Ne si mangitou sarangkanambone.

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

FILIPI 1:18

Arawe tawe apane! Ana waugu salaiwe ereapa, mawae udde a'olaanna ringannu pandumma apan mapia ara'e ringannu pandumma apan nassal᷊a, ne Kristus mangke iwabbatti'a lai; nariaddi ya'u lulluassa. Wuṛṛu i ya'u sidutu uapendamma aroddi,

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

1 KORINTUS 14:15

Nariaddi, ṛinone i ya'u ma'ola'a apa? Indi apan sarun ta'u olaanna: I ya'u sarun umal᷊iomannu ghaṛṛaho'u, arawe i ya'u sarun umal᷊iomanna lai ringannu ṛingiṛṛangku. I ya'u sarun mangantari ringannu ghaṛṛaho'u, arawe i ya'u maapulu lai mangantari ringannu ṛingiṛṛangku.

1 KORINTUS 10:19

Apa pandumangku su olangnge udde? Paal᷊uanna ara'e lai anna apan ipassubba paal᷊uanna udde tawe gunane saran kadio'a.

1 KORINTUS 4:7

Isai apan na'ola'a si'o nangillembo wuassu taumata waine? Wal᷊inewe sarangkanambone sinengkammu wuassu Ruata? Nariaddi, anio i'o mapaatelengngu watangannu, paṛṛimaunnapa apa apan tatahuanannu udde wal᷊ine sambau apan nionggola?

ROMA 11:7

Nariaddi, ereapate? Walahanna Israel tawe naasomba apa apan radeaanni mangitou. Naasomba udde tumba'u sire pira taumata wuassu ammul᷊anna adio'a apan buatte nipilen Duata. Ingana'a waine sarangkanambone nabbal᷊i mal᷊awangnga su wawaggo Ruata.

ROMA 3:5

Arawe amungkangngu taṛṛinon Duata lembon nilumiatta'e, ana waugu i ite ma'ola'a pasasal᷊a, apa sarun iwisaran kite? Manungku Ruata wengkolla amungkangngu i tou maṛṛuumanni ite? (Atonna aiwal᷊o indi maṛṛia'a su taumata.)

ROMA 1:18

Wuassu surga Ruata napaal᷊iatta'u asasa'u-Ne su anambon rosa wuṛṛu al᷊al᷊eon taumata, ana waugu al᷊al᷊eo mannal᷊are taumata ma'illal᷊a al᷊aṛṛa'u Ruata apan atonna.

LUKAS 7:39

Napawe taumatan Farisi apan nangahe Mawu Yesus naasilo olangnge udde, i tou nabbisara sulal᷊ummu naungnga, “Iraṛṛangngo taumata indi sangkatou nabi, i Tou masingkatta isai wawine apan nangindingnga si Tou, wuṛṛu manungku wawine udde mabbiakka sulal᷊ummu paddarosa!”

AMSAL 20:9

Apa pia taumata apan wotongnge mabbisara, “Naungku waresi, i ya'u nal᷊iute wuassu rosa?”

ROMA 2:1

Ana waugu udde, manga tuṛṛangnga, isai i'o tuṛṛangnga, na'oman sara i'o tuṛṛangnga maapulu mapaasal᷊an taumata waine? Tuṛṛangnga tawe ahidda ipallindumma ririnu. Ana waugu amungkangngu i'o mapaasal᷊an taumata waine, sumbal᷊i tuṛṛangnga sassane ma'ola'a ere inolaanni mangitou, ne tuṛṛangnga naṛṛuumannu watangannu sassane lai.

ROMA 3:1

Amungkangngu aroddi, apa auntunganne maola'a taumatan Yahudi? Wuṛṛu apa lai auntunganne tuttuṛṛutta atorannu sunatta?

ROMA 7:14

I ite masingkata manungku titan agama Yahudi inasaputanne wuassu Ghaṛṛahon Duata; arawe i ya'u indi taumata lome. I ya'u suete niwal᷊u'a naola'a allangngu rosa.