ROMA 3:30 - WUKE SUSI WATTI'U AL᷊AL᷊USASSA

³⁰ Ana waugu Ruata tumba'u sambau. Ete i Tou apan namalan taumatan Yahudi maaukka apia ringannu Ruata ana waugu i mangitou mangngimanna. Wuṛṛu ete i Tou lai apan namala manga taumatan walahanna waine maaukka apia ringannu Ruata, udde lai ana waugu i mangitou mangngimanna.

ROMA 3:30 Referans Kwoze

GALATIA 3:8

Wuke Susi buatte na'ellega paarorone manungku Ruata namalanmanga taumata wal᷊ine Yahudi masasangkapia apia ringannu Ruata, amungkangngu i mangitou mangngimanna si Tou. Watti'u Al᷊al᷊uassa udde niapaasingkata paarorone si Abraham sulal᷊ummu paaire indi, “Wuassi'o, Ruata sarun mangal᷊amatta al᷊awo'u walahannu taumata su wowon runia indi.”

GALATIA 3:20

Ne, ṛinone pia darua wageange, wakkute udde pia sangkatou pal᷊elene. Arawe Ruata tawe mappanduma pal᷊elene, ana waugu i Tou sassane mammanara.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

GALATIA 6:15

Nisunatta ara'e tawe nisunatta udde tawe maola'a hatto. Apianne eteudde maola'a taumata wakku.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

GALATIA 3:28

Sulal᷊ummu olangnge indi tate lai paṛṛalane su wallatu taumatan Yahudi wuṛṛu taumata wal᷊ine Yahudi, su wallatu allangnga wuṛṛu tawe allangnga, su wallatu esakka wuṛṛu wawine. I yamiu sarangkanambone sambau ana waugu Kristus Yesus.

ROMA 3:28

Ana waugu pangudusanne arendi: Taumata isaggo uaaukka apia ringannu Ruata, wal᷊inewe ana waugu i tou tuttuṛṛutta apa apan uawoṛṛetta sulal᷊ummu titan agama Yahudi, ewe'e ana waugu i tou mangngimanna Mawu Yesus Kristus.

TAHIUL᷊E 6:4

Tuṛṛa-tuṛṛangnga, naungete! Tumba'u Mawu, wuṛṛu Mawu sassane Ruatan kite!

ROMA 2:26

Arawe amungkangngu sangkatou wal᷊ine Yahudi tawe nissunatta, tuttuṛṛutta titan agama Yahudi, wal᷊inewe Ruata buatte namal᷊in tou maola'a taumata apan suete nissunatta?

ROMA 2:27

Wuṛṛu manga taumata apan tawe nissunatta udde sarun mappaasal᷊an kamiu taumatan Yahudi, ana waugu i'o uatahuanna titan agama Yahudi wuṛṛu i'o nissunatta, arawe i'o lullawanna tita udde. I mangitou tawe nissunatta, arawe ete i mangitou apan tuttuṛṛutta titan agama Yahudi.

ROMA 3:22

manungku Ruata ta'e mangngonggolu tempone su taumata maaukka ringanni Tou, tumba'u amungkangngu taumata mangngimanna Mawu Yesus Kristus. Ruata na'ola'a indi hunane su anambon taumata apan mangngimanna si Kristus, ana waugu tawe paṛṛalanne:

ROMA 4:9

Tanne wisara lal᷊umanna'a indi tumba'u wisara su taumata apan tuttuṛṛutta atorannu sunatta? Ara'e lai iwabbisara su taumata apan tawe tumuṛṛutta atorannu sunatta? Buatte nisaggon kami paarorone, manungku Abraham tinarimmattu Ruata maola'a sangkatou taumata apan maal᷊uassa naung-Nge, ana waugu Abraham mangngimanna Ruata.

ROMA 4:16

Nariaddi paairen Duata udde pinangaiananne wuassu pangangimannu taumata su Ruata. Udde maola'a sambau paaire su anambon walahanni Abraham manungku paaire udde nionggola si mangitou maola'a sambau aonggola apan tawe bawal᷊inne wuassu Ruata; wal᷊ine tumba'u si mangitou apan matuṛṛutta titan agama Yahudi, arawe si mangitou lai apan mangngimanna Ruata ere Abraham mangngimanna si tou. Ana waugu ete Abraham udde iamangngi ite sarangkanambone, su ola'u pangangimanna.

1 TIMOTIUS 2:5

Ana waugu, tumba'u pia sambau Ruata, wuṛṛu tumba'u sangkatou mananangngan Duata wuṛṛu taumata, eteudde Kristus Yesus.