ROMA 3:28 - WUKE SUSI WATTI'U AL᷊AL᷊USASSA

²⁸ Ana waugu pangudusanne arendi: Taumata isaggo uaaukka apia ringannu Ruata, wal᷊inewe ana waugu i tou tuttuṛṛutta apa apan uawoṛṛetta sulal᷊ummu titan agama Yahudi, ewe'e ana waugu i tou mangngimanna Mawu Yesus Kristus.

ROMA 3:28 Referans Kwoze

TITUS 3:7

tadea'u wuassu darangngu Mawu Yesus, i ite wotongnge maaukka apia ringannu Ruata wuṛṛu i ite maasomba wiakka tutune wuṛṛu saran mal᷊annu-l᷊annu apan aantimanni ite.

GALATIA 2:16

Salaiwe aroddi yami masingkata manungku taumata nasasangkapian Duata tumba'u ana waugu mangngimanna si Yesus Kristus, wuṛṛu wal᷊ine ana waugu tuttuṛṛuta titan agama. I yami sassane lai mangngimanna Mawu Yesus Kristus tadea'u i yami masasangkapia Duata wuassu pangangimanni yami udde, wal᷊ine ana waugu mappaattu titan agama. Ana waugu mappaattu titan agama, tawe saran sangkatou masasangkapia apia ringannu Ruata.

GALATIA 3:24

Ringannu aroddi, titan agama naola'a mandariaga si ite ma'oman sara Kristus rumanta ma'ola'a si ite masasangkapian Duata ana waugu i ite mangngimanna si Kristus.

GALATIA 3:8

Wuke Susi buatte na'ellega paarorone manungku Ruata namalanmanga taumata wal᷊ine Yahudi masasangkapia apia ringannu Ruata, amungkangngu i mangitou mangngimanna si Tou. Watti'u Al᷊al᷊uassa udde niapaasingkata paarorone si Abraham sulal᷊ummu paaire indi, “Wuassi'o, Ruata sarun mangal᷊amatta al᷊awo'u walahannu taumata su wowon runia indi.”

YAKOBUS 2:24

Natualage orassa indi, manungku taumata itarimmattu Ruata ringannu mapia ana waugu inolaannu taumata udde, wuṛṛu wal᷊ine tumba'u ana waugu pangangimanne.

ROMA 3:26

Arawe orassa indi i Tou mammangalo rosa ana mapaal᷊iatta'u atatul᷊idda. Ringannu olangnge aroddi i Tou mapaal᷊iatta'a manungku watangan-Ne tawe bahiane; wuṛṛu anambon taumata mangngimanna Mawu Yesus, nareengnga taumata apan naaukke apia ringannu Ruata.

FILIPI 3:9

wuṛṛu atonna-tonna uaaukka ringanni Tou. Pasasambau apan mapia ringannu Ruata tate ta'u manaranna sassane, ringannu tuttuṛṛuta titan agama. Orassa indi ya'u pia paa'aukka apan mapia ringannu Ruata, ana waugu i ya'u mangngimanna si Kristus. Nariaddi, paa'aukka apan mapia udde darantane wuassu Ruata, wuṛṛu pinangiannne ana waugu mangngimanna si Yesus Kristus.

ROMA 8:3

Apa apan tawe ia'ola'u titan agama, ana waugu i ite taumata lome, udde buatte niola'u Ruata. Ruata napaaraun rosa wuassu pallal᷊agun taumata ringannu nandolokku anang-Nge sassane, apan nirumanta ere sangkatou taumata apan marosa, ana waugu manubussa rosa.

ROMA 4:5

Arawe pia taumata tawe mangantimma su manarane sassane; i tou mannantillu watanganne su Ruata apan napaal᷊iatta'a manungku taumata marosa sarun maal᷊iu wuassu passasal᷊ane. Pinangianannu pangangimanne udde Ruata nanarimmatta si tou maola'a taumata apan maal᷊uassa naungngu Ruata.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

ROMA 5:1

Orassa indi i ite naaukka apia ringannu Ruata, ana waugu i ite mangngimanna. Wuṛṛu ana waugu udde i ite mabbiakka sulal᷊ummu paddarame ringannu Ruata sulal᷊ummu Mawun kite Yesus Kristus.

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

YAKOBUS 2:18

Asinungka piaddu mabbisara, “Pia taumata uatundeeta su pangangimanne wuṛṛu pia lai uatundeeta su pallal᷊agune.” I ya'u sarun sumimbaka, “Ta'ea'o sia'u ereapa taumata pia pangangimanna ringannu tawe pallal᷊agu wuṛṛu i ya'u sarun mapaa'al᷊iatta'u pallal᷊agu manungku i ya'u pia pangangimanna.”

YAKOBUS 2:20

I yamiu tumaniten woddo! Apa wotonge iapaasilo si yamiu manungku tawe gunane pia pangangimanna wuṛṛu tawe pallal᷊agu?