ROMA 3:19 - WUKE SUSI WATTI'U AL᷊AL᷊USASSA

¹⁹ Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

ROMA 3:19 Referans Kwoze

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

ROMA 3:9

Ei, apa i ite taumatan Yahudi mappianne wuassu taumatan walahanna waine? Mangke tawe! Ere suete ta'u niwisara manungku mawae taumatan Yahudi ara'e walahanna waine, sarangkanambone udde tatahuanannu rosa.

YEHEZKIEL 16:63

I Ya'u sarun mangampunga al᷊awo'u pasasal᷊anu, arawe i'o tawe maabul᷊ine wuṛṛu i'o sarun maapendamma asasili amungkangu mabbisara manga apa. I Ya'u Mawu Apan Atanggaṛṛanne buatte nabbisara.”

GALATIA 5:18

Arawe amungkangu Ghaṛṛahon Duata mangngehetta si yamiu, ne i yamiu tawe paparentannu titan agama.

1 KORINTUS 1:29

Ringannu aroddi tawe saran sangkatou mamungan watanganne su saruannu Ruata.

ROMA 3:23

Anambon taumata narosate wuṛṛu marauten Duata apan sarun manal᷊amatta si mangitou.

DARALO 107:42

Taumata matul᷊idda naasilo wuṛṛu lulluassa, arawe taumata lal᷊eo nimmoune.

GALATIA 4:21

Manga tuṛṛangnga apan maapulu mabbiakka su al᷊ungngu parenta manga titan agama, paddaringikka si ya'u! I ya'u sarun mamasingkata si yamiu apa apan su ṛinone uawoṛṛetta sulal᷊ummu Wuke Titan Musa.

GALATIA 4:5

Ringannu aroddi i Tou namallosu manga taumata apan mabbiakka su al᷊ungngu parentan titan agama; tadea'u i ite lai wotongnge maola'a al᷊aṛṛana'u Ruata.

ROMA 1:20

Ro'en Duata nandiaddi runia, pallal᷊agun Duata apan tawe asiloanna, eteudde olangnge ere Ruata wuṛṛu taṛṛino-Ne apan uatialu, wotongnge asunnannu taumata wuassu al᷊awo'u niriaddianne. Nariaddi taumata tawe pangaiananne mapaaṛṛinon batanganne.

YOHANES 8:9

Napawe naaringikka Mawu Yesus nabbisara aroddi, i mangitou nanantangken tampa udde, passangkatou nanattakka wuassu atimmaranne. Panginsueanne Mawu Yesus natantangnga sassane isudde ringannu wawine apan ta'e uarisikka su dararisiṛṛanne.

AYUB 5:16

Orassa indi piate antimma lai su taumata apan tawe darotongnge. Wuṛṛu taumata lal᷊eo mal᷊annabba nimoune, ana waugu Ruata buatte nakkapingnga moṛṛongnge.

1 SAMUEL 2:9

Taumata matuṛṛutta sidutu matammudda sulal᷊ummu sasirungngu Mawu. Arawe al᷊al᷊eo natete naṛṛimunsa'a sulal᷊ummu ararandumma wuṛṛu wasa tu'udda. Atatohassa sassane tawe iawansaga atatohassu taumata tawe maapangonggolu auntunganna.

ROMA 3:4

Natantuna tawe! Ana waugu nasemakke manungku Ruata sidutu atonna, salaiwe al᷊awo'u taumata mammahia. Sulal᷊ummu Wuke Susi uawoṛṛetta, “Ṛinone i'o aatialanna atonna sulal᷊ummu apa apan iwabbisaranu, wuṛṛu i'o maauntungnga su tempo i'o parikisanna.”

ROMA 3:2

Natantunna manambo auntunganne! Paarorone, ana waugu ete su taumatan Yahudi Ruata nanantillu manga wisaran Duata.

YOHANES 15:25

Arawe aroddite ṛinone, tadea'u matipusse apa apan uawoṛṛetta sulal᷊ummu Wukem Tita mangitou, eteudde: ‘I mangitou maddanting-Ku tawe pinangiananne.’

DARALO 63:11

I mangitou sarun nate sulal᷊ummu pangalo, wuṛṛu mabbal᷊i inassu winatangnga mal᷊aṛṛaga.