ROMA 3:12 - WUKE SUSI WATTI'U AL᷊AL᷊USASSA

¹² Anambon taumata nangindauten watanganne wuassu Ruata; sarangkanambone nial᷊iwunete. Tawe saran sangkatou apan ma'ola'a apapia; saran sangkatou tawe!

ROMA 3:12 Referans Kwoze

DARALO 14:3

Arawe anambon taumata buatte sinumewadda wuṛṛu nal᷊al᷊eo, tawe saran sangkatou apan na'ola'a apapia.

MANNANASE 7:20

Su runia indi tawe sangkatou taumata apan nasuungnga; taweddu sidutu apan ma'ola'a apapia wuṛṛu tawe saran paassa na'ola'a rosa.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

YESAYA 59:8

I yamiu tawe maddea'a paddarame, wuṛṛu anambon inolaannu tawe atatul᷊idde. Lal᷊annu mangke wengkolla, wuṛṛu taumata apan umamatta su lal᷊anna udde sarun mabbiakka susa.

YESAYA 53:6

I ite sarangkanambone nial᷊iwune ere domba, sambau-sambau maddea'a lal᷊anne sassane. Mawu buatte nangema'a si tou al᷊al᷊eo kite sarangkanambone.

MANNANASE 7:29

Tumba'u indi apan niasombangangku: Ruata na'ola'a si ite tawe lembone wuṛṛu wiasa. Arawe ete i ite sassane apan na'ola'a watanganni ite masahadda passunnanne wuṛṛu mangke uawengkolla.

1 PETRUS 2:25

Dorone i yamiu ere domba nilamammiṛṛanne, arawe orassa indi yamiu suete niapidda apia tumantalongnga Mallal᷊u'adda wuṛṛu Mamamadul᷊i niawanu.

FILEMON 1:11

Dorone i tou tawe gunane si'o, arawe orassa indi i tou piate gunane, wal᷊ine tumba'u si'o sassane, arawe si ya'u lai.

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

PANDARIADDI 1:31

Ruata na'ellega al᷊awo'a apan buatte niolang-Nge udde, wuṛṛu i Tou tumaniten mal᷊uassa. Ṛabbi nal᷊iudda wuṛṛu marua allote. Eteudde allo aiannumme.

MATIUS 25:30

Wuṛṛu mangangimbe apan tawe gunane udde, rammea'e sulal᷊ummu ararandumma su liudde. Poiaroddi i tou sarun lumuai wuṛṛu matataṛṛangnga asasusa!’ ”

YEREMIA 2:13

Uma-U ma'ola'a rosa hatine darua: i mangitou tinumal᷊iudda si Ya'u, al᷊imatang kua'e apan mangngonggollu wiakku taumata; i mangitou nallanginna hunan batanganne tampang kua'e lassutta apan tawe maataṛṛangnga ua'ene.”

DARALO 53:1

Su piaṛṛa'u mangangantari. Tumuṛṛuttu aantari: Mahalat. Aantari al᷊aṛa'i Daud.

SASABANGNGA 32:8

I mangitou buatte sinumewadda wuassu manga parenta-U. I mangitou na'ola'a paal᷊uanna sapi wuassu wul᷊awanna niwoso, ana see nassubba wuṛṛu nangonggolu sasamba si tou. Unni mangitou, eteudde monganni mangitou apan nangapiddi mangitou sinumabbangnga wuassu Mesir.

DARALO 53:3

Wuassu surga Mawu nangintanno umattu taumata, maddea'a taumata pande wuṛṛu massubba si Tou.

ROMA 3:11

tawe saran sangkatou apan maasunna wuṛṛu tawe saran sangkatou apan massubba Ruata.

ROMA 3:13

Tonggol᷊anni mangitou naal᷊ihida ere lal᷊abinganna apan wawu'anna. Manga awusu wuṛṛu wahia mangngelekka wuassu lila mangitou, wuṛṛu wiwikki mangitou mapaasabangngu aal᷊uandaga, ere wisan atoanna.