ROMA 2:4 - WUKE SUSI WATTI'U AL᷊AL᷊USASSA

⁴ Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

ROMA 2:4 Referans Kwoze

2 PETRUS 3:9

Mawu tawe mal᷊iwue mangonggolu apa apan suete nipa'ire-Ne, salaiwe piaddu massunna aroddi. Arawe i Tou masabare si yamiu, ana waugu i Tou maddiri pia sangkatou apan mate. I Tou maapulu tadea'u anambon taumata mawal᷊u wuassu manga rosane.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

SASABANGNGA 34:6

Wua'udde Mawu sinumabbi ringanni Musa wuṛṛu nabbisara, “I Ya'u Mawu, eteudde Ruata apan napenen naungnga mapia wuṛṛu darangngu. Darungngu-U nilumambalanna, i Ya'u satia wuṛṛu mal᷊iwue masa'u.

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

EFESUS 2:7

Ruata na'ola'a udde tadea'u su tempo apan addantane, taumata wotongnge maasilo aroddi ahewalle darangngun Ruata. Darangngu udde niapaasilon Duata sulal᷊ummu apapia naung-Nge si ite sulal᷊ummi Kristus Yesus.

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

ROMA 3:25

Ruata nanantillu Mawu Yesus tadea'u ringannu papate-Ne udde taumata iapaal᷊iatta'a mapallosa wuassu pasasal᷊a amungkangngu i mangitou mangngimanna si tou. Ruata na'ola'a aroddi ana mapaal᷊iatta'u atatul᷊ide. Ana waugu su tempo nal᷊iu Ruata buatte nanabare manga rosan taumata, na'oman sara i Tou tate naṛṛuumanni mangitou.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

2 PETRUS 3:15

Pendamete manungku asasabbare Mawun kite maola'a sambau tempo apan nionggoli Tou si yamiu tadea'u wotongnge masal᷊amatta. Paulus, tuṛṛangi ite apan arangnguanna, suete namoṛṛeta aroddi lai si yamiu. I Tou namoṛṛetu udde ringannu apande apan nionggolu Ruata si tou.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

ROMA 11:22

Nariaddi isindi i ite naasilo aroddi apiane Ruata wuṛṛu aroddi aattike lai i Tou. I Tou maṛṛagissa su saruanni mangitou apan marosa, arawe naungngi Tou masaṛṛionto'a si'o – sambal᷊iate i'o sidutu mabbiakka wuassu darangngu-Ne. Amungkangngu tawe, i'o lai sarun iramme.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

DARALO 78:38

Arawe Ruata mandangngu wuṛṛu nangampunga al᷊aṛṛanang-Nge, wuṛṛu tawe namate si mangitou. Masokka-sokka i Tou maṛṛaddannu asasa'u-Ne, wuṛṛu tawe mapasabbangu naung-Nge lal᷊eo.

EFESUS 2:4

Arawe aroddi ahewalle darangngun Duata! I Tou aroddi marangngu si ite,

MANNANASE 8:11

Anio aroddi al᷊uanne taumata ma'ola'a al᷊al᷊eo? Ana waugu ṛuumanne tawe lapiddu ionggolla.

2 PETRUS 3:3

Paarorone, i yamiu ṛinone masingkatta manungku su allo-allo pangudusanne, sarun rumanta manga taumata apan pabbawiakke paparentannu apulu naungngi mangitou sassane. I mangitou sarun mangal᷊uandaga si yamiu,

1 PETRUS 3:20

eteudde ghaṛṛaho manga taumata apan mal᷊awangnga Ruata su tempo Nuh. Su tempo udde Ruata uaraṛṛaddo ringannu sabare tantal᷊anna Nuh mallanginnu apalla. Tumba'u manga taumata apan sulal᷊ummu apalla – sarangkanambone siri ual᷊u – apan nisal᷊amatta wuassu manawangnga apan wahewalla udde.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

FILIPI 4:19

Ruata apan sassubbangku, apan napenen paa'ala sulal᷊ummi Kristus Yesus, sarun manuungngu hausannu.

DARALO 10:11

Su ṛingidde, “Ruata naabul᷊ite wuṛṛu tate mappandumma; sarangkal᷊oengnge i Tou tawe ma'ellega si ya'u!”

SONDAPPA 3:20

Pa'ellega! I Ya'u uarisikka su saruannu ngara wuṛṛu manengkela. Amungkangu pia taumata apan naaringikka tingi-U, wuṛṛu namu'a ngara, i Ya'u sarun sumutta maisasomban tou; i Ya'u sarun umanna suadio'a ringanni tou wuṛṛu i tou umanna suadio'a ringang-Ku.

1 TIMOTIUS 1:16

Ana waugu udde Ruata marangngu si ya'u, tadea'u Kristus Yesus wotongnge mapaal᷊iatta'u anambon asasabare-Ne si ya'u, taumata apan arosanne indi. Wuṛṛu indi maola'a sambau tul᷊ada su anambon taumata apan mangngimanna si Tou wuṛṛu maasomba wiakka tutune wuṛṛu mal᷊annu-l᷊annu.

KOLOSE 1:27

Su al᷊aṛṛanang-Nge udde Ruata maapulu mapaal᷊iatta'a aroddi apiane wuṛṛu awantuge addapinge udde su anambon walahannu taumata. Addapinge eteudde: Kristus udde sulal᷊ummu wadangu, atappasanne i yamiu lai sarun maapendamma awawantugu Ruata.

ROMA 6:15

Orassa indi apa panginsueanne? Wotongnge i ite ma'ola'a rosa ana waugu i ite tate su parenta titan agama Yahudi, ewe'e su al᷊ungngu taṛṛinon al᷊amattu Ruata? Atonna-tonna tawe!

ROMA 6:1

Amungkangngu aroddi, apa apan sarun iwisarang kite? Ṛinonewe i ite sidutu ma'ola'a rosa, tadea'u Ruata lembo mandangngu si ite?

DARALO 104:24

Aroddi anambone lanna'u manara-Nu, Mawu, sarangkanambone niolang-Ngu ringannu apande; runia napenen lanna'u lima-Nu.

KOLOSE 2:2

Sarangkanambone indi ta'u olaanna tadea'u naungngi mangitou maola'a matohassa wuṛṛu i mangitou uararangngu ma'oman sara i mangitou uasampinunutanna. Ringannu aroddi i mangitou atonna-tonna maasunna wuṛṛu mangngimanna see lai maaillal᷊a addapingu Ruata, eteudde Kristus sassane.

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

ROMA 10:12

Udde mariaddi su anambon taumata, ana waugu tawe paṛṛalane taumatan Yahudi wuṛṛu taumatan walahanna waine. Ruata apan sambau eteudde Ruatan anambon taumata. I Tou mangngonggolu al᷊amatta manambo-nambo su anambon taumata apan ma'itul᷊ungnga si Tou.

YEHEZKIEL 16:63

I Ya'u sarun mangampunga al᷊awo'u pasasal᷊anu, arawe i'o tawe maabul᷊ine wuṛṛu i'o sarun maapendamma asasili amungkangu mabbisara manga apa. I Ya'u Mawu Apan Atanggaṛṛanne buatte nabbisara.”

YEREMIA 7:10

Napawe sarangkanambone udde buatte niola'i yamiu, i yamiu rumanta sumaruanna si Ya'u isindi su Wal᷊e-U sassane, wuṛṛu mabbisara, ‘I yami mal᷊angnganna!’ Wua'udde i yamiu manassute inolaannu apan dal᷊eo udde.

REENGANNA 14:18

‘I Ya'u, Mawu, mal᷊annu masa'u. I Ya'u mapal᷊iatta'u darangngu-U wuṛṛu apapia-U ringannu nilumambalanna. I Ya'u mangampungnga taumata apan marosa wuṛṛu apan nilumawangnga si Ya'u. Salaiwe aroddi, pasasal᷊an hagurangnga Ta'u walusanna su manga anangnge wuṛṛu papapulunne, maddatingngu pallaṛṛawanne atallune wuṛṛu aiappanne.’

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

DARALO 31:19

Sappingete moṛṛongngu taṛṛa wahia apan ringannu mawunga mallobbossa taumata matul᷊idda.

YEHEZKIEL 11:19

I mangitou sarun Ta'u onggol᷊annu naungnga apan bakku wuṛṛu pallal᷊agu apan bakku. Naungngi mangitou apan aatikke ere watu sarun Ta'u anuanna wuṛṛu Ta'u hantiannu naungnga apan matuṛṛutta si Ya'u.

2 KORINTUS 8:2

I mangitou buatte niannamannu manga asasusa apan mawakkata. Arawe su pattangngannu manga asasusa udde, i mangitou lulluassa, wuṛṛu naungnge masaṛṛionto'a ipangonggolu sumbala ipantul᷊ungngu taumata waine, salaiwe i mangitou asiangnga.

2 PETRUS 1:11

Ringanni aroddi yamiu sarun onggol᷊annu taṛṛino sumutta su Araratuanna apan saran mal᷊annu-l᷊annu wuassu Mawu wuṛṛu Ratun Punnu Sal᷊amatti ite Yesus Kristus.

SONDAPPA 2:21

Suete Ta'u nionggol᷊annu tempone i tou mawal᷊u wuassu manga rosane, arawe i tou maddiri mamallosu inolaanne sussandaga udde.