ROMA 2:26 - WUKE SUSI WATTI'U AL᷊AL᷊USASSA

²⁶ Arawe amungkangngu sangkatou wal᷊ine Yahudi tawe nissunatta, tuttuṛṛutta titan agama Yahudi, wal᷊inewe Ruata buatte namal᷊in tou maola'a taumata apan suete nissunatta?

ROMA 2:26 Referans Kwoze

KOLOSE 2:11

Ana waugu uaaukka ringanni Kristus, i yamiu suete nisunatta, wal᷊ine ringannu sunatta apan niola'u taumata, ewe'e sunatta apan niola'i Kristus, apan namallosi yamiu wuassu taṛṛinon pallal᷊agu apan marosa.

ROMA 8:4

Ruata na'ola'a udde tadea'u apulu-Ne apan niapaal᷊iatta'a sulal᷊ummu titan agama Yahudi udde wotongnge olaanna sulal᷊ummu wadangngi ite apan mabbiakka tuttuṛṛutta Ghaṛṛahon Duata wuṛṛu wal᷊ine tuttuṛṛutta pallal᷊agun taumata.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

EFESUS 2:11

Manga tuṛṛangnga apan wal᷊ine Yahudi! Paanaunge ririnu su tempo rorone: I yamiu isassaggo “taumata tawe nissunatta” unnu taumatan Yahudi apan mangnga'u ririne suete nissunatta (pandumanne apan buatte naasomba tatiala niola'u taumata su wadangngi mangitou).

ROMA 3:30

Ana waugu Ruata tumba'u sambau. Ete i Tou apan namalan taumatan Yahudi maaukka apia ringannu Ruata ana waugu i mangitou mangngimanna. Wuṛṛu ete i Tou lai apan namala manga taumatan walahanna waine maaukka apia ringannu Ruata, udde lai ana waugu i mangitou mangngimanna.

MATIUS 15:28

See Mawu Yesus nabbisara si tou, “Inangnga, matohassa atonna pangangimannu! Ariadite apa apan ipa'apulunu!” Orassa udde lai ana'a wawine udde napia.

ROMA 2:25

Amungkangngu i'o matuṛṛutta titan agama Yahudi, ne i'o apan buatte nissunatta udde pia gunane lai. Arawe amungkangngu i'o tawe ninumaramma tuttuṛṛutta manga inolaanna apan iradolokka sulal᷊ummu tita udde ne sunatta udde tawe gunane saran kadio'a.

ROMA 2:27

Wuṛṛu manga taumata apan tawe nissunatta udde sarun mappaasal᷊an kamiu taumatan Yahudi, ana waugu i'o uatahuanna titan agama Yahudi wuṛṛu i'o nissunatta, arawe i'o lullawanna tita udde. I mangitou tawe nissunatta, arawe ete i mangitou apan tuttuṛṛutta titan agama Yahudi.

GALATIA 6:15

Nisunatta ara'e tawe nisunatta udde tawe maola'a hatto. Apianne eteudde maola'a taumata wakku.