ROMA 2:2 - WUKE SUSI WATTI'U AL᷊AL᷊USASSA

² I ite masingkata manungku amungkangngu Ruata maṛṛuumannu manga taumata apan inolaanne ereudde, apan niola'u Ruata udde tawe sal᷊ane.

ROMA 2:2 Referans Kwoze

ZEFANYA 3:5

Arawe Mawu ta'e su soa udde; i Tou sidutu ma'ola'a apapia wuṛṛu taweddu massal᷊a. Suapan marua allo i Tou sarun mangonggollu atatul᷊idda su uman-Ne. Arawe, taumata apan tawe maaillal᷊a atatul᷊idda su soa udde sidutu ma'ola'a al᷊al᷊eo ringannu tawe masili.

DARALO 145:17

Mawu matul᷊idda sulal᷊ummu al᷊awo'u manara-Ne wuṛṛu napenen darangngu sulal᷊ummu al᷊awo'u inolaan-Ne.

YEREMIA 12:1

“Amungkangngu i ya'u mangapiddu hatto'u su saruan-Nu, oh Mawu, isudde mangke asingkatanna manungku ete I'o apan atonna. Arawe i ya'u mappulu lai ma'iwal᷊o Si'o su ola'u atatul᷊idda; Anio taumata lal᷊eo mabbal᷊i su lal᷊umanna'a? Anio ewe'e taumata taṛṛa linga mabbal᷊i ala?

DARALO 98:9

Ana waugu i Tou nirumanta makkuungngu runia; manga walahanna sarun ṛuungan-Ne ringannu atatul᷊idda wuṛṛu su ṛinone.

DARALO 96:13

Ana waugu Mawu rumanta mamarenta su runia, i Tou sarun makkuungngu manga walahanna ringannu atatul᷊idda tawe mangempe.

SONDAPPA 19:2

Pallaṛṛuung-Nge matul᷊idda wuṛṛu masiṛṛonga! I Tou suete naṛṛuumannu sumasandaga apan wahewalla, apan nandal᷊eo runia ringannu sasandage. Ruata suete naṛṛuumannu sumasandaga udde, ana waugu ete i tou namate manga allangngu Ruata.”

SONDAPPA 16:5

I ya'u naaringikka mala'ekatta apan uataṛṛino ua'e nabbisara, “Ṛuumanna apan niemangngu udde matul᷊idda, I'o Lembon Susi, Ruata apan nirumanta, wuṛṛu nirumantate!

ROMA 9:14

Apa panginsueannu ṛingiṛṛanni ite orassa indi? Manungku Ruata udde tawe matul᷊ida? Atonna Ruata udde matul᷊ida!

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

WATTI'U MANGA RASUL 17:31

Ana waugu i Tou suete nanantunnu sambau tempo ipamarikissa ahewallu runia indi ringannu atatul᷊idda. Manara udde sarun olaannu sangkatou apan suete nipilen Ruata su ipa'ola'a manara udde. Wuṛṛu tadea'u anambon taumata ma'asunna olangnge udde, Ruata suete napaawiakku taumata apia udde wuassu papate!”

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

YEHEZKIEL 18:29

Wuṛṛu i yamiu, ei manga taumatan Israel, i yamiu mabbisara manungku inolaannu Mawu udde naal᷊iwu. Apa inolaang-Ku naal᷊iwu, ei Israel? Tawe! Ete i yamiu apan naal᷊iwu!”

YEHEZKIEL 18:25

Asinungka piaddu mabbisara arendi, “Inolaannu Mawu na'al᷊iwu.” Paddaringikke, ei taumatan Israel! Apa manara-U niumal᷊iwu? Ete i yamiu apan naal᷊iwu.

YESAYA 45:21

Alaea'e hattonu, apira'e manga tatialane, ore, wala'e i mangitou ma'ire su sambau. Isaite apan nabbal᷊on olangnge udde wuṛṛu namasingkatta ro'en paarorone? Wal᷊inewe i Ya'u, Mawu? Tawe mawu wal᷊ine tumba'u i Ya'u. Ya'u Ruata apan matul᷊idda wuṛṛu Mananal᷊amatta, tawe baine tumba'u i Ya'u!

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

DARALO 9:4

Su saruan-Nu seetta nabelengnga wuṛṛu tinumal᷊angnga; i mangitou nanawo natara wuṛṛu nate.

AYUB 34:23

Ruata salaiwe tawe manantunnu tempone, taumata rumanta ṛuungannu Ruata.

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

ROMA 2:1

Ana waugu udde, manga tuṛṛangnga, isai i'o tuṛṛangnga, na'oman sara i'o tuṛṛangnga maapulu mapaasal᷊an taumata waine? Tuṛṛangnga tawe ahidda ipallindumma ririnu. Ana waugu amungkangngu i'o mapaasal᷊an taumata waine, sumbal᷊i tuṛṛangnga sassane ma'ola'a ere inolaanni mangitou, ne tuṛṛangnga naṛṛuumannu watangannu sassane lai.

ROMA 2:3

Arawe i yamiu, manga tuṛṛangnga, ma'ola'a sassane lai manga inolaanna apan ipangngansilli yamiu su manga taumata waine! Wuṛṛu su ṛingiddi yamiu, i yamiu wotongnge mal᷊iudda wuassu ṛuumannu Duata?