ROMA 2:15 - WUKE SUSI WATTI'U AL᷊AL᷊USASSA

¹⁵ Pallal᷊agu mangitou napaal᷊iatta'a manungku apa apan buatte nirolokku tita udde uawoṛṛetta su naungngi mangitou. Lal᷊ummu naungngi mangitou lai mapaal᷊iatta'u olangnge udde, ana waugu i mangitou sassane taṛṛa assa iapaasal᷊a wuṛṛu iapaaṛṛinon ṛingiddi mangitou.

ROMA 2:15 Referans Kwoze

2 KORINTUS 5:11

I yami masingkata apa atappasanne mata'uttu Mawu; ana waugu i yami maapulu mangaṛṛa'a taumata see mangngimanna ola'u wadangngi ami. Ruata maaillal᷊a si yami, wuṛṛu i ya'u mangantimma i yamiu lai maaillal᷊a si yami sulal᷊ummu naungngu.

TITUS 1:15

Sarangkanambone udde susi su manga taumata apan susi. Arawe su manga taumata apan ṛingiranne lal᷊eo wuṛṛu tawe pangangimanne, tawe sambau sarannapa apan susi, ana waugu ṛingiranne wuṛṛu lal᷊ummu naungngi mangitou nalal᷊eote!

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

AYUB 27:6

I ya'u sidutu uaaggassa su tatuṛṛu'u, wuṛṛu lal᷊ummu naungku sidutu waresi.

1 TIMOTIUS 4:2

apan niapaasingkatu taumata lilangkamal᷊e'a wuṛṛu taṛṛa wahia. Lal᷊ummu naungngu manga taumata udde marandumpe.

ROMA 9:1

Apa apan sarun iwisara'u indi atonna ana waugu i ya'u tatahuananni Kristus. I ya'u tawe mamahia. Naungku apan aehetannu Ghaṛṛahon Duata mannohassa si ya'u lai manungku wisara'u indi atonna.

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

WATTI'U MANGA RASUL 23:1

I Paulus nanutudda manga mallaṛṛuungnga udde see nabbisara, “Manga tuṛṛangku! Na'oman sara allo indi ya'u tawe naapendamma sal᷊a su saruannu Ruata sulal᷊ummu naungku su ola'u i ya'u mabbiakka.”

MANNANASE 7:22

I'o sassane lai naatutukke manungku taumata waine lai buatte niwontohannu.

1 MARARATU 2:44

I'o masingkatta atonna anambon al᷊al᷊eonu su saruanu iamangku. Ana waugu udde Mawu sarun makkumannu,

PANDARIADDI 20:5

I Abraham sassane nabbal᷊o manungku wawine udde tuarine, wuṛṛu wawine udde nabbisara aroddi lai. I ya'u buatte na'ola'a udde ringannu naungnga waresi, nariaddi ya'u tawe nassal᷊a.”

YOHANES 8:9

Napawe naaringikka Mawu Yesus nabbisara aroddi, i mangitou nanantangken tampa udde, passangkatou nanattakka wuassu atimmaranne. Panginsueanne Mawu Yesus natantangnga sassane isudde ringannu wawine apan ta'e uarisikka su dararisiṛṛanne.

ROMA 2:14

Manga taumatan walahanna waine waggan titan agama Yahudi. Arawe amungkangngu i mangitou wuassu apulun mangitou sassane tuttuṛṛutta parentan tita udde, ete naungngi mangitou sassane mangngatokki mangitou, salaiwe i mangitou tawe maaillal᷊a titan agama Yahudi.

ROMA 2:27

Wuṛṛu manga taumata apan tawe nissunatta udde sarun mappaasal᷊an kamiu taumatan Yahudi, ana waugu i'o uatahuanna titan agama Yahudi wuṛṛu i'o nissunatta, arawe i'o lullawanna tita udde. I mangitou tawe nissunatta, arawe ete i mangitou apan tuttuṛṛutta titan agama Yahudi.