ROMA 2:1 - WUKE SUSI WATTI'U AL᷊AL᷊USASSA

¹ Ana waugu udde, manga tuṛṛangnga, isai i'o tuṛṛangnga, na'oman sara i'o tuṛṛangnga maapulu mapaasal᷊an taumata waine? Tuṛṛangnga tawe ahidda ipallindumma ririnu. Ana waugu amungkangngu i'o mapaasal᷊an taumata waine, sumbal᷊i tuṛṛangnga sassane ma'ola'a ere inolaanni mangitou, ne tuṛṛangnga naṛṛuumannu watangannu sassane lai.

ROMA 2:1 Referans Kwoze

LUKAS 6:37

“Imbaṛṛangnga maṛṛuungngu taumata waine, tadea'u i yamiu lai sassane tawe iṛṛuungngu Ruata. Imbaṛṛangnga maṛṛuumannu taumata waine, tadea'u i yamiu sassane tawe iṛṛuumannu Ruata. Ampungete taumata waine, tadea'u Ruata lai mangampungnga si yamiu.

ROMA 2:3

Arawe i yamiu, manga tuṛṛangnga, ma'ola'a sassane lai manga inolaanna apan ipangngansilli yamiu su manga taumata waine! Wuṛṛu su ṛingiddi yamiu, i yamiu wotongnge mal᷊iudda wuassu ṛuumannu Duata?

ROMA 9:20

Arawe, tuṛṛangnga! Tuṛṛangnga tumba'u sangkatou taumata. Wuṛṛu tuṛṛangnga tawe waṛṛani sumimbakka Ruata! Wotongngewe tampan bunga maiwal᷊o, isai taumata na'ola'a si tou, “Anio i'o na'ola'a si ya'u arendi?”

YAKOBUS 4:11

Manga tuṛṛangnga, arie i yamiu uaal᷊uandaga ara'e mapaasal᷊an sangkatou ringannu waine. Taumata apan mangal᷊undaga wuṛṛu mapaasal᷊an tuṛṛange sansul᷊unga Saṛṛani, i tou mangngal᷊uandaga wuṛṛu mapaasal᷊an titan Duata. Wuṛṛu amungkangu i yamiu mapaasal᷊an titan Duata, udde atappasanne i yamiu tawe tumuṛṛutta manga tita udde, ewe'e maola'a lai mapaasal᷊an tita udde.

YAKOBUS 2:20

I yamiu tumaniten woddo! Apa wotonge iapaasilo si yamiu manungku tawe gunane pia pangangimanna wuṛṛu tawe pallal᷊agu?

LUKAS 19:22

Ratu udde nabbisara si tou, ‘I'o mangangimbe lal᷊eo! Nassul᷊ungngu ere wisaranu sassane, i ya'u sarun maṛṛuumannu. I'o masingkatta i ya'u taumata maṛṛagissa: i ya'u mangnganu al᷊awoa apan tawe rarotongku, wuṛṛu mangngammulu auntunganna su tampa i ya'u tawe massuanna.

1 KORINTUS 7:16

Ana waugu i'o sangkatou awingnge wawine – apan nangimante Mawu – ereapa i'o wotongnge maasingkata ringannu atonna manungku i'o tawe maapanal᷊amatta awingngu esakka? Aroddi lai i'o naola'a awingnga esakka Saṛṛani, ereapa i'o naasingkata ringannu atonna manungku i'o tawe maapanal᷊amatta awingngu wawine?

LUKAS 12:14

Mawu Yesus sinumimbakka, “Tuṛṛangnga, isai namile si ya'u maola'a mallaṛṛuungnga ara'e matatahia darotongnga pussa'a su wallatti raddua?”

ROMA 2:2

I ite masingkata manungku amungkangngu Ruata maṛṛuumannu manga taumata apan inolaanne ereudde, apan niola'u Ruata udde tawe sal᷊ane.

ROMA 3:9

Ei, apa i ite taumatan Yahudi mappianne wuassu taumatan walahanna waine? Mangke tawe! Ere suete ta'u niwisara manungku mawae taumatan Yahudi ara'e walahanna waine, sarangkanambone udde tatahuanannu rosa.

ROMA 14:22

Wala'e apa apan pangimanannu udde, olaanna su saruannu Ruata hunanu sassane. Taumata apan tawe pinangiananne ipamendama pasasal᷊a, su apa apan sassunnane naṛṛino taumata udde su lal᷊umanna'a.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.