ROMA 16:26 - WUKE SUSI WATTI'U AL᷊AL᷊USASSA

²⁶ Arawe orassa indi, wuassu darolokku Ruata sassane, pandumanne udde buatte niapaal᷊iatta'a wuṛṛu niapasingkata su anambon walahanna ere suete niwoṛṛettu manga nabi, tadea'u i mangitou sarangkanambone mangngimanna wuṛṛu tumuṛṛutta Ruata.

ROMA 16:26 Referans Kwoze

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

GALATIA 3:8

Wuke Susi buatte na'ellega paarorone manungku Ruata namalanmanga taumata wal᷊ine Yahudi masasangkapia apia ringannu Ruata, amungkangngu i mangitou mangngimanna si Tou. Watti'u Al᷊al᷊uassa udde niapaasingkata paarorone si Abraham sulal᷊ummu paaire indi, “Wuassi'o, Ruata sarun mangal᷊amatta al᷊awo'u walahannu taumata su wowon runia indi.”

ROMA 15:18

I ya'u waṛṛani mabbisara aroddi tumba'u su ola'u apa apan buatte niola'i Kristus si Ya'u ipa'ola'a manga taumata wal᷊ine Yahudi tuttuṛṛutta Ruata. I ya'u mammanara udde ringannu manga wisara ara'e lai ringannu manga inolaanna see lai pallal᷊agu,

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

2 TIMOTIUS 1:10

Wuṛṛu orassa indi, Ruata napaal᷊iatta'u al᷊amanlle si ite ringannu darantan Ratun Punnu Sal᷊amatti ite Kristus Yesus. Mawu Yesus napassuṛṛubawan taṛṛinon papate wuṛṛu nangapiddu wiakka sarangkal᷊o'enge sulal᷊ummu Watti'u Al᷊al᷊uassa udde.

KOLOSE 1:26

eteudde watti'a ro'en al᷊amonane apan sidutu iaadappingu Ruata su anambon taumata, arawe orassa indi niapaal᷊iatta'a su al᷊aṛṛanang-Nge.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

ROMA 1:2

Watti'u Al᷊al᷊uassa udde buatte nipa'iren Duata su tempo rorone sulal᷊ummu manga nabi-Ne wuṛṛu nawoṛṛette sulal᷊ummu Wuke Susi.

PANDARIADDI 21:33

Ana see i Abraham nassuannu sangkalu alu tamariska su Bersyeba wuṛṛu nanattakka orassa udde tampa udde nipaatti tou maola'a pasasubanna Mawu, Ruata sarangkal᷊o'engnge.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

EFESUS 2:20

I yamiu lai suete niapararisikka su rapappakke apan niaddo manga rasul wuṛṛu manga nabi, ringanni Kristus Yesus sambau watu apan apianne.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

ROMA 3:21

Arawe orassa indi Ruata buatte namantingiddu lal᷊anne ereapa taumata maaukka ringanni Tou; wuṛṛu lal᷊anne udde tawe sul᷊ungnge ringannu titan agama Yahudi. Manga Wuken Musa wuṛṛu Wuken Manga Nabi mabal᷊o lai olangnge udde,

ROMA 1:20

Ro'en Duata nandiaddi runia, pallal᷊agun Duata apan tawe asiloanna, eteudde olangnge ere Ruata wuṛṛu taṛṛino-Ne apan uatialu, wotongnge asunnannu taumata wuassu al᷊awo'u niriaddianne. Nariaddi taumata tawe pangaiananne mapaaṛṛinon batanganne.

WATTI'U MANGA RASUL 10:43

Anambo manga nabi mabatti'i Tou. I mangitou mabbisara manungku anambon taumata apan mangngimanna Mawu Yesus, sarun ampunganna rosane ringannu taṛṛino wuassu Ruata.”

WATTI'U MANGA RASUL 6:7

Aroddite watti'u Ruata mangke nassal᷊iawukka wuṛṛu manga mallal᷊aṛṛenggennu Mawu Yesus su Yerusalem lembon a'atambanna anambone. Wuṛṛu manambo lai manga imam apan nangngimanna Mawu Yesus.

MARKUS 16:15

See Mawu Yesus nabbisara si mangitou, “Roote su ahewallu runia wuṛṛu wal᷊oa'e Watti'u Al᷊al᷊uassa wuassu Ruata udde su anambon taumata.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

TAHIUL᷊E 33:27

Ruata sarangkal᷊o'engnge mabbal᷊i mallal᷊u'addi yamiu, ta'iakku Ruata saran mal᷊annu-l᷊annu ua'ehetta si yamiu. I Tou nallimbuakka seetta wuassu saruannu wuṛṛu i yamiu nirolokka niapapate si mangitou.

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

IBRANI 13:8

Yesus Kristus uasul᷊ungnga, mapia rorone, orassa indi, wuṛṛu saran mal᷊annu-l᷊annu.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.