ROMA 16:2 - WUKE SUSI WATTI'U AL᷊AL᷊USASSA

² Tarimmata'e i tou ere sangkatou wuassu jamaattu Mawu. Ne aroddite manga taumata apan mangngimanna Ruata ṛinone uatatarimmata sangkatou ringannu sangkatou. Tul᷊ungaawe i tou, amungkangngu i tou mappandumma sasumbala wuassi yamiu, ana waugu i tou sassane suete nangonggolu sumbala su taumata nambo – nareengnga lai ya'u.

ROMA 16:2 Referans Kwoze

FILIPI 2:29

Nariaddi, sal᷊ohoite i tou ringannu ahewallu al᷊al᷊uassu naungnga ere sangkatou tuṛṛanga sulal᷊ummu pangangimanna sambau. Addate anambon taumata ere i tou.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

2 YOHANES 1:10

Ana waugu udde, amungkangu pia taumata rumanta wuṛṛu mabbatti'a si yamiu al᷊aṛṛa'a apan tawe niaṛṛa'i Kristus, arie manarimmattu taumata udde sulal᷊ummu wal᷊enu ara'e mattabea si tou.

FILEMON 1:17

Ana waugu udde, i'o ma'ellega si ya'u ere sangkatou hawe sulal᷊ummu paa'aukku taumatan Saṛṛani, tarimmata'e apia Onesimus ere lai i'o nanarimmatti ya'u.

FILEMON 1:12

Orassa indi taumata arangnguangku udde nirolokke apia ringannu.

TITUS 2:3

Aroddi lai ṛinone i'o mangaṛṛa'a manga wawine apan timmaddete tadea'u pallal᷊agu mangitou matataṛṛino su taumata apan mabbiakka tumuṛṛuttu apulun Duata sassane. Tawe wotongnge i mangitou mangal᷊uandaga taumata waine, wuṛṛu tawe wotongnge taṛṛa inumma ua'e maawu'anna. Ṛinone i mangitou mangaṛṛa'u manga al᷊aṛṛa'a apan mapia,

2 TIMOTIUS 1:18

Wuṛṛu i'o masingkatta manungku su Efesus i tou masokka mantul᷊ungku. Doronganna Mawu mapaal᷊iatta'u darangngu-Ne si tou su allo Mawu mamarikissa anambon walahannu taumata.

1 TIMOTIUS 2:10

Arawe ṛinone wawine mallogaka watanganne ringannu manga pallal᷊agu apan mapia su ereapa udde ṛinone olaannu wawine apan massubba Ruata.

KOLOSE 4:10

Aristarkus, apan sulal᷊ummu tuttupanna suadio'a ringangku, nandohon tabea si yamiu. Aroddi lai Markus, tuṛṛangi Barnabas. (I yamiu suete nirohoannu watti'a ipanansomakka si tou amungkangu i tou rumanta ringanni yamiu.)

EFESUS 5:3

Ete i yamiu udde al᷊aṛṛana'u Ruata. Ana waugu udde, manga inolaanna sussandaga wuṛṛu ipaaddirin Mawu, ara'e awawal᷊iu tawe ṛinone olaanna su wallatti yamiu. Arie ma'oman sara taumata waine pia sasimbakka ipabbisara manungku i yamiu ma'ola'a inolaanna ereudde lai.

ROMA 16:23

Gayus napaapiddu tabea lai si yamiu. I ya'u uatana'a su wal᷊ene wuṛṛu jamaatti yami lai mattaṛṛamawu isudde. Erastus, tembonannu mananahipunna roittu soa, napaapiddu tabeane lai si yamiu. Aroddi lai tuṛṛangngi ite Kwartus. [

ROMA 16:9

Wal᷊oa'a tabea'u si Urbanus, hawen kite apan mammanara su sampunna ringanni ite ana waugu Kristus. Wuṛṛu tabea'u lai si Stakhis apan arangnguangku.

ROMA 16:6

Tabea'u lai si Maria. I tou suete nammanara maṛṛimada ana waugu yamiu.

ROMA 15:7

Ana waugu udde ṛinone manga tuṛṛangnga uararingikka sangkatou ringannu waine ringannu naungnga mal᷊uassa, ere lai Kristus nanal᷊oho si yamiu ipaddalo Ruata.

WATTI'U MANGA RASUL 9:41

See i Petrus namita limane wuṛṛu nantul᷊ungngi tou dirumarisikka. Wua'udde i Petrus namaggo manga taumata apan mangngimanna isudde suadio'a ringannu manga wawine wal᷊u udde, see nanantilli Dorkas apan nabbiakke udde si mangitou.

WATTI'U MANGA RASUL 9:39

I Petrus lapiddu dirumarisikka wuṛṛu tinumantalongnga si mangitou. Na'oma poiaroddi, i tou niapidda su wabbo'a ṛengkenne rosone. Anambon bawine wal᷊u isudde naṛṛimpulunna si Petrus lapiddu lulluai wuṛṛu manta'e si tou manga laubba wuṛṛu manga jubah apan nitabbi'i Dorkas si mangitou su tempo i tou ta'e wiakka.

WATTI'U MANGA RASUL 9:36

Su Yope pia sangkatou wawine aranne i Tabita. I tou sangkatou apan mangngimanna Mawu Yesus. (Aranne sulal᷊ummu wisaran Yunani eteudde i Dorkas atappasanne rusa.) Inolaanni tou sidutu mapia wuṛṛu mantul᷊ungngu taumata asiangnga.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

WATTI'U MANGA RASUL 9:13

Ananias sinumimbakka, “Mawu, i ya'u suete naaringikka manambo taumata uahahatton taumata indi, lembonete su ola'u pandal᷊al᷊eo apan niolangnge su saruannu walahanna su Yerusalem.

WATTI'U MANGA RASUL 9:15

Arawe Mawu nabbisara si Ananias, “Roote! Ana waugu i Ya'u suete namile si tou mangimbe si Ya'u, tadea'u i tou mamasingkatta su ola'u riri-U su manga walahanna waine apan agamane wal᷊ine Yahudi wuṛṛu su manga ratu wuṛṛu lai su walahannu Israel.

ROMA 16:15

Tabea si Filologus wuṛṛu Yulia; si Nereus wuṛṛu tuṛṛangnge wawine; si Olimpas wuṛṛu anambon taumata mangngimanna suadio'a ringanni mangitou.