ROMA 15:33 - WUKE SUSI WATTI'U AL᷊AL᷊USASSA

³³ Antimanna Ruata, apan nangonggolu paddarame su taumata, uatana'a ringanni yamiu sarangkanambone. Amin.

ROMA 15:33 Referans Kwoze

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

FILIPI 4:9

Ola'e apa apan a'urumanna wuṛṛu asengkamani yamiu wuassi ya'u: mawae wuassu manga wisara ara'e lai wuassu manga inolaangku. Ruata punnu paddarame, sarun mangal᷊amatta si yamiu.

1 TESALONIKA 5:23

Antimanna Ruata sassane mangonggolu paddarame si ite, ma'ola'a si yamiu taumata apan atonna-tonna mabbiakka hunan Duata sassane. Doronganna Ruata mallu'adda ahewallu wadangngu, mawae ghaṛṛaho, ṛimuudda, wuṛṛu lai wadangngu, ma'oman sara tawe sangkule su tempo Mawun kite Yesus Kristus rumanta apia.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

2 TESALONIKA 3:16

Eteudde Mawu punnu paddaramen kite. Doronganna i Tou siddutu mangonggolu paddarame si yamiu su al᷊awo'u inolaanna. Doronganna Mawu makkundinganna tuṛṛanga sarangkanambone.

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

1 KORINTUS 14:33

Ruata eteudde Mawu apan maapulu uaatokka mapia; i Tou wal᷊ine Ruata apan maapulun patatiakka. Ere lai nariaddi sulal᷊ummu anambon jamaattu Ruata,

2 TIMOTIUS 4:22

Doronganna Mawu makkundinganna si'o. Doronganna Mawu mangal᷊amatta Manga tuṛṛangnga! Tabea wuassi yami, Paulus

ROMA 16:23

Gayus napaapiddu tabea lai si yamiu. I ya'u uatana'a su wal᷊ene wuṛṛu jamaatti yami lai mattaṛṛamawu isudde. Erastus, tembonannu mananahipunna roittu soa, napaapiddu tabeane lai si yamiu. Aroddi lai tuṛṛangngi ite Kwartus. [

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

RUT 2:4

Tawe nal᷊annu wua'udde i Boas nirumanta wuassu Betlehem wuṛṛu nattabea singana'a mangangitingnga. “Antimanna Mawu uaṛundinganna si yamiu,” wisarane. Mangangitingnga sinumimbakka, “Antimanna Mawu mangal᷊amatta si Papa.”

EFESUS 6:23

Sal᷊andeanna su Ruata Iamangnga, wuṛṛu Mawu Yesus Kristus mamalan anambon jamaatta uaaukka wuṛṛu uararangngu wuṛṛu sidutu mangngimanna si Kristus.