ROMA 15:2 - WUKE SUSI WATTI'U AL᷊AL᷊USASSA

² Arawe i ite sambau-sambau ṛinone malluassa naungngu tuṛṛangngi ite su apapiane, tadea'u pangngangimanne aatambanna atohanne.

ROMA 15:2 Referans Kwoze

1 KORINTUS 10:24

Arie pia sangkatou taumata maddea'a asasuungngu ririne sassane. Suapan taumata sarun maddea'a hausannu taumata waine.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

1 KORINTUS 10:33

Pabbiakke ere i ya'u. I ya'u maddea'a mapaal᷊uassu naungngu anambon taumata wuassu al᷊awo'u inolaanna, ringannu tawe pandumanne mapaal᷊uassu riri'u sassane. Tudda'u eteudde tumba'u tadea'u i mangitou sarangkanambone wotongnge masal᷊amatta.

1 KORINTUS 13:5

I tou taumata tawe mamarabunga, taumata tawe maṛṛagissa, i tou tawe mamata'u taumata waine tumuṛṛutta apulune sassane, tawe lai mal᷊ihakka umal᷊udda, wuṛṛu tawe mangune.

1 KORINTUS 10:23

Unnu taumata, “I ite wotongnge ma'ola'a al᷊awo'u apa ipaapulun kite.” Atonna! Arawe tawe anambon apa ipaapulun kite udde pia gunane. “I ite wotongnge ma'ola'a walate naungngi ite” – arawe tawe sarangkanambone ipaapulun kite udde maatamba pabbiaṛṛani ite.

1 KORINTUS 14:3

Mawal᷊i'a, taumata apan mammasingkatu watti'a wuassu Ruata, namasingkattu watti'a udde lai su taumata; ipannohassa pangangimanni mangitou, ipangonggolu sasasa si mangitou wuṛṛu ipallimbata naungngi mangitou.

1 KORINTUS 14:26

Nariaddi, manga tuṛṛangnga, apa atappasanne sarangkanambone udde? Amungkangngu yamiu maammula massubba Mawu piaddu mangngantari, piaddu mangngaṛṛa'a, piaddu lai mammasingkatu pandumannu Ruata, piaddu mabbisara sulal᷊ummu sasinaukka apan maaṛṛindu'a, wuṛṛu piaddu mannal᷊a'a apa apan iwabbisara udde. Arawe sarangkanambone udde ṛinone olaanna ipangaṛṛa'a wuṛṛu ipangngapia sarangkanambone.

2 KORINTUS 12:19

Wotongnge mariaddi yamiu massunna, al᷊annunete indi yami tantal᷊anna mangngambangnga watanganni yami su saruanni yamiu? I yamiu nial᷊iwune atonna! Ruata masingkata manungku al᷊awo'u wisaran kami udde tumuṛṛuttu apulun Kristus. Wuṛṛu al᷊awo'u inolaanni yami udde niola'a ipannohassa pangangimanni yamiu.

2 KORINTUS 13:9

I yami lulluassa amungkangngu i yami lome wuṛṛu i yamiu matohassa. I yami u'al᷊iomanna lai tadea'u i yamiu maola'a masuungnga.

EFESUS 4:12

Indi niolang-Nge tadea'u al᷊aṛṛana'u Ruata masuungnga wuṛṛu wotongnge mangimbe Mawu wuṛṛu mapararisikku wadangngi Kristus.

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.