ROMA 15:19 - WUKE SUSI WATTI'U AL᷊AL᷊USASSA

¹⁹ wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

ROMA 15:19 Referans Kwoze

2 KORINTUS 12:12

Manga al᷊aṛṛindu'a wuṛṛu manga inolaanna apan tumaniten wahewalla wuṛṛu manga manara apan wahewalla buatte niapaasilo ringannu sabare si yamiu, ipattiala manungku i ya'u sangkatou rasul.

IBRANI 2:4

Su liuddu udde, Ruata mannohassa tatiala manga taumata udde ringannu na'ola'a al᷊awo'u hatin al᷊aṛṛindu'a wuṛṛu manga inolaanna apan bahewalla see lai nattahia manga aonggolu Ghaṛṛahon Ruata tumuṛṛuttu apulu-Ne sassane.

GALATIA 3:5

Ruata nangonggolu Ghaṛṛaho-Ne si yamiu wuṛṛu na'ola'a manga al᷊aṛṛindu'a su wallatti yamiu. Apa Ruata na'ola'a udde ana waugu i yamiu mappaamattu titan agama ara'e ana waugu i yamiu maddaringikka Watti'u Al᷊al᷊uassa udde wuṛṛu mangngimanna si Kristus?

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

WATTI'U MANGA RASUL 20:6

Napawe Ramean Roti Tawe Ragine, nal᷊iudde, yami nassenggotte nanantangngu Filipi. Lima allo wua'udde yami na'ammulle apia ringanni mangitou su Troas. Poiaroddi yami natana'a sangkamisa.

WATTI'U MANGA RASUL 17:10

Ṛabbi udde lai manga taumata mangngimanna su soa udde lai nandolokki Paulus wuṛṛu i Silas inai watukku Berea. Napawe na'omate isudde, i Paulus wuṛṛu i Silas inaite su wal᷊em pattataṛṛamawuannu Yahudi.

WATTI'U MANGA RASUL 20:20

Tuṛṛangnga masingkatta manungku i ya'u tawe illol᷊one mammasingkatta si yamiu apa apan mahuna si yamiu. I ya'u mangngaṛṛa'a si yamiu su tampa pasasombannu awadaalla wuṛṛu su manga wal᷊e.

WATTI'U MANGA RASUL 19:1

Tantal᷊anna Apolos su Korintus, Paulus tantal᷊anna u'amatta su ul᷊un wanua udde, see na'omate su Efesus. Poiaroddi i tou nassomba manga pira taumata apan suete nangngimanna Mawu Yesus.

WATTI'U MANGA RASUL 18:19

Napawe na'omate su Efesus, i Paulus nanantangngi Priskila wuṛṛu Akwila, see sinumutta su wal᷊em pattataṛṛamawuanna wuṛṛu uaraṛṛingida su sambau ringannu manga taumatan Yahudi isudde.

WATTI'U MANGA RASUL 18:1

Wua'udde i Paulus nanantangken Atena wuṛṛu inaite watukku Korintus.

WATTI'U MANGA RASUL 17:15

Napawe suete nanguntuddi Paulus na'oman sara Atena, manga tuṛṛangnga udde nabelengnga su Berea ringannu uaapiddu tanata wuassi Paulus tadea'u i Silas wuṛṛu i Timotius manantuṛṛutta si tou ringannu mal᷊ihakka.

WATTI'U MANGA RASUL 16:18

Manga pira allo al᷊annune wawine udde sidutu u'al᷊iata aroddi. I Paulus niasueannu asasabarene, na'oman sara i tou nanaile see nabbisara ghaṛṛaho lal᷊eo udde, “Ringannu arannu Mawu Yesus Kristus, i ya'u mamarenta si'o sabbangnga wuassu wawine udde.” Orassa udde lai ghaṛṛaho udde nanantangngu wawine udde.

WATTI'U MANGA RASUL 15:12

Ne nallannabe manga taumata apan uaammulla isudde. Wua'udde i mangitou nadaringikka si Barnabas wuṛṛu si Paulus nabbatti'a apia su ola'u anambon al᷊aṛṛindu'a wuṛṛu manga inolaanna apan bahewalla apan suete niola'u Ruata sulal᷊ummi mangitou su wallattu manga taumatan walahanna waine apan wal᷊ine Yahudi.

WATTI'U MANGA RASUL 14:25

Wuṛṛu napawe i mangitou suete namasingkattu watti'u Ruata su Perga, i mangitou inaite watukku Atalia.

WATTI'U MANGA RASUL 14:20

arawe napawe manga taumata apan mangngimanna isudde uarisikka uapal᷊iwutta si tou, i tou dirumarisikka wuṛṛu nabelengnga apia watukku soa. Tiṛṛabbine i tou inaite watukku Derbe su sampunna ringanni Barnabas.

WATTI'U MANGA RASUL 14:10

wuṛṛu ringannu tingikka ma'ikkatta Paulus nabbisara, “Darisikka paatul᷊idda!” Taumata udde sinumolo'a dirumarisikka see inumamatta.

WATTI'U MANGA RASUL 14:6

Arawe manga rasul udde naasingkattu olangnge udde, see nangingkatte watukku Listra wuṛṛu Derbe, eteudde manga soa su Likaonia, wuṛṛu watukku leta'a maranine.

WATTI'U MANGA RASUL 13:51

Ne manga rasul udde nangesogen awu ledda mangitou su saruannu manga taumata udde, maola'a sambau pananaunganna, see itarua inaite watukku Ikonium.

WATTI'U MANGA RASUL 13:14

Wuassu Perga i mangitou nanassukku amatanne watukku Antiokhia su Pisidia, wua'udde su allon Sabatta i mangitou inaite inuma'ianna sulal᷊ummu wal᷊em pattataṛṛamawuanna.

WATTI'U MANGA RASUL 1:8

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”

YOHANES 4:48

Mawu Yesus nabbisara su mammamanaran tembonanne udde, “Amungkangngu i yamiu tawe maasilo manga al᷊aṛṛindu'a, i yamiu tawe mangngimanna.”

MATIUS 12:28

Arawe i Ya'u mallimbuakka ghaṛṛaho lal᷊eo ringannu taṛṛinon Ruata. Wuṛṛu udde atappasanne manungku Ruata mannattakke mamarenta su pattangnganni yamiu.

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

KOLOSE 1:25

Ruata nandolo'u maola'a mangangimbe jamaan-Ne hunan kamiu. I ya'u ṛinone mapaasingkatu watti'a wuassu Ruata, sarangkanambone;

ROMA 15:24

Paṛṛangatte amungkangngu i ya'u sumabbi soa atatanaannu sulal᷊ummu amatangku watukku Spanyol, i ya'u mangantimma wotongnge maissomban kamiu wuṛṛu lumuassa tal᷊an kadio'a ringanni yamiu. Wua'udde i ya'u mangantimma yamiu wotongnge mallal᷊ima si ya'u su amatangku watukku Spanyol udde.

ROMA 15:13

Ete Ruata apan pangngantimanni yamiu. Sal᷊andeanna i Tou malloṛṛo naungngu ringannu al᷊al᷊uassa wuṛṛu paddarame ana waugu i yamiu mangngimanna, tadea'u ringannu taṛṛinon Ghaṛṛahon Duata i yamiu lembo mangngantimma Ruata.

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

1 KORINTUS 2:4

Watti'a apan ta'u niapaasingkata si yamiu tawe ta'u niwatti'a ringannu al᷊awo'u wisara apan ipammono'a tumuṛṛutta apanden taumata. I ya'u mabbatti'a udde ringannu lal᷊anna apan mappatiala manungku Ghaṛṛahon Duata uataṛṛino.

1 TESALONIKA 1:5

Ana waugu i yami namasingkatu Watti'u Al᷊al᷊uassa si yamiu wal᷊ine tumba'u ringannu wisara, arawe lai ringannu taṛṛino wuṛṛu Ghaṛṛahon Duata. Wuṛṛu i yami mangngimanna atonna atatul᷊iddu Watti'u Al᷊al᷊uassa udde. I yamiu masingkata ereapa i yami mabbiakka ana waugu i yamiu su tempo i yami uatana'a su pattanganni yamiu.