ROMA 15:15 - WUKE SUSI WATTI'U AL᷊AL᷊USASSA

¹⁵ Arawe su ola'u manga inolaanna apan suete nitantunna, i ya'u mapaanaungnga si yamiu ringannu atonna sulal᷊ummu suratta indi, ana waugu Ruata buatte nangonggolu manara udde si ya'u.

ROMA 15:15 Referans Kwoze

ROMA 12:3

Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

ROMA 12:6

I ite sambau-sambau pia asingkattu manara apan uapapaṛṛala. Manga al᷊amatta udde nionggolu Ruata si ite tumuṛṛuttu darangngu-Ne. Ana waugu udde i ite sarun mappaattu asingkatta udde. Taumata apan pia asingkatta mamasingkatu Watti'a wuassu Ruata rinone mabbatti'u watti'a wuassu Ruata udde, tumuṛṛuttu atatohassi tou sassane.

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.

1 YOHANES 5:13

I ya'u namoṛṛetu suratta indi si yamiu apan mangngimanna Ana'u Ruata, tadea'u i yamiu masingkata manungku i yamiu piate biakka tutune wuṛṛu saran mal᷊annu-l᷊annu.

2 PETRUS 3:15

Pendamete manungku asasabbare Mawun kite maola'a sambau tempo apan nionggoli Tou si yamiu tadea'u wotongnge masal᷊amatta. Paulus, tuṛṛangi ite apan arangnguanna, suete namoṛṛeta aroddi lai si yamiu. I Tou namoṛṛetu udde ringannu apande apan nionggolu Ruata si tou.

1 PETRUS 5:12

Sura'u apan maautta indi ta'u niwoṛṛeta si yamiu ringannu sasumbalan Silas, apan aantimangku sangkatou tuṛṛangnga Saṛṛani apan matuṛṛuta. I ya'u maapulu mangonggolu sasasa si yamiu, wuṛṛu manohassa pangangimanni yamiu manungku apa apan ta'u niwoṛṛeta indi watti'a atonna su ola'u darangngun Duata. Ṛinone i yamiu mangke uaantimma su darangngu udde.

IBRANI 13:22

I ya'u sumal᷊ande tadea'u i yamiu tumuṛṛutta manga tatantiro'u indi ringannu masabare, ana waugu sura'u indi tawe tumaniten mal᷊o'e.

TITUS 3:1

Paanaunga'a su manga lal᷊oṛṛon jamaatta tadea'u i mangitou matuṛṛuta manga piaṛṛange wuṛṛu tembonannu araratuanna, see matuṛṛuta wuṛṛu maapulu ma'ola'a manga inolaanna apan mapia.

2 TIMOTIUS 2:14

Ṛinone i'o mapaanaungnga su manga taumata su ola'u sarangkanambone indi. Su saruannu Ruata, tantiroi i mangitou, tadea'u tawe mattatiakka su ola'u manga wisara wakku. Udde tawe gunane, ewe'e tumba'u mangngal᷊iwu manga taumata apan maddaringikka.

2 TIMOTIUS 1:6

Ana waugu udde i ya'u mapaanaunga si'o mapaawiakku al᷊amatta apan nionggolu Ruata si'o su tempo i ya'u nangaddon lima'u si'o.

1 TIMOTIUS 4:6

Amungkangu i'o mangaṛṛa'u sarangkanambone udde su manga tuṛṛanga su pangangimanna sambau, i'o sarun maola'a mamamanaran Kristus Yesus apan mammanara ringannu mapia. Wuṛṛu i'o sidutu mappadul᷊i niawanu ringannu wisaran Duata apan pangngimananni ite, wuṛṛu ringannu manga al᷊aṛṛa'a apan atonna apan suete nipangimanannu al᷊annunete indi.

GALATIA 2:9

Yakobus, Petrus wuṛṛu Yohanes, apan aellehanna naola'a manga piaṛṛa'u jamaatta, mangnga'u manungku Ruata buatte nangonggolu manara indi si ya'u. Ne i mangitou naa'agassa lima ringanni Barnabas wuṛṛu i ya'u, maola'a sambau tatialan pagahahawe. See i mangitou wuṛṛu i yami sambaidda manungku i yami sarun mammanara su wallatu manga walahanna wal᷊ine Yahudi, wuṛṛu i mangitou su wallatu taumatan Yahudi.

1 KORINTUS 3:10

Ringannu apapande apan nionggolu Ruata, i ya'u ere sangkatou taṛṛa ola'a wal᷊e buatte nangaddon rapappaku wal᷊e udde, wuṛṛu taumata waine mapararisikku wal᷊e so wowon rapappake udde. Suapan taumata ṛinone manutukka mapia-pia ereapa i tou mapararisikka su rapappake udde.