ROMA 15:14 - WUKE SUSI WATTI'U AL᷊AL᷊USASSA

¹⁴ Manga tuṛṛangku! I ya'u mangngimanna manungku manambo atonna apapia si yamiu. I yamiu lai masingkatu sarangkanambone wuṛṛu wotongnge lai mangaṛṛa'a sandingananna.

ROMA 15:14 Referans Kwoze

2 PETRUS 1:12

Ana waugu udde, i ya'u siddutu mapaanaungnga si yamiu su olangnge udde, salaiwe i yamiu masingkatte wuṛṛu mangke mangngimanna al᷊aṛṛa'u Ruata apan suete nisengkammi yamiu udde.

1 YOHANES 2:21

Nariaddi ya'u namoṛṛetu suratta indi si yamiu wal᷊inewe ana waugu i yamiu waggan al᷊aṛṛa'a apan naṛṛino, arawe ana waugu i yamiu naaillal᷊ate wuṛṛu i yamiu lai masingkate manungku tawe awusune sulal᷊ummu al᷊aṛṛa'a apan naṛṛino udde.

1 KORINTUS 8:1

Orassa indi su ola'u anna apan nionggola maola'a sasamba su paal᷊uanna. Atonna ere unnu wisaran taumata, “I ite sarangkanambone pandete.” Arawe apapande ma'ola'a taumata mabbal᷊i mawunga, arawe paa'akkana mangngapia taumata.

1 TESALONIKA 5:11

Ana waugu udde ṛinone i yamiu sidutu uasasasa wuṛṛu uatatohassa ere lai a'olaanni yamiu orassa indi.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

1 KORINTUS 8:10

Pandumangku arendi: Unnu wisara i'o, pia pangangimanna apan matohassa, tantal᷊anna u'anna su tampam paal᷊uanna. Wua'udde pia sangkatou naasilo si'o ua'ianna u'anna isudde. Amungkangngu pangangimannu taumata udde lome, wal᷊ine udde maawaṛṛani taumata udde umanna anna apan buatte pinasubba paal᷊uanna udde?

1 KORINTUS 8:7

Salaiwe aroddi, tawe anambon taumata masingkatu olangnge udde. Piaddu taumata paarorone wiasane massubba paal᷊uanna. Nariaddi, ana waugu udde na'oman sara orassa indi lai i mangitou ta'e uapendama manungku anna, apan buatte pinasubba paal᷊uanna, eteudde annu paal᷊uanna. Ne amungkangngu i mangitou umanna anna udde, i mangitou uapendama udde rosa; ana waugu pangangimanni mangitou ta'e lome.

1 KORINTUS 1:5

Ana waugu i yamiu tatahuananten Kristus, ne pabbiaṛṛanu naalate su al᷊awo'u inolaanna. Asingkannu su ola'u al᷊awo'u inolaanna udde tumanite malal᷊umma, wuṛṛu i yamiu masingkata mangaṛṛa'u apapandenu udde.

FILEMON 1:21

I ya'u namoṛṛetu suratta indi ringannu mangngimanna manungku i'o sarun tumuṛṛutta darorongku. Ewe'e i ya'u lai masingkatta i'o sarun ma'ola'a nangillembo wua isudde.

1 TESALONIKA 5:14

I yami maddoronga lai, manga tuṛṛangnga, taggue ringannu paddarame taumata apan maddiri mammanara; tohassa naungngu taumata apan matta'utta; tul᷊unga'a taumata apan wotongnge iatul᷊unga, wuṛṛu paasabare su saruannu awadaalla.

EFESUS 5:9

Ana waugu wuassu asasemakka udde lumapputa al᷊awo'u inolaanna apan mapia, matul᷊idda, wuṛṛu waresi su aellegu Ruata.

IBRANI 6:9

Arawe manga tuṛṛangnga apan arangnguanna, salaiwe i yami mabbisara aroddi, arawe i yami mangngimanna su ola'i yamiu. I yami mangngimanna manungku i yamiu suete nanengkamma manga inolaanna apan lembon mapia, eteudde manga al᷊amatta apan maola'a sambau wageangnga wuassu asasal᷊amannu.

IBRANI 5:12

Su ṛinone nia'omante tempone si yamiu maola'a huru, arawe wutte'e yamiu ta'e wotonge pangurumma lai su taumata waine su ola'u al᷊aṛṛa'a paarorone wuassu al᷊aṛṛa'u Ruata. I yamiu taambe maasengkamma anna apan maattika; i yamiu tumba'u wotongnge ma'inumma susu.

2 TIMOTIUS 1:5

I ya'u maanaungnga pangangimannu apan atonna-tonna si Kristus, ere lai pangangimanni iupungngu Lois wuṛṛu inangngu Eunike. Wuṛṛu i ya'u mangantimma i'o lai pia pangangimanna ereudde.

FILIPI 1:11

Wiakku sarun lumambalanna ringannu pallal᷊agu apan atonna-tonna mapia apan darantane tumba'u wuassi Yesus Kristus sassane; ne Ruata sarun wantuhanna wuṛṛu raloanna.

FILIPI 1:7

Atonna su tampane i ya'u pia apendamma ereudde su saruanni yamiu, ana waugu i yamiu sarangkanambone sidutu marani su naungku. Ana waugu i yamiu lai suadio'a ringangku, nanengkamma al᷊amatta apan nionggolu Ruata si ya'u: mapia orassa indi tantal᷊anna i ya'u sulal᷊ummu tuttupanna ara'e lai su tempo i ya'u su liudde ana waugu mangngesakku Watti'u Al᷊al᷊uassa udde.

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

1 KORINTUS 12:8

Su sangkatou taumata, Ghaṛṛaho udde mangngonggolu apande ipabbisara ringannu saṛṛaungnga. Su taumata waine Ghaṛṛaho apan uasul᷊ungnga udde mangngonggolu apande ipanal᷊a'a su ola'u Ruata.

2 KORINTUS 8:7

Yamiu apianne wuassu al᷊awo'u taumata; i yamiu apianne su ola'u pangangimanna, su ola'u mapaasabangngu ṛingidda, su ola'u asingkata, sulal᷊ummu al᷊awo'u hati manara, wuṛṛu sulal᷊ummu darangngu si yami. Ana waugu udde, mappianne i yamiu lai apianne sulal᷊ummu manara apan mapia indi.

2 TESALONIKA 1:11

Ana waugu udde i yami sidutu u'al᷊iomanni yamiu. I yami u'al᷊iomanna tadea'u Ruata ma'ola'a si yamiu wotongnge mabbiakka tumuṛṛutta apulu-Ne; ana waugu udde i Tou namaggo si yamiu. Doronganna Ruata, ringannu taṛṛino-Ne, manuungngu apulu-Ne ma'ola'a apapia, wuṛṛu manuungngu anambon manara apan a'olaanni yamiu ana waugu mangngimanna si Kristus.