ROMA 15:1 - WUKE SUSI WATTI'U AL᷊AL᷊USASSA

¹ I ite apan atonna-tonna pia antimma su pangangimanni ite, ṛinone masabare su al᷊awo'u wisaran taumata apan lome pangangimanne. Ariewe i ite tumba'u maapulu malluassa watanganni ite sassane.

ROMA 15:1 Referans Kwoze

1 TESALONIKA 5:14

I yami maddoronga lai, manga tuṛṛangnga, taggue ringannu paddarame taumata apan maddiri mammanara; tohassa naungngu taumata apan matta'utta; tul᷊unga'a taumata apan wotongnge iatul᷊unga, wuṛṛu paasabare su saruannu awadaalla.

ROMA 14:1

Taumata apan pangangimanne ta'e mattul᷊ungnga ṛinone sengkamanna ringannu mapia su wallattu manga tuṛṛangnga. Arie pattatiakka ringanni tou su ola'u pangangimanne.

1 KORINTUS 9:22

Su pattangngannu manga taumata apan pangangimanne lome, i ya'u lai mattiangkaola'a ere sangkatou apan pangangimanne lome tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Aunne, i ya'u ma'ola'a sarangkanambone hunane su anambon taumata tadea'u ringannu lal᷊anne salaiwe ereapa lai ya'u wotongnge manal᷊amatta sangkawageanganna wuassi mangitou.

1 YOHANES 2:14

I ya'u namoṛṛetu suratta indi si yamiu manga dario'a, ana waugu i yamiu maaillal᷊a Ruata Iamangnga. I ya'u namoṛṛettu suratta indi si yamiu, manga iamangnga, ana waugu i yamiu maaillal᷊a Ṛengetanna apan uddete ro'en al᷊amonane. I ya'u namoṛṛettu suratta indi si yamiu manga umbasanna maṛṛuala, ana waugu i yamiu matohassa. Wisaran Duata uatana'a sulal᷊ummu naungngu, wuṛṛu i yamiu suete nangema'i Al᷊al᷊eo.

2 TIMOTIUS 2:1

Timotius, ana'u! Ṛinone i'o mabbal᷊i matohassa ana waugu al᷊amatta apan nionggolla si ite, ana waugu i ite uaaukka ringanni Kristus Yesus.

ROMA 4:20

I tou sidutu mangngimanna wuṛṛu tawe mappapadua su paairen Duata. Ewe'e naatohassa lai pangangimanni tou, na'oman sara sidutu i tou mangke maddalo Ruata.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

2 KORINTUS 12:10

Nariaddi ya'u lulluassa ringannu al᷊allome'u. I ya'u lai lulluassa amungkangngu ana waugu Kristus i ya'u nial᷊uandahanna, i ya'u naasomba asasusa, a'enggenanna, wuṛṛu i ya'u naapendama sahadda. Ana waugu amungkangngu i ya'u lome, su tempo udde i ya'u naola'a matohassa.

1 KORINTUS 4:10

Ana waugu Kristus, ete i yami indi taumata woddo, wuṛṛu i yamiu taumatan Saṛṛani apan pande! I yami lome, i yamiu matohassa, i yami aal᷊uandahanna, wuṛṛu i yamiu raddaloanna!

ROMA 14:2

Pia taumata mangngimanna manungku i tou wotongnge umanna al᷊awo'u anna. Arawe pia lai taumata waine apan lome pangangimanne; i tou mammendama manungku i tou tumba'u wotongnge mabbiakku sayore.

FILIPI 2:4

Paaellehe aurangannu taumata waine; arie tumba'u aurangannu watangannu sassane.