ROMA 14:22 - WUKE SUSI WATTI'U AL᷊AL᷊USASSA

²² Wala'e apa apan pangimanannu udde, olaanna su saruannu Ruata hunanu sassane. Taumata apan tawe pinangiananne ipamendama pasasal᷊a, su apa apan sassunnane naṛṛino taumata udde su lal᷊umanna'a.

ROMA 14:22 Referans Kwoze

1 YOHANES 3:21

Nariaddi, manga tuṛṛangku apan arangnguanna, amungkangu naungngi ite tawe mapaasal᷊an kite, i ite wotongnge sumaruanna Ruata ringannu awawaṛṛani.

ROMA 14:5

Pia taumata mammendama sambau allo apan apianne wuassu manga allo waine, arawe pia lai taumata waine mammendama manungku manga allo udde uasul᷊ungnga. Wala'e sambau-sambau manantunu apulu naungnge sassane.

YAKOBUS 3:13

Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.

GALATIA 6:1

Manga tuṛṛangnga! Amungkangngu sangkatou niaratinganna ma'ola'a rosa, ṛinone i yamiu mabbiakka tuttuṛṛuta Ghaṛṛahon Duata, mangehetta taumata udde mabbelengnga su lal᷊anna apan naṛṛino. Arawe i yamiu ṛinone ma'ola'a udde ringannu masaṛṛionto'a wuṛṛu paariagai arie ma'oman sara i yamiu sassane lai awono'anna.

ROMA 14:23

Arawe taumata apan uapapaddua umanna, wua'udde umanna anna udde, taumata udde iapaasal᷊an Duata; ana waugu taumata udde tawe tinumuṛṛutta apulun naungnge su ola'u apa apan naṛṛino wuṛṛu apan nassal᷊a. Wuṛṛu manga al᷊awo'u inolaanna apan niola'a tawe ringannu pangangimanna eteudde rosa.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

ROMA 14:14

Ana waugu i ya'u uaaukke ringannu Mawu Yesus, ne i ya'u mangke mangngimanna manungku tawe saran sambau anna apan maarosa; arawe olangnge udde maarosa sangkatou taumata, amungkangngu taumata udde massunna manungku udde maarosa.

ROMA 14:2

Pia taumata mangngimanna manungku i tou wotongnge umanna al᷊awo'u anna. Arawe pia lai taumata waine apan lome pangangimanne; i tou mammendama manungku i tou tumba'u wotongnge mabbiakku sayore.

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

ROMA 7:24

Ne, aroddite ola'u riri'u: i ya'u tuttuṛṛutta tita Duata ringannu ṛingiṛṛangku, arawe ringannu pallal᷊agu'u ere sangkatou taumata, i ya'u uasuṛṛubawa su rosa. Tumanite nal᷊ongonna i ya'u indi! Isai maapulu manal᷊amatta si ya'u wuassu wadangnga indi apan mangngapi'u su papate? Adiangkamanna su Ruata! I Tou maapulu manal᷊amatta si ya'u sulal᷊ummu Mawu Yesus Kristus.

ROMA 7:15

Ana waugu i ya'u sassane tawe maasunna pallal᷊agu'u. Manga inolaanna apan ipaapulu'u, tawe ta'u olaanna, arawe manga inolaanna ipaadiri'u, udde a'olaangku.

ROMA 2:1

Ana waugu udde, manga tuṛṛangnga, isai i'o tuṛṛangnga, na'oman sara i'o tuṛṛangnga maapulu mapaasal᷊an taumata waine? Tuṛṛangnga tawe ahidda ipallindumma ririnu. Ana waugu amungkangngu i'o mapaasal᷊an taumata waine, sumbal᷊i tuṛṛangnga sassane ma'ola'a ere inolaanni mangitou, ne tuṛṛangnga naṛṛuumannu watangannu sassane lai.

1 KORINTUS 8:7

Salaiwe aroddi, tawe anambon taumata masingkatu olangnge udde. Piaddu taumata paarorone wiasane massubba paal᷊uanna. Nariaddi, ana waugu udde na'oman sara orassa indi lai i mangitou ta'e uapendama manungku anna, apan buatte pinasubba paal᷊uanna, eteudde annu paal᷊uanna. Ne amungkangngu i mangitou umanna anna udde, i mangitou uapendama udde rosa; ana waugu pangangimanni mangitou ta'e lome.