ROMA 14:21 - WUKE SUSI WATTI'U AL᷊AL᷊USASSA

²¹ Mappianne ariete pa'inassa ṛemessa ara'e ma'inumma anggore ara'e ma'ola'a manga inolaanna, amungkangngu inolaanna udde maarosa tuṛṛangngu apan su pangangimanna sambau.

ROMA 14:21 Referans Kwoze

1 KORINTUS 8:13

Ana waugu udde, amungkangngu anna maaola'a si'o marosa, ne ya'u tate uminassa ṛemessa lai. Ana waugu aṛṛengenne tuṛṛangku marosa ana waugu i ya'u.

ROMA 14:13

Ana waugu udde arie i ite mapaasal᷊an sangkatou ringannu sangkatou. Arawe padea'e tadea'u i yamiu tawe ma'ola'a inolaanna apan ma'aola'a tuṛṛangngu su pangangimanna sambau awono'anna wuṛṛu marosa.

MATIUS 16:23

Mawu Yesus nanaile see nabbisara si Petrus, “Roote passal᷊iu wua isindi, Mamamono'a! I'o mannal᷊are si Ya'u. Ṛingiddu udde ṛingiṛṛannu taumata; wal᷊ine ṛingiṛṛannu Ruata!”

MALEAKHI 2:8

Arawe orassa indi, i yamiu, manga imam, buatte nanewadda wuassu lal᷊anna apan naṛṛino. Manga al᷊aṛṛangngu buatte namol᷊engnga manambo taumata ma'ola'a pasasal᷊a. I yamiu buatte nanggohakka paaire apan Ta'u niola'a ringanni yamiu.

SONDAPPA 2:14

Salaiwe aroddi pia manga pira inolaani yamiu apan tawe maal᷊uassa si Ya'u: Pia sangkadoanna taumata su wallatti yamiu apan mangngimanna al᷊aṛṛa'i Bileam. I Bileam nangaṛṛa'a si Balak ereapa mangema'u taumatan Israel su rosa; ringannu nassal᷊o'i mangitou umanna anna apan suete nionggolla su paal᷊uanna wuṛṛu ma'inolaanna sussandaga.

IBRANI 12:13

A'amatte sidutu su lal᷊anna apan mal᷊aukka, tadea'u leddanu u'ento udde tawe maggal᷊isa, ewe'e sarun mapia.

FILIPI 1:10

Ringannu aroddi yamiu masingkatta mamile apa apan apianne, wuṛṛu wiakku na'ukkassa wuassu angngo ara'e al᷊awo'u aansilla su allo Kristus rumanta apia.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

MATIUS 13:21

Arawe watti'a udde tawe naṛṛamutta sulal᷊ummu naungngi mangitou, na'oman sara tawe tinumuwo mal᷊annu. Aroddi i mangitou naasomba asasusa ara'e asasansara ana waugu watti'a udde, i mangitou lapiddu nassinaadda.

1 KORINTUS 8:9

Arawe paatehamma, arie ma'oman sara mariaddi manungku taumata waine maola'a marosa – ana waugu pangangimanne ta'e lome – ana waugu i'o walate apulu ma'inolaanna sarangkanambone.