ROMA 14:14 - WUKE SUSI WATTI'U AL᷊AL᷊USASSA

¹⁴ Ana waugu i ya'u uaaukke ringannu Mawu Yesus, ne i ya'u mangke mangngimanna manungku tawe saran sambau anna apan maarosa; arawe olangnge udde maarosa sangkatou taumata, amungkangngu taumata udde massunna manungku udde maarosa.

ROMA 14:14 Referans Kwoze

TITUS 1:15

Sarangkanambone udde susi su manga taumata apan susi. Arawe su manga taumata apan ṛingiranne lal᷊eo wuṛṛu tawe pangangimanne, tawe sambau sarannapa apan susi, ana waugu ṛingiranne wuṛṛu lal᷊ummu naungngi mangitou nalal᷊eote!

ROMA 14:2

Pia taumata mangngimanna manungku i tou wotongnge umanna al᷊awo'u anna. Arawe pia lai taumata waine apan lome pangangimanne; i tou mammendama manungku i tou tumba'u wotongnge mabbiakku sayore.

1 KORINTUS 8:7

Salaiwe aroddi, tawe anambon taumata masingkatu olangnge udde. Piaddu taumata paarorone wiasane massubba paal᷊uanna. Nariaddi, ana waugu udde na'oman sara orassa indi lai i mangitou ta'e uapendama manungku anna, apan buatte pinasubba paal᷊uanna, eteudde annu paal᷊uanna. Ne amungkangngu i mangitou umanna anna udde, i mangitou uapendama udde rosa; ana waugu pangangimanni mangitou ta'e lome.

1 TIMOTIUS 4:4

Al᷊awo'u sarannapa apan niola'u Ruata udde mapia, wuṛṛu tawe saran sambau lai apan sarun ipappalli amungkangu suete nisengkamma ringannu aadiangkamanna su Ruata.

1 KORINTUS 8:10

Pandumangku arendi: Unnu wisara i'o, pia pangangimanna apan matohassa, tantal᷊anna u'anna su tampam paal᷊uanna. Wua'udde pia sangkatou naasilo si'o ua'ianna u'anna isudde. Amungkangngu pangangimannu taumata udde lome, wal᷊ine udde maawaṛṛani taumata udde umanna anna apan buatte pinasubba paal᷊uanna udde?

WATTI'U MANGA RASUL 10:28

See i tou nabbisara si mangitou, “Manga tuṛṛangnga sassane masingkatta manungku taumatan Yahudi isassingadu agamane mattembo ara'e ma'ammulu manga taumata wuassu walahanna waine. Arawe Ruata suete namasingkatta si ya'u manungku i ya'u tawe wotongnge massunna taumata waine lal᷊eo wuṛṛu ipapalli.

1 KORINTUS 10:25

I yamiu wotongnge umanna al᷊awo'u apa apan iwabal᷊u'a su pasakku ṛemessa. Ariete panutukka asuene, salaiwe pia manga apendamma maddiri sulal᷊ummu naungngu.

ROMA 14:23

Arawe taumata apan uapapaddua umanna, wua'udde umanna anna udde, taumata udde iapaasal᷊an Duata; ana waugu taumata udde tawe tinumuṛṛutta apulun naungnge su ola'u apa apan naṛṛino wuṛṛu apan nassal᷊a. Wuṛṛu manga al᷊awo'u inolaanna apan niola'a tawe ringannu pangangimanna eteudde rosa.

ROMA 14:20

Ariewe, ana waugu hatton anna, i'o manggohakku apa apan buatte nimmanara Duata. Al᷊awo'u anna udde wotongnge iwo'o; arawe amungkangngu anna iwabboonu udde maarosa taumata waine, i'o nassal᷊ate.

MARKUS 7:2

I mangitou naasilo sire pira mallal᷊aṛṛenggennu Mawu Yesus u'anna ringannu lima tawe niukkassa tumuṛṛuttu atorannu agama, eteudde tawe nangukkassa lima rorone tumuṛṛuttu atorannu agama.