ROMA 13:7 - WUKE SUSI WATTI'U AL᷊AL᷊USASSA

⁷ Nariaddi waeṛṛete su tembonanne apa apan ṛinone tuṛṛangnga mamaekka si tou. Waeṛṛete wose, amungkangngu tuṛṛangnga ṛinone mamaekka wose, wuṛṛu waeṛṛete beane amungkangngu tuṛṛangnga ṛinone mamaekka bea. Imbei i mangitou apan ṛinone imbeanna wuṛṛu aaddatewe i mangitou apan ṛinone addatanna.

ROMA 13:7 Referans Kwoze

LUKAS 20:25

“Amungkangngu aroddi,” unnu Mawu Yesus si mangitou, “onggol᷊a'e si Kaisar, apa apan tatahuananni Kaisar wuṛṛu su Ruata, apa apan tatahuannnu Ruata.”

MATIUS 17:25

I Petrus sinumimbakka, “Mammaekka!” Napawe i Petrus napul᷊ete, Mawu Yesus namo'a rorone, “Simon, ereapa su ṛingiṛṛannu? Isai ṛinone mamaekka wose su mararatun dunia indi? Tumanangnge ara'e taumata raho?”

AMSAL 24:21

Ana'u, ata'uten Mawu, wuṛṛu pangaddate ratu. Arie pallaṛṛenggennu taumata lal᷊eo apan lullawangnga si mangitou.

1 TIMOTIUS 5:17

Piaṛṛa'u jamaatta apan ma'ola'a manarane ringannu mapia, ṛinone onggol᷊annu aaddata paarua anambone, nangillembo wuassi mangitou apan maṛṛimadda mannase wuṛṛu mangaṛṛa'a.

MATIUS 22:21

“Kaisar,” sasimbakki mangitou. Ne Mawu Yesus nabbisara si mangitou, “Amungkangngu aroddi, onggol᷊a'e si Kaisar apa apan tatahuananni Kaisar wuṛṛu onggol᷊a'e su Ruata apa apan tatahuannu Ruata.”

EFESUS 6:5

Manga tuṛṛangnga apan naola'a allangnga! Paatuṛṛuta parenta mawunu su runia indi. Olaawe udde ringannu apendamma maaddata wuṛṛu matuṛṛuta ringannu atonna-tonna naal᷊ihida ere a'olaanni yamiu si Kristus sassane.

1 PETRUS 3:7

Wuṛṛu i yamiu lai, manga awingnga esakka, ṛinone mabbiakka ringannu napenen pasasunna su saruannu awingngu, wuṛṛu ringannu asingkata manungku ete i mangitou udde walahanna apan lome. Olaawe i mangitou ringannu addata, ana waugu i mangitou su sambau ringanni yamiu, sarun manengkamma al᷊amattu pabbiaṛṛana apan tutune wuassu Ruata. Olaawe indi, tadea'u taweddu maasal᷊awa'a aal᷊iomannu.

1 TIMOTIUS 6:1

Manga taumatan Saṛṛani apan naola'a allangnga, ṛinone massunna manungku mawu mangitou ṛinone addatanna, tadea'u taumata tawe wotongnge mandal᷊eo arannu Ruata ara'e al᷊aṛṛa'i ite.

EFESUS 5:33

Arawe tatialane udde pia sasampange lai ringanni yamiu; Ṛinone suapan esakka mandangngu awingnge wawine ere lai i tou mandangngu wadangnge sassane wuṛṛu ṛinone suapan wawine mangaddatta awingnge esakka.

LUKAS 23:2

Isudde i mangitou mapaasal᷊an Tou. I mangitou mabbisara, “I yami naaratingnga taumata indi mangngal᷊iwun lal᷊oṛṛon soa. I Tou mandolokku taumata tadea'u tawe mamaekka wose su Kaisar, ana waugu i Tou mabal᷊o manungku ete i Tou i Kristus, sangkatou ratu.”

MARKUS 12:17

“Ne, amungkangngu aroddi,” wisara Mawu Yesus, “onggol᷊a'a si Kaisar apa apan tatahuanannu Kaisar, wuṛṛu onggol᷊a'a su Ruata apa apan tatahuanannu Ruata.” I mangitou naherangnga naaringikka si Tou.

1 SAMUEL 12:18

Ana see i Samuel inumal᷊iomante, ne su allo udde lai Mawu nanossokku rallu'a wuṛṛu uranna. Anambon walahanna udde nata'uttu Mawu wuṛṛu i Samuel.

IMAMATTA 19:32

Arega'a wuṛṛu aaddate manga timmade. Rinone i yamiu maaddata wuṛṛu matta'u-U, ana waugu ete i Ya'u Mawu.

IMAMATTA 19:3

Suapan taumata ṛinone mangaddata iamangnge wuṛṛu inangnge wuṛṛu maddamean alloun Sabat ere buatte Ta'u nirolokka. Ete i Ya'u Ruatanu.

SASABANGNGA 20:12

Pangaddata iamangngu wuṛṛu inangngu, tadea'u i yamiu mabbiaka su lal᷊umanna'a wuṛṛu mabbiakka malannu su wanua apan sarun Ta'u ionggolla si yamiu.

1 TIMOTIUS 5:13

See lai i mangitou mangke manggolo'a allo uawal᷊el᷊enganna sussutta su wal᷊en taumata. Wuṛṛu aral᷊eoanne lai eteudde i mangitou mandal᷊eo arannu taumata waine wuṛṛu sussutta su hatton taumata waine see uahahatton manga inolaanna apan tawe ṛinone ipagahatto.

AMSAL 3:27

Amungkangngu i'o pia lebbene ipa'ola'a apapia su taumata apan mappandumma apapianu, ariewe i'o manola'a ma'ola'a olangnge udde.

LUKAS 20:22

Ana waugu udde Iamangnga pabal᷊ote si yami, tumuṛṛuttu Titan agamang kite, wotongnge mamaekka wose si Kaisar ara'e tawe wotongnge?”

ROMA 12:10

Ṛinone manga tuṛṛangnga uararangngu sangkatou ringannu waine wuṛṛu uaa'akkanna ere manga taumata apan uasangkatuṛṛangnga sulal᷊ummu amonanna sambau, wuṛṛu ṛinone i yamiu ual᷊al᷊iu ṛoro mangonggolu addatta.

ROMA 13:6

Eteudde lai pinangiananne anio tuṛṛangnga mammaekka wose, ana waugu tembonanne udde mamamanaran Duata apan mappaamattu manaran Mawu indi.

1 MARARATU 3:17

Sangkatou suwallatti tarua nabbisara, “Tuangnga Apan Mawantuga, i ya'u ringannu wawine indi uatana'a su wal᷊en sambau. Tawe taumata waine apan uatana'a ringanni yambua. Manga pira tempo nal᷊iu, i ya'u nanungkangu sangkatou ana'a esakka. Darua allo wua'udde wawine indi lai nanungkangngu ana'a esakka.