ROMA 13:6 - WUKE SUSI WATTI'U AL᷊AL᷊USASSA

⁶ Eteudde lai pinangiananne anio tuṛṛangnga mammaekka wose, ana waugu tembonanne udde mamamanaran Duata apan mappaamattu manaran Mawu indi.

ROMA 13:6 Referans Kwoze

LUKAS 23:2

Isudde i mangitou mapaasal᷊an Tou. I mangitou mabbisara, “I yami naaratingnga taumata indi mangngal᷊iwun lal᷊oṛṛon soa. I Tou mandolokku taumata tadea'u tawe mamaekka wose su Kaisar, ana waugu i Tou mabal᷊o manungku ete i Tou i Kristus, sangkatou ratu.”

1 TAWARIKH 18:14

Etearoddi i Daud namarenta ahewallu Israel wuṛṛu uariaga tadea'u suapan tumanangnge sidutu olaanna ringannu matul᷊idda wuṛṛu mapia.

ROMA 12:8

Taumata apan pia asingkatta mangngonggolu sasasa su taumata waine, ṛinone atonna-tonna mangonggolu sasasa su taumata waine, taumata apan pia al᷊amatta mantul᷊ungngu taumata waine ringannu darotongnge, ṛinone ma'ola'a udde ringannu naungnga mawawo wuṛṛu mal᷊uassa. Taumata apan pia asingkatta mammiaṛṛa'a, ṛinone atonna-tonna mammiaṛṛa'a. Taumata apan pia al᷊amatta mamasilon darangngune su taumata waine, ṛinone ma'ola'a ringannu naungnga mal᷊uassa.

NEHEMIA 5:4

Wuṛṛu piaddu lai mabbisara, “I yami buatte nabballassa roitta nipamaekka wose apan nitantunnu ratu wawaekku wawail᷊anna wuṛṛu waillu anggori yami.

EZRA 6:8

Suaddio'a ringannu suratta indi i ya'u mamarenta manga tuṛṛangnga tadea'u massumbala si mangitou sulal᷊ummu manara udde ringannu olangnge indi: Anambon bawaekku bangunanna ṛinone anuanna wuassu roittu wosen araratuanna su propinsi Efrat Waṛṛatta wuṛṛu ṛinone iawaekka su manga taumata udde ringannu tawe iasoṛṛotta.

EZRA 4:20

Su paassa buatte manga ratu apan matohassa namarenta poiaroddi wuṛṛu uataṛṛino ahewallu propinsi Efrat Waṛṛatta see napaamattu wose wuṛṛu aonggolla.

EZRA 4:13

Amungkangngu soa udde naola'a apia wuṛṛu manga darandungnge nasuete niapararisikka, tumanangnge maddarite lai mamaekka wose, ana see addapattu araratuanna sarun mahaingnga.

2 SAMUEL 8:5

Taumatan Siria wuassu Damsyik nandolokku tantara iapasumbala si Ratu Hadadezer. Arawe i Daud namaddon mangitou wuṛṛu namate 22.000 su atoune suwallatti mangitou.

ROMA 13:5

Ana waugu udde ṛinone i'o matuṛṛutta tembonanne – wal᷊ine tumba'u ana waugu i'o maddiri iṛṛuumanna, arawe ana waugu ahewallu apulun naungngu.

ROMA 13:7

Nariaddi waeṛṛete su tembonanne apa apan ṛinone tuṛṛangnga mamaekka si tou. Waeṛṛete wose, amungkangngu tuṛṛangnga ṛinone mamaekka wose, wuṛṛu waeṛṛete beane amungkangngu tuṛṛangnga ṛinone mamaekka bea. Imbei i mangitou apan ṛinone imbeanna wuṛṛu aaddatewe i mangitou apan ṛinone addatanna.