ROMA 12:17 - WUKE SUSI WATTI'U AL᷊AL᷊USASSA

¹⁷ Amungkangngu taumata mandal᷊eo si'o, arie wal᷊isannu al᷊al᷊eo. Ola'e apa apan mapia su aellegu awadaalla.

ROMA 12:17 Referans Kwoze

AMSAL 20:22

Imbaṛṛangnga mabbal᷊issa al᷊al᷊eo ringannu al᷊al᷊eo lai; pangimante Mawu, ete i Tou apan sarun mantul᷊ungnga.

1 TESALONIKA 5:15

Paariagai tadea'u arie pia taumata apan mabal᷊issu al᷊al᷊eo ringannu al᷊al᷊eo. Paddea'e sidutu ringannu ma'ola'a apapia, sangkatou ringannu waine wuṛṛu su anambon taumata.

MATIUS 5:39

Arawe orassa indi Ya'u mabbisara si yamiu: arie pabbal᷊issa sangkatou taumata apan ma'ola'a al᷊al᷊eo si yamiu. Apianne amungkangngu taumata mamero wambalanu aikkatanna, wala'a lai i tou mamero wambalanu aiṛṛi.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

ROMA 12:19

Manga tuṛṛangku! Arie saran paassa i'o mangune, wala'e Ruata maṛṛuumanna. Ana waugu sulal᷊ummu Wuke Susi uawoṛṛetta, “Ete i Ya'u apan mabbal᷊issa, i Ya'u sarun maṛṛuumanna, unnu wisaran Mawu.”

1 PETRUS 3:16

Arawe olaawe udde ringannu masaṛṛionto'a wuṛṛu aaddata. Wuṛṛu ṛinone lal᷊ummu naungngu waresi, tadea'u amungkangu i yamiu al᷊uandahanna ana waugu i yamiu mabbiakka ringannu mapia ere tumatantalongngi Kristus, ne taumata apan mangngal᷊uandaga udde sarun masili sassane.

1 TESALONIKA 5:22

Pangindauten al᷊awo'u hatin al᷊al᷊eo.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

KOLOSE 4:5

Sulal᷊ummu paa'aukki yamiu ringannu manga taumata apan tawe mangngimanna, ṛinone i yamiu mabbiakka su atatul᷊idda wuṛṛu mappa'attu al᷊awo'u tempo mapia udde, ringannu mapia-pia.

ROMA 14:16

Ana waugu udde arie mamalan sarannapa apan mapia si yamiu, sunnannu taumata waine lal᷊eo.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

1 TESALONIKA 4:12

Amungkangu i yamiu mabbiakka aroddi, yamiu tate uatundeetta sisai-sai, wuṛṛu manga taumata apan tawe mangngimanna si Kristus, sarun mangaddatta si yamiu.

PANDARIADDI 42:25

I Yusuf namarenta tadea'u manga karongnga apan niapiddu manga iaangnge lo'roannu gandumma, wuṛṛu roitti mangitou sambau-sambau nitaṛṛo sulal᷊ummu manga karongnga udde. Wuṛṛu lai i mangitou nionggol᷊annu anna maola'a wal᷊unna su amatanna. Parentane udde niraringiṛṛanna.

1 SAMUEL 26:11

Doronganna Mawu mamo'a si ya'u tadea'u tawe mamate ratu apan nipile-Ne! Anute sambeangnge wuṛṛu tampan ua'ene, ana see i ite inaite!”

AMSAL 24:29

Arie mabbisara, “I ya'u sarun mabbal᷊issa si tou sarangkanambone apan buatte niola'i tou si ya'u!”

MATIUS 5:24

ṛinone i tou manantangnga asuene sasambane su saruannu meddan sasamba see inai maddamen taumata udde. Wua'udde, wotongngete i tou mabelengnga wuṛṛu manantillu aonggolle su Ruata.

RUT 3:14

Ne i Rut natiille isudde maranin leddan Boas. Tiṛṛabbine marua allo maṛṛanggapa, i Rut napu'ote tadea'u tawe asiloannu taumata. Ana waugu i Boas maddiri pia sangkatou apan maasingkatta manungku i Rut nirumanta su tampa udde.