ROMA 12:15 - WUKE SUSI WATTI'U AL᷊AL᷊USASSA

¹⁵ Lalluasse su sambau ringannu manga taumata apan lulluassa, wuṛṛu luaite ringanni mangitou apan lulluai.

ROMA 12:15 Referans Kwoze

1 KORINTUS 12:26

Amungkangngu wageangnge sambau uapendama radda'a, anambon wageangnge waine maradda'a lai; amungkangngu wageangnge sambau raloanna, anambon wageangnge waine lulluassa suadio'a.

IBRANI 13:3

Naunge'o manga taumata sulal᷊ummu tuttupanna, paṛṛimau napa i yamiu lai isudde sulal᷊ummu tuttupanna su sambau ringanni mangitou. Wuṛṛu manga taumata apan a'olaanna walate apulu naungnga, ṛinone i yamiu mannaungnga si mangitou paṛṛimau napa i yamiu lai a'olaanna aroddi.

AYUB 30:25

Wal᷊inewe i ya'u lulluai suadio'a ringannu taumata apan massusa, wuṛṛu niumakkannu taumata apan pia awussa?

LUKAS 1:58

Manga al᷊indonganne wuṛṛu manga tuṛṛangnge naaringikka aroddi apiane Ruata si Elisabet, ne i mangitou lulluasse su sampunna ringanni tou.

WATTI'U MANGA RASUL 11:23

Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

FILIPI 2:26

I tou maapulu atonna maisasomban kamiu sarangkanambone, wuṛṛu i tou u'ambul᷊isadda ana waugu i yamiu suete naaringikka watti'a manungku i tou marada'a.

2 KORINTUS 11:29

Amungkangngu piaddu lome, i ya'u lai mammendama lome su sambau. Amungkangngu piaddu nanawo su rosa, naungku lai massusa.

2 KORINTUS 2:3

Ana waugu udde i ya'u namoṛṛettu suratta udde si yamiu. I ya'u maddirite mattembo si yamiu, see mapaasusan kamiu, sumbal᷊i ete i yamiu malluassa si ya'u. Ana waugu i ya'u mangngimanna manungku amungkangngu i ya'u lulluassa, ne i yamiu sarangkanambone lulluassa lai.

YOHANES 11:19

Manambo taumatan Yahudi nirumanta nattembo si Marta wuṛṛu si Maria malluassa naungngi mangitou ana waugu apapaten tuṛṛangnge.

AYUB 2:11

Asasilaka apan naṛṛia'a si Ayub niaringiṛṛanten hawene siri tallu, eteudde i Elifas wuassu soa Téman, i Bildad taumatan Suah wuṛṛu i Zofar taumatan Naamah. I mangitou na'ire inai mattembo wuṛṛu mappaal᷊uassu naungnge.

NEHEMIA 1:4

Naaringikka watti'a udde, i ya'u niuma'ianna wuṛṛu nilumuai. Manga pira allo al᷊annune naungku massusa. I ya'u sidutu mappuasa lapiddu u'al᷊imonna su Ruata,

FILIPI 2:28

Ana waugu udde maggewal᷊anna apulu'u mandolokki tou mabelengnga apia ringanni yamiu, tadea'u i yamiu lumuassa apia amungkangu massombate apia ringanni tou, wuṛṛu naungku lai mabbal᷊i matammuda.

MANNANASE 3:4

Ruata nanantunnu tempo lumuai wuṛṛu tempo lullagge, tempo sussangitta wuṛṛu tempo massal᷊aingnga,

YEREMIA 38:12

I Ebed-Melekh nandolo'u mangaddo manga mal᷊aṛṛenessa udde su anggal᷊ea'u maola'a aampakka, tadea'u tal᷊i udde tawe malliwitta si ya'u. Ne i ya'u tinumuṛṛutta parentan Ebed-Melekh.